ᑫᐧᑲᐣ ᐧᐁᒋ ᓂᐢᑕᒥᓯᐟ ᐧᐊᓴᐧᑲᓯᓂᔾ ᐧᐸᒪᔑ ᐧᐊᐸᓯᓂᔾ?

ᐊᓕᐣ ᑯᐟᐢ ᐅᑭᒪᐤ

ᐊᐧᐁᓂᑲᓇᐠ ᒪᓇ ᑲ ᐊᓂᒧᑕᑭᐠ ᑲ ᐃᔑ ᐊᐸᑎᓯᓇᓂᐧᐊᓂᓂᐠ ᑐᔦᐠ ᐱᑯ ᒪᒥᑐᓀᓂᒣᐧᐊᐠ ᑲ ᐊᑭᓱᓂᒋ ᐧᐊᐸᓯᓂᔭ ᑲ ᐊᓂᒧᒋᑲᓱᓂᒋ ᑲ ᐃᔑ ᐸᑭᑎᓂᒥᒋ᙮ ᔕᑯᐨ ᒪᑲ ᒪᐧᐊᒋᓂᐢᑕᑦ ᑲ ᑭ ᐊᐸᐃᑲᑌᐠ ᒧᓇᐃᑫᐧᐃ ᐊᑐᐢᑫᐧᐃᐣ ᐁᐧᑲᓂᒪ ᒥᑭᓯᐤ ᐧᐊᒋᐢᑐᐣ ᑲ ᐃᔑᓂᑲᑌᐠ ᐅᑌ ᐃᑌᑫᐢᑲᒥᐠ᙮ ᑲ ᑭ ᐅᒋ ᐅᑎᓂᐟ ᐧᐊᓯᐧᑲᓯᓂᔾ ᓀᐢᑕ ᐁ ᑭᒪᐢᑲᐧᐃᓯᒋᐠ ᐊᓂᑭ ᓇᓇᑲᐤ ᑲ ᐃᑕᐱᐢᑭᓯᒋᐠ ᒪᒪᑕᐧᐊᓯᓂᔭᐠ᙮

ᑕᐱᐡᑯᐨ ᐱᓀᓯᐧᐃᐡᑭᔑᐠ ᑲ ᐃᑕᐱᒪᑲᐠ ᐁᑲᓇᐧᐊᐸᒋᑲᑌᐠ ᐅᒪ ᐁᐢᑯᕐ ᑲᑦ ᐃᐡᐱᒥᐠ ᐅᒋ ᐅᑕ ᒥᑭᓯᐧᐃ ᐧᐊᒋᐢᑐᐣ ᐊᑐᐢᑫᐧᐃᓂᐠ᙮

ᐊᓂᒪ ᑲ ᐅᒋ ᑐᒋᑲᑌᐠ ᒥᑭᓯᐤ ᐧᐊᒋᐢᑐᐣ ᑫ ᐊᑎ ᐅᒋ ᑭᒋᐸᓂᐠ ᐅᐡᑲᐨ᙮ ᐁᑯᑕ ᑲ ᑭ ᐅᒋ ᒥᐢᑭᑲᑌᑭᐸᐣ ᐊᓂᒪ ᕆᐣᐠᐊᑊᐸᔭᕐ 2007 ᐁᐧᑲᓂᒪ ᒪᐧᐊᐨ ᑲ ᓂᑲᓂᑲᓇᐧᐊᐸᒋᑲᑌᐠ ᑫᓂᑯᐠ ᑲ ᑭ ᐊᐸᑎᓯᑲᑕᑭᐠ ᐅᓄᑕᓯᓇᐧᐁᓯᐧᐊᐠ ᑲᓇᑲᒋᐊᒋᐠ ᐊᓯᓂᔭ ᐊᐢᐱᐣ 2012᙮ ᐁ ᑭ ᓇᓇᑕᐧᐃ ᑭᐢᑫᓂᒋᑲᑌᐠ ᒥᓯᐧᐁ ᐃᔑ ᐱᓂᐡ ᐁᑭᔑᑕᓂᐧᐊᐠ ᑫ ᐃᑭᐠ ᑫ ᑭ ᐅᒋ ᔓᓂᔭᓂᑫᒪᑲᓄᐧᑫ ᓂᑲᐣ ᐁ ᐃᑕᐱᓇᓂᐧᐊᐠ ᐁᑲᓇᐧᐊᐸᒋᑲᑌᑭ ᑲ ᐃᑕᑭᑌᑭ ᐱᐧᐊᐱᐢᑯ ᑫᐧᑲᓇ ᒪᐧᐊᐨ ᐃᑌᑫ ᑲ ᐃᔑ ᓇᓇᑲᒋᑕᓂᐧᐊᑭ ᐃᐢᐱ ᐁ ᐊᐸᑕᑭ᙮

ᒥᓇ ᒪᑲ ᑯᑕᐡᐠ ᑫᐧᑲᐣ ᓇᐢᐱᐨ ᑲ ᑭᐢᑌᓂᒋᑲᑌᐠ ᓇᐢᐱᐨ ᐁ ᑭᒋ ᐃᑌᓂᒥᐟ ᐊᐧᐊ ᐧᐊᓴᑯᓯᓂᔾ ᓂᔭᓄ ᐱᐳᐣ ᐃᓂᑯᐠ ᐁ ᐃᑕᐱᓇᓂᐧᐊᐠ ᐅᒥᓂᐢᑭᐧᐃᐡᑯᑌᐧᐃ ᐅᒐᐸᓂᐡ ᐁ ᐊᓂᒧᒋᑲᑌᐠ ᐁᐧᑲᓇ ᔕᑯᐨ ᐅᒥᓂᐢᑭᐠ ᑐᐧᐊᐱᐢᐠ ᑲ ᐊᐸᑕᐠ ᐁᐧᑲᓂ ᒪᑲ ᑲ ᐅᒋ ᓂᑲᓀᓂᒥᐟ ᑫ ᑭ ᐊᑎ ᒪᐧᐊᒋᐱᒋᑫᐢᐸᐣ ᔓᓂᔭᓂᐠ ᐃᑌᑫ᙮

ᐃᑕᐧᑲᐣ ᐊᓂᒪ ᑲᔓᑯᐱᒋᑫᒪᑲᐠ ᐊᐣᑌ ᓴᐟᐯᕆ ᑫ ᑭ ᐊᑎ ᐅᒋ ᐅᔑᐃᑎᐸᐣ ᐊᐧᐊ ᐧᐊᓴᐧᑲᓯᓂᔾ ᓀᐢᑕ ᐅᓴᐧᐊᓯᓂᔾ᙮ ᐊᓇ ᐧᐃᓇ ᑲᐧᐊᐱᓯᐟ ᒪᑕᐧᐊᓯᓂᔾ ᒪᑕᐧᑲᐣ ᐧᐃᓇ ᐅᑕ ᐅᐣᑌᕆᐅ ᑲ ᔑᐧᑲᐃᑫᒪᑲᐠ ᐊᐧᐊ ᐅᒋ ᑐᐧᐃ ᐊᓯᓂᔾ᙮ ᐅᑌ ᐧᐃᓇ ᐃᑌᑫᐢᑲᒥᐠ ᑲ ᐃᔑ ᐃᑕᔭᐟᐠ᙮ ᐁᐧᑲᓂ ᒪᑲ ᐁᑌᓂᒋᑲᑌᐠ ᑭᒋ ᐅᔑᑕᓂᐧᐊᐠ ᐅᒪ ᑐᐧᐃ ᑫᐧᑲᐣ ᑫ ᐃᔑ ᐅᔑᐃᐟ ᐊᐧᐊ ᐊᓯᓂᐟ ᒧᓇ ᐧᐃᓇ ᐧᐃᐸᐨ ᑭᒋ ᐊᑎ ᐃᑭᐠ ᓂᔭᓄ ᐱᐳᐣ ᓀᐢᑕ ᐱᑯ ᓂᐧᓴᓱ ᐱᐳᐣ ᐸᑎᒪ᙮

ᔕᑯᐨ ᑕᑎ ᐅᔑᑕᓂᐧᐊᐣ ᐅᒪ ᒧᓇᐃᑫᐧᐃ ᐊᑐᐢᑫᐧᐃᐣ ᒥᑭᓯᐤ ᐧᐊᒋᐢᑐᐣ ᑲ ᐃᔑᓂᑲᑌᐠ᙮ ᑲᓇᑫ 600 ᑕᑐ ᐊᐸᑎᓯᐧᐃᓇ ᑲᑕ ᐅᒋ ᐅᔑᑕᓂᐧᐊᐧᓇ ᓀᐢᑕ ᑭᒋ ᑭᒋᒋᔕᐊᒪᐠ ᑫᐧᑲᓇ ᑲ ᐅᑎᓇᒪᐠ ᐊᐣᑕ ᐅᒋ᙮ ᓀᐢᑕ ᒣᐢᑲᓇᐤ ᑫ ᑲᑭᑫᑕᒧᐠ ᐊᓄᐨ ᑲ ᐃᑕᐧᑲᐠ ᓀᐢᑕ ᐅᑕᐸᓂᒣᐢᑲᓇᐤ ᓴᐟᐯᕆ ᑭᒋ ᐊᑎ ᐃᐢᐸᓂᐧᑕᓂᐧᐊᑭ᙮

ᐁᑯᒪ ᑎᐸᒋᒧᐧᐃᐣ ᓇᓇᑲᐤ ᐁᒪᒧᐧᐊᑐᒋᑲᑌᐠ᙮ ᑕᑐ ᐊᐧᐁᓇ ᑲ ᐊᔭᒥᑕᐟ ᐅᐧᑲᐧᑫᒋᑫᒧᐧᐃᓂᐧᐊᐤ ᐁᑯᔑ ᐱᑯ ᐯᒋ ᐃᔑᒋᔕᐊᒧᐠ ᑫᐧᑲᓇ ᑲ ᒪᒥᑐᓀᓂᑕᒥᐃᑯᔦᐠ᙮ ᐅᑕ info@norontresources.com