ᐊᓄᑭᓇᑲᐣ ᐅᑎᐸᒋᒧᐏᐣ- ᐹᓬᐅᕒᐃ ᔓᐍᔭᐱᐠ

ᐃᔑᓂᑲᓱᐎᐣ:
ᐹᓬᐅᕒᐃ ᔓᐍᔭᐱᐠ

ᐃᐡᑯᓂᑲᐣ:
ᐍᐱᑵ ᐃᐡᑯᓂᑲᓂᐠ

ᑭᑕᓄᑭᐎᐣ:
ᑲᑕᔑᑭᔑᑌᐳᓇᓂᐘᐠ ᑲᐏᒋᑐᐨ

 

ᐊᓂᐣ ᐁᐣᑐᑕᒪᐣ᙮

ᑲᐏᒋᑐᔭᐣ ᑲᑕᔑᑭᔑᑌᐳᓇᓂᐘᐠ, ᐁᓇᓄᑭᔭᐣ ᐁᐅᔑᑐᔭᓇᐣ ᒥᒋᒣᓴᐣ, ᐁᑭᔑᑌᐳᔭᐣ, ᐁᑭᓯᓇᑲᓀᔭᐣ ᑲᐃᐡᑿ ᐏᓯᓇᓂᐘᐠ ᒥᓇ ᐁᐡᑲᒼ ᐁᐏᒋᐦᐊᐠ ᑲᑭᔑᑌᐳᐨ ᐁᐅᔑᑐᒋᐣ ᓇᐘᑵ ᐏᓯᓂᐏᐣ ᑲᔦᒪ ᐅᓇᑯᔑᓀᑵᐏᓇᐣ᙮

ᑭᑫᑕᓇᐣ ᒥᔑᐣ ᑫᑯᓇᐣ ᑲᐏᑕᓄᑭᒪᑿ ᑲᑭᔑᑌᐳᐘᐨ, ᐹᕒᑊ ᒥᓇ ᓈᕒᒪ᙮ ᒋᐅᔑᑐᔭᐣ ᑲᐏᓴᑭᐳᑯᓯᐨ ᓬᐊᓴᐣᔭ, ᑲᐯ ᓄᑯᒼ ᑐᔑᑐᐣ ᐅᐅᐍ᙮ ᑲᓇᐘᐸᒪᐠ ᑲᑭᔑᑌᐳᐘᐨ ᑲᐅᔑᑐᐘᐨ ᒥᒋᒪᐣ, ᑭᐡᐱᐣ ᐅᐣᒋᓯᓭᐠ ᒋᓇᐱᐡᑲᐘᐠ ᑫᑯᐣ ᐃᔑᐍᐸᐠ — ᑫᐏᓇᐘ ᐁᐃᓇᑭᓱᐘᐨ ᑲᐯᔑᐏ ᒪᐡᑭᑭᐏᓂᓂᐘᐠ᙮

ᒪᐘᐨ ᓂᒥᓊᑕᐣ ᐁᑭᔑᑌᐳᔭᐣ᙮ ᑐᔑᐦᐊᐠ ᓯᐘᓇᑯᓇᓴᐠ, ᑲᒥᓂᔑᐘᐨ ᑫᑯᐠ ᒥᓇ ᐸᔾ — ᑎᓄᑲᐣ ᑯᑯᓇᐟ ᒥᓇ ᑲᒑᑲᓇᑐᐏᐨ᙮ ᔭᐏᔭᐠ ᒪᐘᐨ ᐅᒥᓄᐱᑕᓇᐘ ᑲᐏᓯᓂᐘᐨ ᐅᐅᒪ, ᒪᐘᐨ ᒥᓊᑕᑯᐣ ᐁᑭᔑᑌᐳᓇᑲᓀᐘᐨ᙮

ᐯᔑᑿ ᑲᑭᔑᑲᐠ᙮

ᑎᔑᐘᓂᐡᑲ 5:45 ᑲᑭᔐᐸᔭᐠ, ᑭᓯᓯᐸᐢ ᒥᓇ ᑎᔕ ᑲᐃᔑᑭᔑᑌᐳᓇᓂᐘᐠ᙮ ᑲᐃᓯᓭᐠ 7:30 ᑲᑭᔐᐸᔭᐠ ᑐᑕᒥᐣ ᒪᐘᒋᐦᐃᑎᐏᐣ ᐊᐣᑿᒥᓯᐏᐣ ᒥᓇ ᒋᑭᑫᒋᑲᑌᐠ ᐊᓂᐣ ᑫᑐᒋᑲᑌᐠ ᑫᑯᐣ ᐅᐣᒋᔑᐍᐸᐠ᙮ ᓂᓄᐣᑕᒥᐣ ᒥᓇ ᐁᓇᓄᑭᐘᐨ ᑲᒪᒪᒐᐘᐨ ᐯᔑᑿ ᑲᑭᔑᑲᐠ ᒥᓇ ᐁᑕᔑᐣᒋᑲᑌᐠ ᐊᓂᐣ ᑫᑭᔑ ᐊᐣᑿᒥᓯᐘᐨ — ᑎᓄᑲᐣ ᐁᑲ ᒋᓴᑲᐦᐊᐍᐘᐨ ᓄᐱᒪᑲᒥᐠ ᒣᑿᐨ ᑲᓂᐱᐠ᙮

ᒥᓇ ᑭᐍᐃᔕ ᑲᐃᔑᑭᔑᑌᐳᓇᓂᐘᐠ ᒥᓇ ᑭᓯᓇᑲᓀ᙮ ᒥᓇᐘᑕᐡ, ᓂᓇᑲᒋᐦᐊᐠ ᑕᑭᓯᒋᑲᓇᐠ ᐃᐃᒪ ᑲᐯᔑᐏᓂᐠ ᐁᓇᑲᒋᑐᔭᐣ ᐁᑯᓀᓇᐣ ᐁᓄᑌᓭᑭᐣ ᒥᓇ ᐁᓇᑲᒋᑐᔭᐣ ᒋᑌᐱᓭᑭᐣ ᒪᐡᑯᔑᐣ ᒥᒋᒪᐣ᙮ ᑭᐡᐱᐣ ᓇᑕᐍᑕᑯᐠ, ᑐᑎᓇᓇᐣ ᐊᑕᓱᐏᑲᒥᑯᐠ ᒥᓇ ᑲᐃᔑᐊᑯᒋᒋᑲᑌᑭᐣ ᒥᒋᒪᐣ᙮ ᐁᐡᑲᒼ ᑲᑭᔑᑌᑊ ᐃᐃᐍ ᑲᐃᐡᑿᑐᑕᒪᐣ᙮

ᑭᐱᒋ ᒣᑿᐨ ᑲᐃᓯᓭᐠ 3 ᑲᐃᐡᑿᓇᐘᑵᐠ ᒥᓇ ᑎᔕ ᐃᐃᒪ ᐅᑕᒥᓄᐏᑲᒥᑯᐠ ᐁᑲᓇᐘᐸᑕᒪᐣ ᒪᓯᓇᑌᓯᒋᑲᐣ, ᐱᐘᐱᑯᐠ ᑐᒋᐊᔭᒥᐦᐊᐠ ᑲᒥᓄᐏᒋᐘᑿ ᐃᐃᒪ ᐍᐱᑵᐠ ᑲᔦᒼ ᓇᒋᓇ ᓂᓂᐸ᙮ ᑲᐃᓯᓭᐠ 5 ᑲᐃᐡᑿᓇᐘᑵᐠ, ᑭᐍᐃᔕ ᑲᐃᔑᑭᔑᑌᐳᓇᓂᐘᐠ, ᑐᑕᑐᓇᐣ ᑲᓄᑌᓭᑭᐣ ᑫᑯᓇᐣ ᒥᓇ ᔑᐘᐳᑲᓇᐣ ᒋᒧᐡᑭᓀᑭᐣ ᒥᓇ ᓂᐱ ᑲᐃᔑᐊᓯᐘᑌᑭᐣ ᒋᒧᐡᑭᓀᑭᐣ᙮

ᑲᐃᐡᑿ ᐏᓯᓂᐘᐨ ᐊᓄᑭᓇᑲᓇᐠ ᑲᐅᓇᑯᔑᓂᓂᐠ, ᓂᐏᓯᐣ, ᑭᓯᓇᑲᓀ ᒥᓇ ᐁᑕᓱ ᓂᔓᑭᔑᑲᐠ ᓂᐍᐸᐦᐃᑫ ᒥᓇ ᑭᓯᓴᑭᓂᑫ ᒧᒋᓴᑲᐠ, ᐊᒋᑲᓇᑯᐠ ᒥᓇ ᐊᓴᒥᓴᐠ ᐊᒋᑲᓇᑯᐣ᙮ ᒥᓇ ᑕᓂᑭᓯᓯᐸᐢ ᒥᓇ ᑕᓂᑲᐏᔑᒼ ᐁᐃᐡᑿ ᑭᓊᐡ ᐁᑭᑭᔑᑲᐠ ᐅᐅᒪ ᐁᐢᑯᕒ!

ᐊᓂᐣ ᐁᐣᑐᑕᒪᐣ ᒣᑿᐨ ᑲᑭᐱᒋᔭᐣ ᑭᑭᔑᑲᒪᐣ?

ᒣᑿᐨ ᑭᔑᑲᐣ ᑲᑭᐱᒋᔭᐣ, ᓂᐏᒋᐘᐠ ᑲᒥᓄᐏᒋᐘᑿ ᒥᓇ ᑎᐯᒋᑫᐏᓂᐠ ᒥᓇᑲᓇᐘᐸᑕᓇᐣ ᑲᒥᓄᓇᒪᐣ ᑲᒪᓯᓇᑌᓭᑭᐣ, ᑎᓄᑲᐣ ᔑᑲᑯ ᐃᐡᑯᑌ᙮ ᓂᒥᑭᓯᑿᐢ ᒥᓇ ᒥᒋᑲᐘᓇᐠ ᒥᓇ ᒪᑭᓯᓇᐣ ᐃᑵᐘᐠ ᑲᐅᔑᑐᐘᒋᐣ ᐃᐃᒪ ᐃᐡᑯᓂᑲᓂᐠ᙮ ᔭᐏᔭᐠ ᐅᑐᑕᐱᓇᓇᐘ ᐁᐊᑕᒥᔑᐘᐨ ᑲᒥᑭᓯᑿᓱᔭᐣ᙮ ᐁᐡᑲᒼ ᑕᑌᑭᔑᑌᐳᒥᐣ ᒥᓇ ᐁᒪᐘᒋᐦᐃᑎᔭᐠ ᑲᒥᓄᐏᒋᐘᑿ᙮᙮᙮ᐅᐅᐍ ᑲᑭᔑᑌᐳᔭᐣ᙮᙮᙮ᒪᐘᐨ ᑭᒋᓀᑕᑯᐢ ᒣᑿᐨ ᑲᑭᔑᑌᐳᓇᓂᐘᐠ᙮

ᐁᑯᓀᐣ RoFATA ᑭᑭᓄᒪᑫᐏᐣ ᑲᑭᐅᑕᐱᓇᒪᐣ?

ᑭ ᐃᔕᓇᐸᐣ ᓀᐡᑲᐣᑕᑲ ᐃᐡᑯᓂᑲᓂᐠ ᓂᓵᓱᑕᐘᑌ ᒥᓂᑯᐠ ᑲᐃᔑᑭᔑᑌᐳᓇᓂᐘᐠ ᑲᐏᒋᑐᐨ ᑭᑭᓄᒪᑫᐏᐣ ᑭᐅᑕᐱᓇᐣ᙮ ᑭᑭᑭᓄᒪᑯᒥᐣ ᒋᑭᔑᑌᐳᔭᐠ, ᒋᐱᑕᐱᑭᓯᒋᑫᔭᐠ ᑭᔑᑌᐳᐏᓇᐣ, ᒧᑯᒪᓇᐣ ᑫᑐᒋᑲᑌᑭᐣ ᒥᓇ ᒋᐊᐸᒋᐦᐊᑲᓀᐨ ᑲᐱᑕᐱᑭᓯᒋᑲᓂᐘᐠ ᑲᑭᔑᑌᐳᓇᓂᐘᐠ ᒥᓇ ᐅᑭᒋᔦᐦᐃ ᑲᐅᒋ ᑭᔑᑌᐳᓇᓂᐘᐠ᙮ ᑲᐏᐣ ᐃᐃᐍ ᒥᓂᑯᐠ ᐏᑲ ᓂᒪᒐᓯᐣ ᐍᐱᑵᐠ, ᑭ ᐅᐣᒋ ᑿᔭᐣᒋ ᐅᐅᐍ ᓂᔓᑕᐘᑌ ᑲᐱᔕᔭᐣ ᒥᓇ ᓂᔓᑕᐘᑌ ᑲᑭᐱᒋᔭᐣ ᑲᐃᓇᑌᐠ ᐊᓄᑭᐏᐣ ᐅᐅᒪ ᑲᐯᔑᐏᓂᐠ! ᓂᒥᓊᑕᐣ ᐅᐅᐍ ᑲᑐᑕᒪᐣ ᒥᓇ ᑲᑭᑭᑭᓄᒪᑯᔭᐣ᙮ ᑲᐏᐣ ᑐᐣᒋᓀᑕᓯᓇᐸᐣ ᒋᐊᓄᑭᔭᐣ᙮᙮᙮ᔕᑯᐨ ᓄᑯᒼ ᑕᓄᑭ!

ᐊᓂᐣ ᐁᔑᓇᑕᐍᑕᒪᐣ ᑭᑕᓄᑭᐏᐣ ᒋᔑᓇᑯᐠ ᓂᑲᐣ ᐅᐅᒪ Noront?

ᓴᑭᑐᐣ ᑲᐃᔑᐊᓄᑭᔭᐣ ᑲᐃᔑᑭᔑᑌᐳᓇᓂᐘᐠ ᒥᓇ ᐸᑯᓭᑕᐣ ᐃᐃᐍ ᒋᑐᑕᒪᐣ!