Indspire Your Future: ᐁᑯᓀᐣ ᒥᓇ ᑯᑕᐠ ᑭᐣ?

ᐁᐅᓇᑕᒪᓱᔭᐣ ᑭᓂᑲᓂᒥᐠ ᒪᐘᐨ ᓴᓇᑲᐣ᙮ ᑲᑭᑲᑵᑭᑫᑕᐣ ᐊᓂᐣ ᐘᑐᑕᒪᐣ, ᐊᐣᑎᓀᑫ ᑫᐃᔑᐱᑎᑫᔭᐣ ᑭᑭᓄᒪᑎᐏᑲᒥᑯᐠ ᒥᓇ ᐊᐣᑎ ᑫᐅᐣᒋ ᑎᐸᐦᐃᑫᔭᐣ ᑭᑭᑭᓄᒪᑯᐏᓇᐣ᙮ ᐅᐅᒪ Noront, ᑭᑫᑕᒥᐣ ᐅᐅᐍ ᐁᓴᓇᑲᐠ ᒥᓇ ᐁᒥᑯᐡᑲᑌᑕᑯᐠ ᒥᓇ ᓂᐏᐏᒋᑐᒥᐣ᙮

ᒥᓂᑯᐠ ᑲ ᐊᐦᑭᐘᐠ 2014, ᑭᒥᑭᐍᒥᐣ ᐊᐘᔑᒣ $140,000 ᑲᐃᐡᐱᑭᑫᑕᓱᐘᐨ ᑭᑭᓄᒪᐘᑲᓇᐠ ᑲᐃᔕᐘᐨ ᑭᒋᑭᑭᓄᒪᑎᐏᑲᒥᑯᐠ, ᑳᓬᐃᐨ, ᓇᑲᒋᐏ ᑭᑭᓄᒪᑎᐏᑲᒥᑯᐣ ᐅᐅᒪ ᐁᐅᐣᒋ ᐏᒋᒋᑲᑌᐠ Indspire Building Brighter Futures: ᔓᓂᔭᐏ ᐸᑭᑎᓂᑫᐏᓇᐣ, ᑭᑭᓄᒪᑫᐏ ᐸᑭᑎᓂᑫᐏᐣ, ᒥᓇ ᒥᑭᐍᐏᓇᐣ᙮ ᐅᐅᐍ ᔓᓂᔭ ᐅᐣᒋ ᒥᓄᓭᐘᐠ ᑭᑭᓄᐦᐊᒪᐘᑲᓇᐠ ᐃᓂᐍᓂᐘᐣ ᑲᐅᑕᐱᓇᒧᐘᐨ ᑭᑭᓄᒪᑫᐏᓇᐣ ᑎᓄᑲᐣ ᒪᐡᑭᑭᑵᐊᓄᑭᐏᐣ, ᐱᒪᑎᓯᐏ ᐊᓄᑭᐏᓇᐣ, ᒪᒪᑕᐏᐊᓄᑭᐏᓇᐣ, ᒪᓯᓇᑌᓯᒋᑫᐏᐊᓄᑭᐏᓇᐣ, ᒪᒪᑕᐏᐱᐘᐱᑯ ᐊᓄᑭᐏᓇᐣ, ᑭᔑᑌᐳᐏ ᐊᓄᑭᐏᐣ, ᑎᐸᑯᓂᑫᐏ ᐊᓄᑭᐏᓇᐣ ᒥᓇ ᒥᑐᓀᒋᑲᓂ ᐊᓄᑭᐏᓇᐣ᙮ ᓂᐏᒋᑐᒥᐣ ᑭᑭᓄᒪᑫᐏᓇᐣ ᐊᑯᓇᐠ PhD ᐊᐱᒋ ᑭᑫᑕᓱᐏᓇᐣ᙮

ᑯᕒᐁᐠ ᐘᐳᐢ ᐁᐅᐣᒋᐨ ᐁᐊᐸᒪᑐᐣᐠ ᐅᑭᑌᐱᓇᐣ Indspire ᐅᑕᓇᐠ ᒥᑭᐍᐏᐣ ᑲᑭᑌᐱᓇᐠ ᒥᓇ ᒣᑿᐨ ᐁᑕᓇᓄᑭᐨ ᑐᕒᐅᐣᑐ ᐅᑭᒪᐏᐣ ᑲᑕᓇᐱᐘᐨ᙮ ᒪᐘᐨ ᑭᒋᓀᑕᒥᐣ ᐃᐃᐍ ᑲᑭᓇ ᑲᐃᔑ ᑲᐡᑭᑕᒪᓱᐨ᙮

ᑯᕒᐁᐠ ᐅᑭᑌᐱᓇᓇᐸᐣ Noront ᒪᒋᑕᐏᐣ ᐊᓂᔑᓂᓂᐏ ᒥᑭᐍᐏᐣ ᑲ ᐅᐣᒋᒥᑲᐍᓂᒪᑲᓀᐨ ᐹᓬ ᓭᒼᐳᓬ, ᐁᑯᐣᒋ ᔑᓂᑲᑌᐠ ᑲᑭᓂᑲᓂᐡᑲᑯᔭᐠ ᐁᑭᐅᐣᒋ ᐃᐡᑿᐱᒪᑎᓯᐨ ᒣᑿᐨ ᑲᑭ ᐊᐦᑭᐘᐠ 2015᙮ ᐅᐅᐍ ᒥᑭᐍᐏᐣ ᒥᓇᐘᐠ ᑭᑭᓄᒪᐘᑲᓇᐠ ᑲᐅᐣᒋᐘᐨ ᒪᑕᐘ ᐃᐡᑯᓂᑲᓇᐣ, ᐊᑕᐘᐱᐢᑲᐟ ᒥᓇ ᒥᐡᑭᑯᑲᒪᐣᐠ ᒥᓇ ᑲᔦ ᑲᑭᔑᑐᐘᐨ ᐅᑭᑭᓄᒪᑯᐏᓂᐘ ᐃᐃᒪᓀᑫ ᑲᑭᓂᑿᓇᑫᐠ ᐃᐡᑯᑌᐊᐦᑭᐠ ᐊᓂᔑᓂᓂᐏ ᑭᑭᓄᒪᑫᐏᓂᐠ (RoFATA).

ᐁᑯᓀᐣ ᐃᐃᐍ ᒥᑭᐍᐏᐣ? ᐁᒪᒪᐘᒋᑲᑌᐠ ᐃᐃᐍ ᑭᑭᓄᒪᑫᐏ ᒥᑭᐍᐏᐣ, ᐁᒥᑭᐘᓂᐘᐠ ᐁᐃᓇᒋᑲᓂᐘᐠ ᑲ ᐊᐱᒋᑭᑫᑕᓱᐨ ᔭᐏᔭ ᒥᓇ ᐁᒥᓇᑲᓀᐨ ᔓᓂᔭᓇᐣ, ᐁᐃᓇᒋᑲᓂᐘᐠ ᒥᓂᐠᐳᐠ ᑲᓇᑕᐍᓂᒪᐨ ᔓᓂᔭᓇᐣ ᔭᐏᔭ᙮

ᑫᓂᓯᓭᑭᐣ ᑭᐡᐳᓀᐱᐦᐃᑲᓇᐣ ᒋᑭᔑᐱᓭᐠ ᐃᐃᒪ ᓄᐯᒼᐳᕒ 1, 2017, ᐯᐳᐍᕒᐃ 1, 2018 ᒥᓇ ᐋᑲᐢᐟ 1, 2018᙮

ᑭᐡᐱᐣ ᐊᔭᔭᐣ ᑲᑵᑌᐏᓇᐣ ᐅᐅᐍ ᐅᐣᒋ ᒥᑭᓯᐤ ᐅᒐᑊ, ᑲᑭᑲᓄᓇ: ᑫᐃᐟᓬᐃᐣ ᐯᕒᐃᐢ, ᑲᓂᑲᓂᐡᑲᐠ, ᐃᓂᓂᐏ ᐊᓄᑭᐏᐣ & ᒪᒋᑕᐏᐣ ᐱᒪᑎᓯᐏ ᐸᐸᒥᓯᐏᓇᐣ

ᒪᒋᑭᑐᐏᐣ: 807-632-8103

ᐱᐘᐱᑯᐠ: kaitlyn.ferris@norontresources.com