ᐊᐸᒋᐊᑲᐣ ᐅᑎᐸᒋᒥᑯᓯᐧᐃ – ᐅᑎᔑᓂᑲᓱᐧᐃᐣ ᑌᐱᐟ ᐧᕆᐨ

ᐊᐸᒋᐊᑲᐣ:
ᐅᑎᔑᓂᑲᓱᐧᐃᐣ ᑌᐱᐟ ᐧᕆᐨ

ᐃᑕᐧᐃᐣ ᑲ ᐅᒋᐟ:
ᑲᐅᒋᐟ ᐊᐧᑲᑭᐠ

ᐁᑕᐸᑎᓯᐟ:
ᐁᑕᐸᑎᓯᐟ ᑲᐧᐊᐧᐃᒋᐧᑕᐟ ᓀᐢᑕ ᑲᒥᐡᐧᑲᒋᐡᑲᑫᐟ

 

ᐁᑐᑕᒪᐣ

ᑕᐸᑎᓯᐣ ᑲᑦᐱᐠ ᐁᒥᐡᐧᑲᒋᐡᑲᑫᔭᐣ ᓀᐢᑕ ᐁᐧᐊᐧᐃᒋᐧᑕᔭᐣ ᐁᑐᑕᒪᐣ ᓂᑕᐸᑎᓯᐧᐃᓂᐠ ᓂᑲᓯᓀᐣ ᐊᐸᒋᑕᐧᐃᓇ ᓀᐢᑕ ᓂᒪᒥᔕᐃᑲᐣ ᑲᐱᑯᐸᓂᑭ ᑫᐧᑲᓇ ᐊᐸᒋᑕᐧᐃᓇ ᒥᓯᐧᐁ ᐱᑯ ᑫᐧᑲᐣ ᑐᑌᐣ ᓀᐣᐢᑕ ᐁᓇᓇᑲᒋᐊᐠ ᑕᓀᐢᐱᒋ ᑭᐢᐸᐧᑲᒋᐟ ᒪᐢᐧᑲᒥᔾ᙮ ᒥᓯᐧᐁ ᐱᑯ ᑐᑌᐣ ᑲ ᐃᔑ ᓇᑕᐧᐁᓂᒥᑲᐧᐃᔭᐣ ᑭᒋ ᑐᑕᒪᐣ᙮ ᒧᓇ ᐧᐃᐢᑲᐨ ᓂᑭᐱᒋᐣ ᑭᒋ ᐃᐡᐧᑲᐸᓂᐠ ᑲᓄᒋᑕᔭᐣ ᑫᐧᑲᐣ ᐱᑯ ᑐᑌᐣ ᑲ ᐃᔑ ᓇᑕᐧᐁᓂᑕᑯᓯᔭᐣ ᑭᒋ ᑐᑕᒪᐣ᙮

ᑲ ᐃᔑ ᐊᓂᒣᐣᑕᒪᐣ

ᓂᓇᑭᐡᑲᑐᓇᐣ ᐊᐧᑲᒥᓯᐧᐃᐣ ᐅᒋ ᑕᐧᑕ ᑲᑐᑕᒪᐣ ᓂᑭᒋᐢᑎᓂᑲᐣ ᓀᐢᑕ ᑭᐱᒋᐱᒪᐣ᙮ ᑕᑎ ᓄᒋᑕᐣ ᑫᐧᑲᐣ ᑲ ᐃᑌᓂᑕᑯᓯᔭᐣ ᑭᒋ ᑐᑕᒪᐣ᙮ ᓂᓇᑭᐡᑫᐣ ᓀᐢᑕ ᑲᒥᓇᒪᑲᑭ ᓀᐢᑕ ᑲ ᑭᓂᐧᑲᓇᐢᑯᐸᓂᐠ ᓂᐳᓯᑕᐣ ᐧᐃᔭᑕᑲᓇ ᑲ ᐃᔑ ᐱᒋᑎᑭ ᐧᐁᐱᓂᑲᓇ᙮ ᐁᐧᐸᒪᔑ ᑭᒋᑕᔭᐠ ᐁ ᐊᐸᑎᓯᔭᐠ ᓂᑭᐡᐳᓇᑕᓇᐣ ᒪᓯᓇᐃᑲᐣ ᐊᐧᑲᒥᓯᐧᐃᐣ ᐅᒋ᙮ ᐁᑲ ᑫᐧᑲᐣ ᑭᒋ ᐸᔑᑭᐠ᙮

ᑕᓀᓚᓂᑕᐧᑲᐠ ᐸᐧᑲᒋ ᐊᐢᑭᐠ ᐁ ᐊᐸᑎᓯᔭᐣ?

ᓂᒥᐧᓀᓂᑌᐣ ᓄᒋᒥᐠ ᐁ ᐃᑕᔭᐣ ᐧᐃᑲᔑᐣ ᒥᒋᑦ᙮ ᓂᔓ ᑕᐧᐊᐢᑌᐤ ᐁ ᐊᐸᑎᓯᔭᐣ ᓀᐢᑕ ᓂᔓ ᑕᐧᐊᐢᑌᐤ ᐁ ᐊᐱᔭᐣ ᑭᒋ ᑭᐧᐃᑕᐱᒪᐠ ᓂᐧᐃᑭᒪᑲᐣ ᓀᐢᑕ ᓄᓯᓯᒪᐠ᙮

ᑕᓀᑌᓂᑕᐧᑲᐠ ᐁᑭᐢᑭᓄᐊᒪᑲᓂᐧᐊᐠ ᑲᑦᐱᐠ?

ᒥᐧᓀᓂᑕᐧᑲᐣ ᓀᐢᑕ ᒥᐧᓀᓂᑕᑯᓯᐧᐊᐠ ᑲ ᑭᐢᑭᓄᐊᒪᑫᒋᐠ ᓂᐧᐃᒋ ᐊᐸᑎᓯᒪᐧᐊᐠ ᑲ ᐅᑭᒪᐧᐃᒋᐠ ᐁ ᐅᑕᑯᔑᐠ ᑕᓂᒧᑌᓇᐣ ᑫ ᐊᑎ ᑐᑕᒪᐠ ᒥᓇ ᐊᑎᐧᐊᐸᑫ᙮ ᓀᐢᑕ ᓂᐧᐊᐸᑎᓇᓇᓂᐠ ᐊᐸᒋᐊᑲᓇᐠ ᑫ ᑐᑕᑭᐠ ᓀᐢᑕ ᑭᒋ ᓄᓱᓀᐊᑭᐠ ᑲ ᐃᑕᔓᐧᐊᓂᐧᐊᓂᓂᐠ ᑲ ᐃᔑ ᑕᔑᑫᐧᐃᐟ᙮ ᓀᐢᑕ ᑕᔑᓀ ᑭᒋ ᐧᐊᐧᐃᒋᐧᑕᒋᐠ ᑲ ᐃᔑ ᐊᐸᑎᓯᓇᓂᐧᐊᓂᓂᐠ᙮ ᒪᐧᐊᐨ ᑲ ᐊᓂᒥᐃᔭᐣ ᐅᐡᑲᐨ ᑲᑦᐱᐅᑐᕐ ᔕᑯᐨ ᐊᔕᔾ ᒧᓇ ᓂᓇᓂᒋᐢᑌᐣ᙮

ᐱᑐᐡ ᐃᑭᐤ ᑲ ᐃᔑ ᐧᐊᐧᐃᒋᐧᑕᔭᐣ ᓀᐢᑕ ᑲ ᐃᔑ ᓂᑲᓂᐃᑲᐧᐃᔭᐣ ᐁᓂᑲᓂᔭᐣ ᑕᑎ ᒧᒋ ᐅᓇᔑᐧᐊᐣ ᐁᑲ ᒪᑲ ᐧᑲᔭᐢᐠ ᐁ ᐃᑭᐠ ᑫᐧᑲᐣ ᓂᓇ ᓂᑕᑕᒣᓂᑕᑯᓯᐣ᙮

ᑫᑯ ᐊᐸᑎᓯᐧᐃᐣ ᑫᒥᐧᓀᓂᑕᒪᐸᐣ ᑭᒋ ᐃᓇᐸᑎᓯᔭᐣ ᓄᐧᕋᐣᐟ ᐊᐱᐸᓂᐠ ᐅᒪ ᐊᑐᐢᑫᐧᐃᐣ?

ᐁᑯᒪ ᐱᑯ ᑕᔑᓀ ᐳᐧᐊᑕᒪᐣ ᑭᒋ ᑐᑕᒪᐣ ᑭᒋ ᑭ ᐊᐸᑎᓯᔭᐣ ᐅᑕ ᑕᑐᑭᔑᑲᐤ ᐱᑐᔑᐸᓂᐤ᙮ ᓂᑲᒥᐧᓀᓂᑌᑕᔾ ᐸᐸᐸᓂᐧᑕᔭᐣ ᒥᔑ ᐅᒐᐸᓂᔕ ᓂᒥᐧᓀᓂᑌᐣ ᐁᓄᒋᑕᔭᐣ ᒥᔑ ᐅᒐᐸᓂᔕ ᓂᓇᐃᐣ ᐅᒪ ᐁᑐᑕᒪᐣ ᒥᑕᑕᐟ ᐱᐳᐣ ᓂᑭ ᐊᐸᑎᓯᐣ ᑲ ᐃᔑ ᓄᑕᑎᐧᑲᓂᐧᐊᐠ ᓀᐢᑕ ᓂᑲᒥᐧᓀᓂᑌᑕᔾ ᑭᒋ ᐧᐊᐸᑕᒪᐣ ᑭᒋ ᐅᔑᑕᓂᐧᐊᐠ ᒣᐢᑲᓇᐤ᙮

ᑫᐧᑲᐣ ᐯᑕᔭᐣ ᐁᐯᒋ ᐊᐸᑎᓯᔭᐣ?

ᓂᑭᔑᔕᐧᐃᓯᐧᐃᐣ ᓀᐢᑕ ᓂᐸᐱᐧᑫᓂᐧᐃᐣ