ᒪᐠᐸᓪᐢ 8 ᐁ ᐃᑕᓯᓇᑌᐠ ᐅᐡᑭ ᓇᓇᑕᐧᐊᐸᒋᑫᐧᐃᐣ ᑲ ᑭᒥᐢᑭᑲᑌᐠ

ᐊᓄᒋᑫ ᓂ ᑭᑭᔑᑕᓇᐣ ᐅᐡᑲᐨ ᐁᐧᐊᓇᐃᑫᔭᐠ ᒪᐠᐸᓪᐢ ᑲ ᐃᔑ ᓄᒋᒋᑫᐟ ᐊᐣᑌ ᑲ ᑭ ᐅᑎᓇᒪᐠ  ᑭᓕᑊᐢ 2015

ᒪᐠᐸᓪᐢ ᒪᐟ ᐁ ᐅᒋ ᒪᓯᓇᐧᐊᐱᐢᐧᐊᐟ ᐊᓯᓂᔭ

ᐊᔕᔾ ᑯᑕᑭᔭᐠ ᐊᐧᐁᓂᑲᓇᐠ ᑭᓄᒋᒋᑫᐧᐊᑯᐸᐣ ᐧᐊᔦᐡ 2002 ᓀᐢᑕ 2011 ᑲᐱᐳᓂᓂᐠ᙮ ᓂᓇᓇᑕᐧᐊᐸᑌᓇᐣ ᐧᐊᓴᐧᑲᐱᐢᐠ ᓀᐢᑕ ᐅᓴᐧᐊᐱᐢᐠ᙮ ᑲ ᐅᒋ ᐅᔑᐅᒪᑲᐠ ᐊᐢᑭᐠ ᐅᒋ ᐁᑯᑕ ᑲ ᑭ ᐃᔑ ᒥᐢᑭᑲᑌᑭ ᐅᐅ ᑲᓇᓇᐧᑲᐱᐢᑭᓯᒋᐠ ᐊᓯᓂᔭᐠ ᑲ ᑭ ᐃᔑ ᐸᐡᑭᐸᓂᑯᐸᓀ ᒪᑯᓀᐤ ᐁᑯᑕ ᒪᑲ ᑲ ᑭ ᐅᒋ ᒥᐢᑭᑲᑌᑭ ᐅᐅ ᓀᐢᑕ ᑲ ᐃᔑ ᐧᐊᑎᑲᓂᐧᐊᐠ ᐅᑯ ᒪᐠᐸᓪᐢ ᓀᐢᑕ ᐧᕆᐣᐠ ᐊᑊᐸᔪᕐ ᔓᓂᔭᓂᒧᓇᐃᑫᐧᐃ ᐊᑐᐢᑫᐧᐃᐣ᙮

ᓂᐧᐃᐯᑯᑕᐃᑲᓇᐣ ᑭᒋ ᐊᐱᔕᔑᐠ ᒋᓂᐢᑎᑭ ᐊᐣᑕ ᐧᐊᐢᑲ ᒪᐠᐸᓪᐢ 3 ᑲ ᐃᔑ ᐃᑕᓯᓇᑌᐠ ᑲ ᐃᔑ ᑭᐢᑫᓂᑕᒣᐠ ᑲ ᐃᔑ ᓇᐃᑲᒋᐠ᙮ ᐊᑕ ᒥᓴᐧᐊᐨ ᐊᓂᐃ ᐅᐡᑲᐨ ᓂᐧᔕᔦᐠ ᑲ ᑭ ᐃᔑ ᐯᐧᑲᑕᐃᑲᓂᐧᐊᐠ ᐁᑲ ᑕᐧᐯ ᑫᐧᑲᐣ ᐁ ᐅᒋ ᐅᑎᓂᑲᑌᐠ ᐊᓂᒪ ᒪᑲ ᓂᐢᐧᑕᔦᐠ ᑲ ᑭ ᐃᔑ ᐯᐧᑲᑕᐃᑲᓂᐧᐊᐠ 18 ᒥᓯᐟ ᐁ ᑭ ᒥᐢᑭᑲᑌᐠ ᐅᓴᐧᐊᐱᐢᑲᓯᓂᔾ ᐊᔑᐨ ᑭᑭ ᑯᑕᑭᔭᐠ ᐊᓯᓂᔭᐠ 9 ᒥᓯᐟ ᐃᓂᑯᐠ ᐧᐊᔦᐡ 2.0% ᐅᓴᐧᐊᓯᓂᔾ 3.6%

ᒥᑐᓂ ᑕᐧᐯ ᒥᐧᓇᔑᐣ ᑲ ᑭ ᐃᔑ ᒥᐢᑭᑲᑌᐠ ᑫᐧᑲᐣ ᐊᐣᑕ ᑲ ᐃᔑ ᐃᑕᐧᑲᐠ ᒪᐠᐸᓪᐢ 3 ᑲ ᐃᑕᓯᓇᑌᐠ ᑲ ᐃᔑ ᐸᑭᑎᓂᑲᑌᐠ ᑫᐧᑲᐣ᙮ ᑫ ᑭ ᐅᒋ ᑭᐢᑭᓄᐧᐊᒋᒋᑲᑲᓂᐧᐊᐠ ᑕᐧᐯ ᑭᒋ ᑭ ᐊᐸᑕᑭᐸᐣ ᐁ ᐃᑕᐧᑲᐠ ᑫᐧᑲᐣ ᐊᐣᑕ᙮ ᐅᒪ ᒪᑲ ᑎᔑᓂᑲᑌᓇᐣ ᒪᐠᐸᓪᐢ 8 ᑲ ᐃᑕᓯᓇᑌᐠ (ᒧᓇ ᐧᐃᓇ ᑕᐧᐯ ᑭᑲᑕᐧᑲᐣ ᓂᑭᐢᑫᓂᑌᓇᐣ ᐊᓂ) ᐊᐢᑭᐧᐃ ᒪᓯᓇᐃᑲᓂᐠ ᑎᐸᐢᐧᑲᐃᑫᐧᐃᐣ ᐧᐁᒋᐃᑭᐠ᙮

ᑭᓄᒋᑕᓂᐧᐊᓄᐸᓂ ᐅᐸᐅᐧᐃᐱᓯᑦ ᓀᐢᑕ ᐧᐁᐧᐁᐧᐃᐱᓯᑦ ᐁ ᑭ ᑭᐢᑭᓄᐧᐊᒋᑕᓂᐧᐊᑭᐸᐣ ᑭᒋ ᓄᒋᑕᓂᐧᐊᐠ ᐊᐣᑕ ᒪᐠᐸᓪᐢ 3 ᓀᐢᑕ 1 ᑲ ᐃᑕᓯᓇᑌᑭ᙮

ᐃᔑᓇᐧᑲᐣ ᒥᓂ ᑯᑕᐠ ᐁᒥᐢᑭᑲᑌᐠ ᑫ ᐃᔑ ᐯᐯᐧᑲᑕᐃᑲᓂᐧᐊᐠ᙮ ᑲ ᐃᑌᓂᒋᑲᑌᐠ ᑭᒋ ᐊᑎ ᓇᓇᑕᐧᐊᐸᒋᑲᓂᐧᐊᐠ ᐊᐣᑌ ᒪᐠᐸᓪᐢ ᑲ ᐃᔑ ᓄᒋᒋᑫᒋᐠ ᐊᑎ ᑕᐧᑲᑭᑫ ᐁᐸᑯᓭᓂᒧᓇᓂᐧᐊᐠ ᑭᒋ ᑭ ᐊᑎ ᒥᐢᑲᒋᐠ ᒪᑕᐧᐊᓯᓂᔭᐠ ᑫ ᑭ ᐊᑎ ᐅᒋ ᐧᐃᒋᐃᑯᓇᓂᐧᐊᐠ ᐊᑐᐢᑫᐧᐃᓂᐠ ᐃᔑ ᐊᓂᒪ ᐅᒋ ᕆᐣᐠ ᐊᑊᐸᔾᔭᕐ ᑐᑕᒧᐠ ᐱᑯ ᑫ ᐊᑎ ᐃᑭᐠ᙮