ᒪᐠᐹᓬᐟᐢ ᑎᐯᐣᒋᑲᐣ 8: Noront ᓄᑯᒼ ᐅᓇᓇᑕᐘᐸᒋᑫᐏᐣ ᑲᑭᒥᑲᒧᐘᐨ

ᓄᑯᒼ ᑭᑭᔑᑐᒥᐣ ᓂᑕᒼ ᑲᑭᒧᓇᐦᐃᑫᔭᐠ ᐃᐃᒪ ᒪᐠᐹᓬᐟᐢ ᑎᐯᒋᑲᓂᐠ ᑲᑭᐊᑕᒪᔭᑭᐸᐣ ᑭᓬᐃᑊᐢ ᒣᑿᐨ ᐊᐦᑭᐏᐣ 2015᙮

ᐅᑕᓇᐠ ᑭᐱᓇᓇᑕᐘᐸᒋᑲᓂᐘᐣ ᒣᑿᐨ ᑲᑭᐊᑭᐘᑭᐣ 2002 ᒥᓇ 2011᙮ ᑭᓇᓇᕒᐊᐘᐸᒪᒥᐣ ᐅᓴᐘᐱᑯ ᐊᓯᓂᐠ ᒥᓇ ᑲᐘᐱᐡᑭᓯᐘᐨ ᐊᓯᓂᐠ ᒥᑕᐦᐃ ᒋᐊᑌᐠ ᑲᐃᔑᓇᑯᓯᐨ ᐊᓯᐣ ᑎᓄᑲᐣ ᑲᑭᒐᑭᓱᐨ ᐊᓯᐣ ᐃᐃᒪᓀᑫ ᑲᐃᔑᑭᑫᑕᑯᓯᐘᐨ VMS ᐊᓯᓂᐠ (ᑲᑭᒐᑭᓱᐘᐨ ᒥᑕᐦᐃ ᑲᐏᓴᑭᒪᑯᓯᐨ)᙮

ᒪᐟ ᐁᒪᓯᓇᑭᓴᐠ ᐊᓯᐣ ᑲᑭᐅᑕᐱᓇᑲᓀᐨ ᐃᐃᒪ ᒪᐠᐹᓬᐟᐢ

ᒋᒥᑲᐘᑲᓀ ᐅᐡᑭ ᐊᓯᓂᐠ ᐃᐃᒪ ᑌᑎᐸᐦᐃ ᒪᐠᐹᓬᐟᐢ ᐊᐦᑭᐏᓂᐠ ᑕᓂᓯᓭ ᒋᓇᓇᑕᐘᐸᒋᑲᓂᐘᐠ ᐊᓄᑭᐏᐣ ᐃᐃᒪ ᑲᐃᔑ ᑭᓂᑿᓇᑌᐠ ᐃᐡᑯᑌ ᐊᐦᑭᐠ᙮

ᑭᔑᐅᓇᒋᑫᒥᓇᐸᐣ ᒋᐊᑲᓯᑭᐣ ᓂᓱ ᐸᑯᓀᐦᐃᑲᓇᐣ ᐊᓄᑭᐏᐣ ᐃᐃᒪ ᑌᑎᐸᐦᐃ ᒪᐠᐹᓬᐟᐢ ᐊᐦᑭᐏᓂᐠ 3 ᐁᔑᑭᑫᒋᑲᑌᐠ VMS ᐊᓯᓂᑲᓇᐣ᙮ ᐃᓂᐍᓂᐘᐣ ᓂᔑᐣ ᒧᓇᐦᐃᑲᓇᐣ ᑲᐏᐣ ᑌᐻ ᒋᐅᐣᒋ ᒥᑲᐘᑲᓀᐨ ᐊᓯᐣ, ᐃᐃᐍ ᓂᔁ ᑲᑭᒧᓇᐦᐃᑲᓂᐘᐠ ᑭᔑᒥᑲᐘᑲᓀ 18 ᑕᓱᒥᓯᐟ ᐊᓇᒪᑲᒥᐠ ᐅᓴᐘᐱᑯᐊᓯᓂᐠ ᑲᐃᔑᓇᑯᓯᐨ, ᒥᓇ ᑕᑯ 9 ᑕᓱᒥᓯᐟ ᑭᐱᑭᐍᓭ 2᙮0% ᐅᓴᐘᐱᐠ, 3᙮6% ᑯᑕᐠ ᐅᓴᐘᐱᐠ ᒥᓇ ᑲᐃᓇᑲᓀᓯᐘᐨ ᐘᐱᐢᑲᐱᑯᐊᓯᓂᑲᓇᐣᐠ,

ᒪᐘᐨ ᑭᒋᓀᑕᑯᐣ ᐅᐅᐍ ᑲᑭᔑᒥᑭᑲᓂᐘᐠ ᑲᐃᔑᐊᑌᐠ ᐍᑎᓀᑫ ᐊᓇᒪᑲᒥᐠ ᒪᐠᐹᓬᐟᐢ ᐊᐦᑭᐏᓂᐠ 3 ᑲᐃᔑᐊᐱᐨ ᐊᓯᓂᐠ, ᒋᔑᒥᑭᑲᓂᐘᐠ ᒋᔑᓇᑯᓯᐨ ᑲᐃᔑᐊᐱᐨ ᐊᓯᓂᐠ ᑲᐃᓇᑲᓀᓯᐘᐨ᙮ ᒥᐅᐍ ᑲᐃᔑᓂᑲᑕᒪᐠ ᑲᑭᔑᒥᑭᑲᓂᐘᐠ ᒪᐠᐹᓬᐟᐢ ᐊᐦᑭᐤᓂᐠ 8 (ᑲᐏᐣ ᒋᐅᐡᑭᔑᓂᑲᒋᑲᓂᐘᐠ, ᑭᑫᑕᒥᐣ!)᙮ ᒥᓇ ᑕᑯ, ᑲᑭᒪᓯᓇᑭᓯᑲᑌᑭᐣ ᐊᐦᑭᐏᓇᐣ ᒣᑿᐨ ᐋᑲᐢᐟ ᒥᓇ ᓯᑌᒼᐳᕒ ᑭᔑᑭᑭᓇᐘᒋᒋᑲᓂᐘᐣ ᓂᔑᐣ ᑲᐃᔑᐊᐱᐘᐨ ᐊᓯᓂᐠ ᐃᐃᒪ ᐊᐱᑕ ᒪᐠᐹᓬᐟᐢ ᐊᑭᐏᓇᐣ 3 ᒥᓇ ᐊᑭᐏᐣ 1᙮

ᒥᐍ ᐁᔑᓇᑯᐠ ᐅᐅᐍ ᑯᑕᐠ ᐅᐡᑭ VMS ᒥᑭᑫᐏᓇᐣ ᐊᐱ ᒪᒋᒧᓇᐦᐃᑲᓂᐘᐠ᙮ ᒥᐍ ᐁᓇᒋᑫᔭᐠ ᒋᐱᒥ ᓇᓇᑲᒋᒋᑫᔭᐠ ᐃᐃᒪ ᒪᐠᐹᓬᐟᐢ ᐊᐦᑭᐏᓂᐠ ᐅᐅᐍ ᑫᑖᑿᑭᐠ ᐁᐃᓀᑕᒪᐠ ᐊᐘᔑᒣ ᒋᑭᒥᑲᐘᔭᐠ ᐅᓴᐘᐱᑯᐏ ᐘᐱᐢᑭᐏ ᐊᓯᓂᑲᓇᐠ ᒥᓇ ᒋᔑᓇᑯᐠ ᑭᐡᐱᐣ ᑯᑕᐠ ᐊᓯᓂᑫᐏᑲᒥᐠ ᒋᐅᔑᒋᑲᑌᐠ ᐃᐃᒪ ᑲᐃᔑᑭᓂᑿᓇᑌᐠ ᐃᐡᑯᑌᐏ ᐊᐦᑭᐠ᙮ ᐸᐱᐦᐅᐘᐠ!