ᐊᐣᑿᒥᓯᑫᐏᐣ

ᓂᐣ ᒪᔾᐠ ᑌᓯᓬᐁᐟᐢ, ᐊᓄᑭᐏᐣ ᑲᓂᑲᓂᐡᑲᐠ

ᓅᕒᐊᐣᐟ ᑲᑲᑵᑌᐱᓇᐠ ᑲᑭᓇ ᔭᐏᔭ ᒋᑭᐍᐨ ᐅᑕᓄᑭᐏᓂᐠ ’ᐁᒥᓄᔭᐨ ᒥᓇ ᐁᒥᓄᓭᐨ’ ᐁᑭᐍᓇᑕᐘᐨ ᐅᑎᐯᒋᑫᐏᓂᐠ ᒥᓇ ᑲᓴᑭᐦᐊᒋᐣ᙮ ᐅᐅᐍ ᒋᑭᑌᐱᓂᑲᑌᐠ, ᑲᑵᑌᐸᐦᐊᒥᐣ ᐃᐃᐍ ᐁᑲ ᒋᓯᓭᑭᐣ ᐱᒋᑐᑕᓱᐏᓇᐣ᙮

ᒪᐟ ᑌᓬᐅᕒ, ᐊᓄᑭᐏᐣ ᐊᐦᑭᐏᓇᑲᒋᒋᑫᐏᐣ, ᐁᓂᑲᓂᐡᑲᐠ ᐁᑕᓱᑭᔑᑲᐠ ᒥᓄᔭᐏᐣ ᒥᓇ ᐊᐣᑿᒥᓯᐏᐣ ᐊᐸᒋᒋᑲᓇᐣ ᒪᒪᐤᐱᐏᐣ ᐃᐃᒪ ᐁᐢᑯᕒ ᑲᐯᔑᐏᓂᐠ᙮

ᒪᐘᐨ ᑭᒋᓀᑕᑯᐣ ᒋᐅᔑᑐᔭᐣ ᑌᐻᓂᒥᑎᐏᐣ ᒥᓇ ᒋᐏᒋᐦᐃᑎᔭᐠ ᑲᐃᔑ ᐯᐯᔑᑯᔭᐠ ᐃᐃᒪ ᑲᑕᓇᓄᑭᓇᓂᐘᐠ, ᑿᔭᐠ ᒋᐊᓄᑭᔭᐠ ᐊᐣᑿᒥᓯᐏᓂᐠ᙮ ᓅᕒᐊᐣᐟ ᐊᔓᑕᒪ ᒋᐅᐣᑕᒋᑫᐨ ᑭᑭᓄᒪᑫᐏᓇᐣ, ᓂᑲᓂᑕᒪᑫᐏᓇᐣ ᒥᓇ ᑲᓇᐘᐸᒋᑫᐏᓇᐣ ᒥᓇ ᒋᑭᑭᓄᒪᐘᒋᐣ ᐊᓄᑭᓇᑲᓇᐣ ᒋᑭᑫᑕᒧᐘᐨ “ᒋᓀᑕᒧᐘᐨ ᐊᐣᑿᒥᓯᐏᐣ”᙮ ᐁᑕᓱᑭᔑᑲᐠ ᒪᒋᑕᓂᐘᐣ ᐊᐣᑿᒥᓯᐏᐣ ᑕᔑᒋᑫᐏᓇᐣ, ᑲᑭᓇ ᐊᓄᑭᐏᓇᐣ ᒪᒋᑕᓂᐘᐣ ᐁᓇᑲᒋᒋᑲᑌᑭᐣ ᑫᐅᐣᒋᒪᓯᓭᑭᐣ ᒥᓇ ᐁᐅᓇᒋᑲᓂᐘᐠ ᑫᑐᒋᑲᑌᐠ ᑿᔭᐠ ᒋᐊᓄᑭᓇᓂᐘᐠ ᐃᐃᐍ ᐊᓄᑭᐏᐣ᙮ ᑲᑭᓇ ᐊᓄᑭᓇᑲᓇᐠ ᒥᓇ ᑲᓄᓇᑲᓀᐘᐨ ᐊᓄᑭᓇᑲᓇᐠ ᑲᐣᒋᓂᔕᐦᐊᐘᐠ ᒋᐏᑕᒧᐘᐨ ᑫᐅᐣᒋᒪᓯᓭᑭᐣ ᐊᓄᑭᐏᓇᐣ ᑲᔦᒪ ᐁᑲ ᑲᑲᐃᓯᓭᑭᐣ ᐃᓯᓭᐏᓇᐣ ᒋᑭᔭᔭᑭᐣ ᒋᐅᐣᒋᓯᓭᐠ ᒋᐱᒋᔑᐠ ᐊᓄᑭᓇᑲᐣ, ᐊᐸᒋᒋᑲᓇᐣ ᒥᓇ ᑫᐅᐣᒋ ᐱᑯᓭᑭᐣ,
ᑲᔦᒪ ᐊᐦᑭᐏᓇᐣ ᑫᐅᐣᒋ ᒪᓯᓭᑭᐣ᙮

ᑲᒪᒋᓭᐠ ᒐᓂᐍᕒᐃ 2018, ᑭᒪᒋᑕᒥᐣ ᐃᐃᐍ ᑭᑭᓄᒪᑫᐏᐣ ᑲᑭᓇ ᐊᓄᑭᓇᑲᓇᐠ ᒥᓇ ᑲᓄᓇᑲᓀᐘᐨ ᐊᓄᑭᓇᑲᓇᐠ ᒋᐊᐃᑌᑕᒧᐘᐨ ᐁᑭᒋᓀᑕᑯᐠ ᒋᒪᒥᑐᓀᒋᑲᑌᑭᐣ ᒥᓇ ᒋᐊᓄᑭᓇᓂᐘᐠ ᐊᐣᑿᒥᓯᐏᓂᐠ᙮ ᑲᑭᓇ ᔭᐏᔭ ᑲᐸᑭᑎᓇᐠ ᐃᐃᐍᓂ ᑫᐅᐣᒋᒪᓯᓭᐠ ᐁᐘᐸᒋᑲᑌᐠ (HO) ᑕᐃᓯᓭᓂ ᒋᐸᑭᑎᓂᑲᑌᓂᐠ ᐅᑎᔑᓂᑲᓱᐏᐣ ᐁᑕᓱᑭᓯᓱᑲᐠ ᒥᑯᓭᐏᓇᐣ᙮

ᒥᓇ ᑕᑯ, ᑲᓂᓯᑕᐏᓇᐘᒥᐣ ᐯᔑᐠ ᔭᐏᔭ ᐁᑕᓱᑭᓯᓱᑲᐠ ᐁᑭᑐᑕᑭᐣ ’ᐊᐣᑿᒥᓯᐏᐣ ᑐᑕᒧᐏᐣ’᙮ ᐊᓄᑭᓇᑲᓇᐠ ᑕᐏᑕᒪᐘᐘᐠ ᒋᔕᑲᐡᑭᓀᐱᐦᐊᒧᐘᐨ ’ᐊᐣᑿᒥᓯᐏᐣ ᑐᑕᒧᐏᐣ’ ᒪᓯᓇᐦᐃᑲᐣ ᐃᓂᐍᓂᐘᐣ ᑲᐏᑕᓄᑭᒪᐨ ᐁᑭᐘᐸᒪᐨ ᐁᑐᑕᒥᓂᐨ ᐊᐣᑿᒥᓯᐏᓇᐣ, ᐁᑎᐸᒋᒧᐨ/ᐁᒪᒥᓄᑐᐨ ᑲᓂᓯᑕᐏᓇᑯᐠ ᒪᓯᓯᐁᐏᓇᐣ ᑲᔦᒪ ᐁᐘᐸᑕᐦᐃᐍᐨ ᐊᐣᑿᒥᓯᐏ ᓂᑲᓂᑕᒪᑫᐏᐣ ᐃᐃᒪ ᑲᐯᔑᐏᓂᐠ᙮ ᑫᒥᓇᑲᓀᐨ ᒥᑭᐍᐏᐣ ᑕᐅᒋᐅᓀᓂᒪᑲᓀ ᐊᐍ ᑲᓂᑲᓂᐡᑲᐠ ᑲᐯᔑᐏᐣ ᒥᓇ ᓄᐱᒪᑲᒥᐠ ᑲᓂᑲᓂᐡᑲᒧᐘᒋᐣ ᐊᓄᑭᐏᓇᐣ᙮

ᐁᑕᓯᑭᓯᓱᑲᐠ ᑲᐸᑭᓇᑫᐘᐨ ᑕᒥᓇᐘᐨ  ᒥᑭᐍᐏᓇᐣ ᒥᓇ ᑕᓂᓯᑕᐏᓇᐘᐘᐠ ᐃᐃᒪᓀᑫ ᐱᐘᐱᑯᐠ ᐏᐣᑿᓂᒪᓯᓇᐦᐃᑲᓂᐠ᙮ ᐊᔢᐦᐊᒧᐠ ᑫᑭᓇᐘ ᒋᐏᒋᐦᐃᔑᔭᐠ ᒋᒥᓄᐘᒋᑲᑌᐠ ᑲᑭᑐᑕᒧᐘᐨ!

ᒥᑲᐏᐣ ᐃᐃᐍ ᐃᑭᑐᐏᐣ “ᑭᑲᐏᒋᐦᐃᐣ ᑭᑐᑕᓇᒥᐠ ᑭᐱᑯᓇᐠ”᙮᙮᙮ ᐘᓴ ᐃᔕᒪᑲᐣ ᐃᐃᐍ ᐁᐘᐸᑕᐦᐃᐍᓇᓂᐘᐠ ᐁᔑ ᐘᐏᒋᐦᐃᑎᓇᓂᐘᐠ᙮