ᐁᑯᓀ ᓂᑕ ᐗᐱᑭᐊᓯ ᐌᒋᐅᑕᐱᓇᑲᓀ ᐊᐱ ᑲᑲᐎᓯ ᐱᐗᐱᑯᐊᓯ?

ᓂ ᐊᓬᐊ ᑳᐅ, ᐅᑭᒪ ᒥᓇ CEO

ᔭᐎᔭ ᑲᑕᔑᑕᒧᐗ ᑲᑭᓂᑾᓇᑌ ᐃᑯᑌᐎ ᐊᐦᑭ, ᐅᓂᑲᓂᑲᓇᐗᐸᑕᓇᐗ ᐃᐃᐌᓂ ᒪᐗ ᑲᒥᔑᓄ ᑲᒪᑲᐎᓯ ᐱᐗᐱᑯᐊᓯ ᐃᐃᒪ ᑲᑎᐸᒋᒪᑲᓀ ᑎᐸᒋᒧᐎᓂ᙮ ᔕᑯ, ᐃᐃᐌ ᓂᑕ ᓄᑕᓯᓂᑫᐎᑲᒥ ᑫᐅᔑᒋᑲᑌ ᐃᐃᒪᓀᑫ ᐃᐃᐌ ᒥᑭᓯᐤ ᐗᓴᓴ, ᐗᐱᑭ ᐊᓯ ᑲᐃᔑᐊᐱ ᒥᓇ ᐁᑕᑯᓯᓂ ᐗᐱᑭᐊᓯᓂᑲᓇ, ᒥᓇ ᐅᓴᐗᐱᑯᐊᓯᓂ᙮

ᐱᓀᔑ ᑲᑲᓇᐗᐸᑕ ᐁ˙ᑯᕒ ᑲᐯᔑᐎ, ᐁᔑᐊᑌ ᐅᑭ ᒥᑭᓯᐤ ᐗᓴᓴ

ᐃᐃᐌᑕ ᑫᐅᒋᐅᔑᒋᑲᑌ ᒥᑭᓯᐤ ᐗᓴᓴ ᓂᑲ᙮ ᒥᐦᐃᒪ ᓂᑕ ᑲᑭᔑᒥᑲᐗᑲᓀ ᔓᓂᔭᐎᐊᓯ ᐃᐃᒪ ᑲᑭᓂᑾᓇᑌ ᐃᑯᑌᐎᐊᐦᑭ (2007) ᒥᓇ ᒪᐗ ᐁᑭᒋᐊᓄᑭᑕᐗᑲᓀ ᐁᓇᓇᑐᑭᑫᓂᒪᑲᓀ ᐁᔑᓇᑯ ᐊᐦᑭ ᐊᓄᑭᐎ ᐅᐅᐌᑎ ᐅᑕᓇ ᑲᐱᐊᐦᑭᐗ᙮ ᒣᑾ 2012, ᑭᒥᓋᔑ ᓂᑕ ᓇᓇᑐᑭᑫᒋᑫᐎ ᑭᑭᔑᒋᑲᑌᐸ ᐁᑭᑭᑫᒋᑲᑌ ᐃᐃᐌ ᐊᓯᓂᑫᐎᑲᒥ ᒋᔓᓂᔭᑫᒪᑲ ᐁᑲᓇᐗᐸᒋᑲᑌ ᑲᐃᓇᑭᓱ ᐊᓯᓂ, ᑲᐃᓇᑭᒋᑲᓂᐗ ᒣᑎᓂᑫᐎ ᒋᐅᔑᒋᑲᑌ ᒥᓇ ᒋᐱᒥᐸᓂᒋᑲᑌ ᒣᑎᓂᑫᐎᓇ᙮

ᒥᓇ ᑯᑕ ᑲᑭᒋᓀᑕᑯ ᓇᑲᑕᐌᑕᒧᐎ ᐃᐃᐌ ᑲᐃᔑᑭᑫᑕᑯ ᑲᓂᐸᑭᓱ ᐗᐱᑭᐊᓯ ᑲᓇᑕᐌᓂᒪᑲᓀ ᐅᐅᐌᑎᓀᑫ ᓂᑲ ᓂᔭᓄᐊᐦᑭ ᐃᑭᐌᓂᐗ ᑲᐃᑯᑌᐎᐗ ᐅᑕᐸᓀᓴ (EV) ᑲᓂᓇᑕᐌᓂᒪᑲᓀᐗ᙮ ᐗᐱᑭᐊᓯᓂ ᓂᑲᓇᑭᓱᐗ ᑲᓇᑕᐌᓂᒪᑲᓀᐗ ᐃᐃᒪ (EV) ᐊᓂᒥᑭᓯᑲ ᒥᓇ ᓂᓇᑕᐌᑕᒥ ᒋᔓᓂᔭᑫᔭ ᐅᐅᒪ ᑲᐃᔑᓇᑕᐌᑕᑯᓯ ᐊᐊᐌ ᐊᓯ᙮

ᒪᒋ, ᒣᑾ ᐊᑌᐗ ᑫᐃᔑᓂᑭᔀᑲᓀ ᐊᓯᓂᐎᑲᒥᑯ ᐃᐃᒪ ᓵᐳᕒᐃ ᒋᐅᔑᐦᐊᑲᓀ ᒥᑭᓯᐤ ᐗᓴᓴ ᐊᓯᓂ ᐗᐱᑭᐊᓯ ᒥᓇ ᐅᓴᐗᐱᑯᐊᓯᓂ᙮ ᒥᓇ ᐁᓇᑲᒋᒋᑲᑌ, ᑲᐎ ᑫᑯ ᐊᔭᒪᑲᓯᓄ ᑲᒪᑲᐎᓯ ᐊᓯ ᑫᐃᔑᐅᔑᐦᐊᑲᓀ ᐅᐅᒪ ᐅᑌᕒᐃᔭ, ᑲᔦᒪ ᐅᐅᒪ ᒥᓯᐌ ᑭᐌᑎ ᐊᒣᕒᐃᑲ᙮ ᐁᔑᐅᓇᒋᑫᔭ ᒋᐅᔑᒋᑲᑌ ᐃᐃᐌ ᑲᒪᑲᐎᓯ ᐊᓯ ᑫᐃᔑᐅᔑᐦᐊᑲᓀ , ᔕᑯ ᑲᐎ ᑕᐃᓯᓭᓯᓄ ᓂᔭᓄᐊᐦᑭ ᐊᑯᓇ ᓂᔀᓯ ᐊᐦᑭᐎ ᓂᑲ᙮

ᐅᐅᐌᑕ ᒣᑾ, ᑲᐅᔑᑐᒥ ᒥᑭᓯᐤ ᐗᓴᓴ ᐊᓯᓂᑫᐎᑲᒥ, ᒋᐅᒋ ᐊᓄᑭᐗ 600 ᐊᓄᑭᐎᓇ ᒥᓇ ᒋᒪᒋᑕᐸᓇᑲᓀ ᐊᓯᓂ ᐃᐃᒪ ᓀᑯᐎᒥᑲᓇ ᒋᔑᑕᐸᓱ ᑲᐃᔑ ᐃᑯᑌᐎᑕᐸ ᑲᐃᔑᐱᒥᐱᓱ CN ᒥᓇ ᒋᔑᐎᓇᑲᓀ ᓵᐳᕒᐃ ᑫᑕᔑᐅᔑᐦᐊᑲᓀ᙮