ᐅᑭᐁᐦᐃ: ᐱᐗᐱᑯ ᐊᐦᑭᐎ ᑎᐸᐦᐊᑭᐎ ᐅᐅᒪ ᐅᑌᕒᐃᔪ

ᓂ ᒪ ᑖᐤᓂ, ᑲᐅᑭᒪᐎ, ᐊᐦᑭ ᒥᓇ ᐅᔑᐱᐦᐃᑲᓇ

ᐱᐗᐱᑯᑫᐎ ᓇᑭᑲᑫᒪᑲ ᒥᓯᐌ ᒥᓇ ᓄᑕᓯᓂᑫᐎ ᐊᓄᑭᐎ

 ᑫᐎ ᐅᓇᑭᑲ᙮ ᐊᐳᕒᐅ 2018 ᑲᐃᓇᑭᓱ ᑭᐎᒋᑲᑌ ᐃᐃᐌ ᐅᑭ ᐊᐦᑭᐎᒪᓯᓇᐦᐃᑲᓂ ᒋᐅᒋ ᑎᐸᐦᐊᑭᓇᓂᐗ ᒪᒋᑕᐎ ᐅᐅᒪ ᐅᑌᕒᐃᔪ᙮

ᑲᒪᓯᓇᐦᐃᑲᑌ ᑎᐸᐦᐊᑲ ᑲᐸᑕᑭᑌ ᓄᐱᒪᑲᒥ

ᐅᐅᐌ ᑲᓂᑐᒋᑲᑌ ᐃᑲᑌᑭᑲᑌ ᐌᑲ ᑐᑕᒧᐎ ᐃᐃᒪ ᐊᐦᑭᑲ ᑲᑕᔑ ᑎᐸᐦᐊᑭᓇᓂᐗ, ᐁᑭ ᐃᑾᐃᓇᑭᒋᑲᑌ ᒋᑭᑐᒋᑲᑌ ᒣᑾ ᒐᓂᐌᕒᐃ 8, 2018᙮ ᐊᐦᑭᐎᒪᓯᓇᐦᐃᑲᓂ ᑎᐸᐦᐊᑭᐎ ᑭᐱᑕᔑᒋᑲᑌ ᐊᐗᔑᒣ ᒥᑕᓱᐊᐦᑭᐎ ᐅᐅᒪ ᐅᑌᕒᐃᔪ, ᒥᓇ ᑭᐅᓇᒋᑲᑌ ᐯᐸᑲ ᐅᐅᒪ ᑲᓇᑕ ᑎᐯᒋᑫᐎᓇ, ᐁᐃᓯᓭ ᐃᑕ ᐅᑌᕒᐃᔪ ᐁᐯᔑᑯ ᒪᒋ ᑲᐃᔑᒪᑕᓄᑭᒋᑲᑌ ᐅᐅᐌ ᑐᑕᒧᐎ᙮

ᐅᐅᐌ ᐅᑭᑐᑕᒧᐎ ᒥᔑ ᑫᑯᓇ ᑕᑭᐅᒋᒥᓄᓭ ᑎᓄᑲ ᐅᓄᐌᓂᐗ:

1) ᒋᑕᐸᓯᓂᑲᑌ ᑎᐸᐦᐊᑭᐎ ᒣᑎᓂᑫᐎ ᐊᐗᔑᒣ ᓂᔣ ᓂᓯ;

2) ᐁᑕᐸᓯᓂᑲᑌ ᑲᓇᑕᐌᑕᑯᑭ ᐅᓇᒋᑫᐎᓇ ᒋᑎᐸᐦᐊᑭᓇᓂᐗ ᐃᐃᒪ ᐊᐦᑭᑲ;

3) ᒋᑕᐸᓯᓂᑲᑌ ᐸᐸᒥᑲᐌᐎᓇ ᐃᐃᒪ ᐊᐦᑭᑲ;

4) ᐁᑭᑭᓂᑲᑌ ᐊᐦᑭᐎ ᑎᐸᐦᐊᑲᓇ ᑲᐃᔑᐗᓇᑌᑭ ᐊᐦᑭᐎ ᑎᐸᐦᐊᑲᓇ ᒋᑕᐸᓯᓂᑲᑌ ᑲᔦᒪ ᒋᑭᑭᓂᑲᑌ ᑲᐃᔑᒪᒪᓯᓭᑭ ᑯᑕᑭᔭ ᑲᓄᑕᓯᓂᑫᐗ ᐅᑎᐸᐦᐊᑲᓂᐗ; ᒥᓇ

5) ᒋᑕᐸᓯᓂᑲᑌᑭ ᑲᐃᔑᒪᒪᓯᓭᑭ ᑎᐸᐦᐊᑭᐎᓇ ᑲᐱᑭᔑᑎᐯᑕᒧᐗ ᐅᑕᐦᑭᒥᐗ ᒥᓇ ᐊᓂᔑᓂᓂᐤ ᑕᔑᑫᐎᓇ᙮

ᐅᐅᐌ ᑲᐃᔑᐊᒋᓭ ᑭᑭᓂᑲᑌ ᐃᐃᐌ ᐊᐦᑭᑲ ᑲᐸᐸᒥ ᑎᐸᐦᐊᑭᓇᓂᐗ, ᑲᑎᐸᐦᐊᑭᓇᓂᐗ ᑭᔭᐸ ᓇᑕᐌᑕᑯ ᓂᑕ ᒋᑭᑐᒋᑲᑌ ᑲᓇᓇᑕᐗᓯᓂᑲᓂᐗ ᑐᑕᒧᐎ᙮ ᐃᑭᐌᓂᐗ ᑲᑭᑫᑕᒧᐗ ᐊᐦᑭ ᑭᔭᐸ ᓇᑕᐌᑕᑯᓄ ᐅᑭᑫᑕᒪᐎᓂᐗ ᒣᑾ ᑲᓇᓇᑕᐗᓯᓂᑫᓇᓂᐗ, ᒥᓇ ᑕᑯ, ᐁᐎᒋᑲᑌᑭ ᐊᓂᑕ ᑐᑕᒧᐎᓇ, ᑲᑭᐱᑐᒋᑲᑌ ᑎᐸᐦᐊᑭᐎ ᐊᓄᑭᐎ ᒥᓇ ᑕᐎᑲᐦᐃᑲᓇ᙮ ᐃᔑᐸᑯᓭᒋᑲᑌ ᒥᓇ ᐃᐃᐌ ᐊᐦᑭᐎ ᑎᐸᐦᐊᑭᐎ ᐊᓄᑭᐎ ᒋᓇᓇᑐᑭᑫᑕᒧᐗ ᑫᓂᑐᑕᒧᐗ ᑎᐸᐦᐊᑭᐎ ᑲᓂᐱᐗᐱᑯᑲᒋᑲᑌ ᐅᐅᐌᑎᓀᑫ ᓂᑲᓂ᙮ ᑭᒋᓀᑕᒥ ᐅᐅᐌ ᑲᓂᑐᒋᑲᑌ ᒥᓇ ᑭᒋᓀᑕᒥ ᑲᓂᐗᐸᑕᒪ ᐅᑌᕒᐃᔪ ᓄᑕᓯᓂᑫᐎ ᑐᑕᒧᐎᓇ ᑲᓂᐱᐗᐱᑯᑲᒋᑲᑌ ᓇᐗ ᒋᑭᐌᒋᓭ ᐃᐃᐌ ᑲᑭᒋᓀᑕᑯ ᐯᔑ ᑐᑕᒧᐗ᙮