ᐁᑯᓀ ᐃᐃᐌ VMS?

ᓂ ᒉ ᐦᐁᑭ, ᑲᓇᑲᒋ ᑲᐃᓇᑲᒥᑲ ᐊᐦᑭ ᐊᓄᑭᓇᑲ

Noront ᓄᑯᒥᑫ ᐅᑭᑭᔑᑐ ᑲᑭᓇᓇᑕᐗᓯᓂᐌ ᑲᑭᑕᔑᑐᒋᑲᑌ ᐃᐃᒪᓀᑫ ᒪ ᐹᓬ ᓴᑲᐦᐃᑲᓂ ᐊᐦᑭᐎ ᒥᓇ ᐁᑭᓇᑲᒋᐦᐊᑲᓀ ᑭᒋᐊᓇᒪᑲᒥ ᑲᒥᑎᑐ ᐃ ᑯᑌᐎᐊᓯ ᑲᐃᔑᐊᐱ ᐁᔑᑭᑫᓂᒪᑲᓀ VMS. ᑲᑭᒥᑲᐗᑲᓀ ᐊᐊᐌ ᐊᓯ ᐊᐗᔑᒣ ᐎᑭᑫᒋᑲᑌ ᐃᑭᐌᓂᐗ Noront ᐊᓄᑭᓇᑲᓇ ᒥᓇ ᐁᑭᒪᒋᑕᐗ ᑕᔑ ᒋᑫᐎᓇᐊᓂ ᑲᑭᐅ ᒋᒪᒋᑕᒪᑲ VMS ᐊᓯᓂᑲᓇ ᙮

ᐃᑭᐌᓂᐗ ᐊᓯᓂ ᑲᐃᓇᑲᓀᓯᐗ ᐃᐃᒪ ᐃᔑᒥᑲᐗᐗ; VMS ᐊᓯᓂ ᐃᑭᐌᓂᐗ ᑎᓄᑲ ᐃᔑᒥᑲᐗᐗ ᐅᓴᐗᐱ ᓯ (Zn), ᐱᐗᐱᑯᐊᓯ ᐗᐱ ᑭᐊᓯ ᒥᓇ ᐁ ᑲ ᐅᓴᐗᐱᑯᐊᓯ ᐅᑯᐌᓂᐗ ᑲᒪᒪᐤᔑᓄᐗ ᐊᓯᓂ ᐸᑲ ᐃᔑᓇᑯ ᐊᐱ ᑲᑭᒥᑲᐗᑲᓀᐗ ᐃᐃᒪ ᒥᑭᓯᐤ ᐅᐗᓴᓴ ᑲᐃᔑᐊᐱᐗ ᐅᓴᐗᐱ ᐗᐱ ᑭᐊᓯ ᑲᒪ ᑲᐎᓯᐗ ᐊᓯᓂᑲᓇ ᐅᐅᐌ ᑲᐃᓇᐱᐗ ᐊᓯᓂ ᑭᐅ ᒋᓯᓭ ᐁᐸᐸᑲᓂᓇᑯ ᑲᐃᔑᐊᐱᐗ ᐊᐦᑭ ᒥᓇ ᑲᑭᐅ ᒋ ᐅᔑᓭᐗ ᙮

VMS Core

ᐃᑭᐌᓂᐗ ᒪ ᐹᓬ ᐊᓯᓂ ᑭᐅᔑᐅᒪᑲ ᙮7 million ᑕᓱᐊᐦᑭᐎ ᐅᑕᓇ ᒣᑾ ᐅᐅᐌ ᐊᐦᑭ ᑲᑭᑭᔑᑌ ᒥᓇ ᑭᒋᑲᒥᐎ ᐊᓯᓂ ᒥᓇ ᐊᐦᑭᐎᓇ ᐊᓯᓂ ᒣᑾ ᑲᑭᐸᐸᑴᓭᐗ ᒥᓇ ᐁᑭᑭᐌᓇᐱᓭᐗ ᙮ ᑭᐳᐳᑯᓭᐗ ᑲᓇᐸᑭᓯᐗ ᐊᓯᓂ ᒥᓇ ᑭᒋᑲᒥᐎ ᓂᐱ ᑭᐱᑕᔑᑲᐎ ᙮ ᐊᐱ ᐃᐃᐌ ᑭᒋᑲᒥᐎ ᓂᐱ ᑲᓂᐯᔑᓇᑯ ᐃᐃᒪ ᑲᐃᔑᑭᓯᓱ ᐊᓯ ᑭᐅᑌ ᓂᐱ ᒥᓇ ᑭᑭᐌᐸ ᑭᓯᑫᓭ ᐅᑭᑕᑲᒥ ᐁᑭᔕᑲᒥᑌ ᓂᐱ ᑲᒧᑲᔑᑲᐎ ᙮ ᑲᐱᒥᑲᒪᑲ ᓂᐱ, ᐅᐅᐌ ᑲᑭᔕᑲᒥᑌ ᑭᐱᑕᔑᑲᐎ ᐃᐃᒪ ᐊᓯᓂᑲ ᑲᐃᔑᐊᐱᐗ ᑌᑎᐸᐦᐃ᙮ ᐊᐱ ᐃᐃᐌ ᑲ ᐊᓯᓂᐗᑲᒥ ᓂᐱ ᑲᓂᐅᒋᑕᒪᑲ ᑲᐃᔑᑕᑭᑲᒥ ᐃᐃᒪ ᑭᒋᑲᒥ ᐊᓇᒥᐱ ᐊᓯᓂᑲᓇ ᐃᐃᒪ ᑲ ᐊᐱᐗ ᑲᐃᔑᐱᒪᔑᑲᐎ ᑭᒪᒋᑕᒪᑲᐁᒥᔕᑭ ᐊᓯᓂᑲᓇ ᙮

ᐁ ᑲ ᑭᓯᓭ, ᐃᐃᐌ ᑲᐃᓯᓭ ᑲᐱᑕᔑᑲᐎ ᒥᓇ ᑲ ᑭᒋᐎᓭᑭ ᑭᓯᓭ ᐃᐃᐌ ᑭᓉ ᒥᓂᑯ ᑎᐸᐦᐃᑲ ᒥᓇ ᑭᔑᑲ ᒥᓂᑯ
ᒥᔑᓄᐊᐦᑭᐎ ᒥᓇ ᐁᑭᐊᓂᓯᓭ ᐁᑭᒪᐗᑐ ᑲ ᐊᓯᓂᑲᓇ ᑲᐃᔑᒥᔑᓄ ᐃ ᑯᑌᐎᐊᓯᓂᑲ ᙮ ᐃᐃᐌ ᒥᔑᓄᐊᐦᑭ ᑲᑭ ᐊᓂᓯᓭ ᐅᑯᐌᓂᐗ ᑲᐱᑯᐱᐗ ᐊᓯᓂ ᑭᐊᓂᐊᑯᓇᐦᐃᓭᐗ ᓀᐗ ᑯ ᒥᓇ ᑲᑭᔑᓱ ᐊᓯᓂᑲ ᒥᓇ ᑭᒪᓇᒋᐦᐃᐌᓭ ᑭᓇᐎ ᐯᔑᑾ ᑭᔑᑲ ᒋᒥᑲᐗᔭ ᐅᐅᐌ ᓄᑯ ᑲᑭᓯᓭ ᐁᑭᒥᑲᐗᔭ ᑲᑭᓇᓇᑕᐗᓯᓂᐌᔭ ᐊᓄᑭᐎ ᙮