ᐊᓄᑭᓇᑲᐣ ᐅᑎᐸᒋᒧᐏᐣ – ᑌᑊ ᕒᐃᐟᐨ

ᐃᔑᓂᑲᓱᐎᐣ:
ᑌᑊ ᕒᐃᐟᐨ

ᐃᐡᑯᓂᑲᐣ:
ᐘᐱᔐᓯ ᐸᐏᑎᑯᐠ

ᑭᑕᓄᑭᐎᐣ:
ᑲᐯᔑᐏᐣ ᑲᐏᒋᑐᐨ ᒥᓇ ᑲᐯᔑᐏᐣ ᑲᓂᑲᓂᐡᑲᐠ

 

ᐊᓂᐣ ᐁᐣᑐᑕᒪᐣ᙮

ᐃᐃᒪ ᑎᔑᐊᓄᑭ ᐁᐢᑯᕒ ᑲᐯᔑᐏᓂᐠ ᐁᓇᓄᑭᔭᐣ ᐁᓂᑲᓂᐡᑲᒪᐣ ᑲᐯᔑᐏᐣ ᒥᓇ ᐁᐏᒋᑐᔭᐣ᙮ ᐃᐃᐍ ᑕᓄᑭᐏᐣ ᐁᑐᑕᒪᐣ ᐁᐱᒥᐱᓱᔭᐣ, ᐁᑭᓯᓂᑫᔭᐣ, ᐁᐘᐍᔑᑐᔭᓇᐣ ᒥᓇ ᐁᐱᒥᓇᑲᒋᐦᐊᑿ ᐃᐢᑭᑐᐠ, ᑲᓂᐅᓯᑌᐘᐨ ᐅᑕᐸᓇᐠ, ᑲᐅᐣᒋ ᐘᓴᑯᓀᒋᑫᔭᐠ, ᑭᒋᐅᑕᐸᓇᐠ ᒥᓇ ᓂᐱᑲᐠ ᑲᐱᒥᐱᓱᐘᐨ ᐅᑕᐸᓇᐠ ᐁᔑᓂᑲᓱᐘᐨ ᐋᕒᑯᐢ᙮ ᒥᓇ ᐁᓇᓇᑲᒋᐦᐊᐠ ᒥᑯᒼ ᒣᑿᐨ ᑲᐱᐳᐣᐠ (ᐁᑎᐸᐱᑫᓇᐠ ᒥᑯᒼ ᐁᐱᑎᓯᐨ) ᒥᓇ ᑯᑕᑭᔭᐣ ᑫᑯᓇᐣ ᑲᓇᑕᐍᑕᑯᑭᐣ ᑲᐯᔑᐏᓂᐠ ᑲᓇᑕᐍᒋᑲᑌᑭᐣ ᐃᐃᐍ ᒣᑿᐨ ᑲᑭᔑᑲᐠ᙮ ᑲᐏᐣ ᐏᑲ ᐃᐡᑿᓭᓯᓄᐣ!

ᐯᔑᑿ ᑲᑭᔑᑲᐠ᙮

ᐁᒪᒋᑕᔭᐠ ᑲᑭᔑᑲᐠ ᐊᐣᑿᒥᒋᑫᐏᐣ (ᐊᐸᒋᑕᑲᓇᐣ) ᒪᒪᐤᐱᐏᐣ, ᒥᓇ ᑫᑐᑕᒪᐠ ᑫᑭᔑᑲᐠ ᑎᓄᑲᐣ ᑭᓯᓂᑫᐏᓇᐣ ᒥᓇ ᒋᒧᐡᑲᐦᐅᒋᑲᓂᐘᐠ ᑲᐱᒥᐱᑌᑭᐣ᙮ ᒥᓇ ᑕᓂᑐᑕᓇᐣ ᑲᑭᐊᓄᓂᑯᔭᓇᐣ ᐊᓄᑭᐏᓇᐣ ᐃᐃᐍ ᑲᑭᔑᑲᐠ, ᐁᔭᔭᐣᒋᓭᐠ ᐁᑕᓱᑭᔑᑲᐠ ᒥᓇ ᑐᑯ ᐁᑐᑕᒪᓇᐣ ᐁᓇᑭᐡᑲᒪᓇᐣ ᐱᒥᓭᐏᓇᐣ ᐃᐃᒪ ᑯᐳᕒ ᓴᑲᐦᐃᑲᓂᐠ ᑲᑕᑯᐦᐅᑕᓱᒪᑲᑭᐣ, ᑲᑭᔑᐸᔭᑯᐱᑌᑭᐣ ᑲᑕᑯᓭᒪᑲᑭᐣ, ᐁᐍᐱᓂᑲᓂᐘᐠ, ᒥᓇ ᑯᑕᑭᔭᐣ ᑫᑯᓇᐣ᙮ ᐁᑲᒪᔑ ᑲᒪᒋᑕᓂᐘᐠ ᑫᑐᑕᒪᑭᐣ, ᔕᑲᐡᑭᓀᐱᐦᐊᒥᐣ FLA ᒪᓯᓇᐦᐃᑲᐣ, ᐁᓇᑲᒋᒋᑲᑌᑭᐣ ᑲᒪᓯᓭᐦᐃᐍᒪᑲᑭᐣ ᒥᓇ ᑫᐃᔑᓇᑲᒋᒋᑲᑌᑭᐣ ᐁᑲ ᒋᒪᓯᓭᑭᐣ᙮

ᐊᓂᐣ ᐁᓀᑕᑯᐠ ᑲᑕᓇᓄᑭᓇᓂᐘᐠ ᑭᐍᑎᓄᐠ ᐁᑕᔁ ᓂᔑᑕᐘᑌ ᑲᓄᑭᓇᓂᐘᐠ᙮

ᐁᔑᒥᓊᑕᒪᐣ ᒪᐘᐨ ᐃᐃᐍ ᑲᔭᔭᔭᐣ ᑯᑕᐘᑲᒥᐠ ᒥᓇ ᐁᑕᓇᓄᑭᔭᐣ ᐊᑯᒋᐠ᙮ ᒪᐘᐨ ᒥᓄᐍᓯᓇᓂᐘᐣ ᒥᓇ᙮ ᐁᐊᓄᑭᔭᐣ ᐁᑕᓱ ᓂᔓᑕᐘᑌᐠ ᒥᓊᑕᑯᐣ ᐁᐃᓯᓭᐠ ᒋᑭᐱᒋᔭᐣ ᓂᔓᑕᐘᑌ ᒥᓂᑯᐠ ᑲ ᐊᓄᑭᔭᐣ, ᐁᐃᓯᓭᐠ ᐁᑕᐏᓭᐠ ᒋᐸᐸᒥᔭᔭᔭᐣ ᐁᐏᒋᐘᐠ ᓂᐏᒋᐘᑲᐣ ᒥᓇ ᐁᐃᐏᒋᐘᔭᐠ ᓂᓯᐣ ᑕᓂᑯᐱᒋᑲᓂᓇᐣ᙮

ᐊᓂᐣ ᐁᓀᑕᑯᐠ ᑲᑭᑭᓄᒪᑯᔭᐣ ᒋᓂᑲᓂᐡᑲᒪᐣ ᑲᐯᔑᐏᐣ?

ᑲᑭᑭᓄᒪᑯᔭᐣ ᒣᑿᐨ ᑿᔭᐠ ᐃᓯᓭ, ᑭᑭᓄᒪᐘᑲᓇᐣᐠ ᒥᓊᑕᑯᓯᐘᐠ᙮ ᐯᔓᐣᐨ ᓂᐏᑕᓄᑭᒪ ᑲᓂᑲᓂᐡᑲᐠ ᑲᐯᔑᐏᓂᓂ ᒥᓇ ᑲᐱᒥᐏᑐᒋᐣ ᑲᐯᔑᐏᓇᐣ ᐅᑭᒪ᙮ ᑕᔭᒥᐦᐃᑎᒥᐣ ᒣᑿᐨ ᑲᓂᐅᓇᑯᔑᐠ ᐊᓂᐣ ᑫᑐᑕᒪᐠ ᐊᓂᐘᐸᐠ ᑭᔑᑲᐠ᙮ ᑲᓂᑲᓂᐡᑭᑲᑌᐠ ᑲᐯᔑᐏᐣ ᐊᓄᐃᐏᐣ ᐃᓯᓭ ᒋᐘᐸᑕᐦᐊᑢ ᐊᓄᑭᓇᑲᓇᐠ ᐊᓂᐣ ᑫᑐᑕᒧᐘᐨ ᐁᑕᓱᑭᔑᑲᑎᓂᐠ, ᐁᐅᓇᒋᑲᑌᐠ ᑲᐯᔑᐏᐣ ᐃᓇᓄᑭᐏᓇᐣ ᐃᐃᐍ ᑲᑭᔑᑲᐠ ᒥᓇ ᐁᐏᒋᑐᓇᓂᐘᐠ ᓄᐱᒪᑲᒥᐠ ᐊᓄᑭᐏᓇᐣ᙮ ᐁᑯ ᓂᐣ ᒪᐘᐨ ᑲᑭᓴᓇᑭᐦᐃᑯᔭᐣ ᐃᐃᐍ ᒪᒪᐣᑕᐏ ᐱᐘᐱᐠ — ᑭᓭᑫᑕᓇᐣ ᓂᑕᒼ — ᓄᑯᒼ ᑲᐏᐣ ᑫᑯᐣ ᑎᓀᑕᓯᓇᐣ᙮

ᐃᐃᐍ ᐁᐃᔑᒣᑫᑕᑯᐠ ᑲᐏᒋᑐᓇᓂᐘᐠ ᒥᓇ ᑲᓂᑲᓂᐡᑭᑲᑌᐠ ᑲᐯᔑᐏᐣ ᐃᐃᐍ ᐁᐊᓄᑭᔭᐣ ᑫᑯᓇᐣ ᐊᓄᑭᐏᓇᐣ ᒋᐏᑕᒪᐘᐨ ᑯᑕᐠ ᐊᓄᑭᓇᑲᓇᐠ᙮ ᒥᓇ, ᑭᐡᐱᐣ ᑫᑯᐣ ᐃᔑᒪᓯᓭᐠ ᓂᐣ ᑲ ᔭᓂᒣᓂᒥᑯ!

ᐁᑯᓀᐣ ᐃᐃᐍ ᐊᓄᑭᐏᐣ ᑲᓇᑕᐍᑕᒪᐣ ᐃᐃᐍ ᒣᑿᐨ ᓅᕒᐊᐣᐟ ᑲᓂᒪᒋᑕᐨ ᐊᓯᓂᑫᐏᑲᒥᐠ?

ᒥᐦᐅᐍ ᑲᐸᐘᑕᒪᐣ ᑕᓄᑭᐏᐣ ᑲᔭᔭᔭᐣ ᒥᓇ ᐁᒥᓊᑕᒪᐣ ᐁᐊᓄᑭᑕᐘᐠ ᓅᕒᐊᐣᐟ᙮ ᐁᑕᓱᑭᔑᑲᐠ ᒣᒣᑭᓭᐘᐣ ᑫᑯᓇᐣ᙮ ᓂᒥᓊᑕᐣ ᐁᐱᒥᐱᓱᔭᐣ ᑭᒋᐅᑕᐸᓇᐠ ᐁᑭᐱᒥᐱᓱᔭᐣ ᑲᑭᐱᓇᓄᑭᔭᐣ ᑲᒥᑎᑯᑲᓂᐘᐠ ᒥᑕᓱᐊᐦᑭ ᒥᓂᑯᐠ᙮ ᑲᑭᒥᓊᑕᐣ ᒋᑭᐱᒪᓄᑭᔭᐣ ᐅᐅᒪ ᒥᓇ ᒋᑭᐘᐸᑕᒪᐣ ᓀᐘᐣᑯᐏ ᒥᑲᓇ ᒋᐅᔑᒋᑲᑌᐠ᙮

ᐁᑯᓀᐣ ᐊᑯ ᑕᔁ ᐱᑐᔭᐣ ᑲᐃᔑᐊᓄᑭᔭᐣ?

ᑭᒋᓀᑕᒧᐏᐣ ᒥᓇ ᐁᐸᐱᑵᑕᔭᐣ᙮