ᐁᒪᔭᑭᑲᓇᐗᐸᒋᑲᑌ ᒋᐅᔑᒋᑲᑌ ᓀᐗᑯᐎ ᒥᑲᓇ

ᓂ ᐊᓬᐊ ᑳᐅ, ᑲᐅᑭᒪᐎ ᒥᓇ CEO

ᐊᐱ ᓄᑕᓯᓂᑫᐎᑲᒥ ᐅᔑᒋᑲᑌ ᐅᐅᒪ ᐅᕒᐃᔪ, ᐊᐊᐌ ᓄᑕᓯᓂᑫᐎ ᒪᒋᑕᐎ ᐎᓇᐗ ᐸᐸᒥᓯᐗ ᒋᑐᑕᒧᐗ ᐃᐃᐌᓂ ᐊᐦᑭᐎ ᓇᑲᒋᒋᑫᐎ ᑫᐃᔑᒋᑫᒪᑲ (EA) ᒥᓇ ᓀᐗᑯᐎᒥᑲᓇ ᐅᔑᒋᑲᑌ᙮ ᐁᐃᓯᓭᑭ ᐃᑕ ᐊᐊᐌ ᒪᒋᑕᐎ ᐎᓇᐗ “ᒋᓂᑲᓂᑲᒧᐗ” ᐃᐃᐌ ᐅᔑᒋᑲᑌ᙮

ᐊᐦᑭᐎ ᒪᓯᓇᐦᐃᑲ ᑭᐌᑎᓄ ᐅᑌᕒᐃᔪ ᐁᐅᔑᐱᐦᐃᑲᑌᑭ ᓂᔑ ᑲᐃᓀᒋᑲᑌ ᒋᑭᓇᑕᒧᑭ ᒥᑲᓇ ᑲᓇᑯᒋᑲᑌᑭ

ᐁᐃᔑᓇᑯ ᒋᐊᓂᓯᓭ ᐊᐗᔑᒣ ᐯᔑ ᒋᐅᔑᒋᑲᑌᑭ ᓄᑕᓯᓂᑫᐎᑲᒥᑯ ᐃᐃᒪ ᑲᐃᔑᑭᓂᑾᓇᑌ ᐃᑯᑌᐎ ᐊᐦᑭ, ᒥᓇ ᑲᐃᔑᐯᔑᓇᑯ ᐃᐃᐌ ᐃᑯᑌᐎᑕᐸ ᒥᑲᓇ ᒥᓇ ᐊᓯᓂᐎ ᒥᑲᓇ ᐁᐱᓯᓇᑯ 300 ᑕᓱᑎᐸᐦᐊᑲ, ᐅᑭᒪᐎ ᐅᑌᕒᐃᔪ ᐅᐸᑭᑎᓇ ᔓᓂᔭᓇ ᒋᐅᔑᒋᑲᑌ ᒥᑲᓇ ᐃᐃᒪ, ᐁᐃᓯᓭ ᒋᐅᒋ ᒥᓄᓭᐗ ᑲᑭᓇ ᔭᐎᔭ ᐅᐅᒪ ᑲᑲᐯᔑᐗ ᐅᑌᕒᐃᔪ ᐊᐦᑭ᙮

ᐊᐱ ᐅᑭᒪᐎ ᐅᑌᕒᐃᔪ ᑲᑭᐎᓇ $1B ᑕᔀᐱ ᐁᑭᐊᔓᑕᒪᐗ ᒋᐅᔑᒋᑲᑌ ᐃᐃᒪ ᒋᓇᑕᒧ ᑲᐃᔑᑭᓂᑾᓇᑌ ᐃᑯᑌ ᐊᐦᑭ, Noront ᐅᑭᑌᐱᓇ ᑫᐃᓇᓄᑭᓇᓂᐗ ᑲᐃᔑᐅᔑᐱᐦᐃᑲᑌ ᐃᐃᒪ ᒥᑭᓯᐤ ᐗᓴᓴᓂ EA᙮ ᑭᑲᑴᒋᒥᑯᒥ ᒋᑲᑴᒋᒪᔭ ᐊᓂᑕ ᐃᑯᓂᑲᓇ ᐅᑭᒪᐎ ᒥᓇ ᒋ ᐃᓯᓭᒋᑲᑌ ᑫᐎᓇᐗ ᒋᐸᐸᒥᓯᐗ ᐃᐃᐌ ᑲᐎᑐᒋᑲᑌ EA ᓇᑲᒋᒋᑫᐎ᙮ ᐅᐅᐌ ᑲᑴᑌᐎ ᓇᑲᒋᒋᑲᑌ ᐊᐦᑭ ᑲᐃᔑᓇᑯ ᑫᐃᔑᒪᓯᓭᑭ, ᑲᐃᓇᐸᒋᐅᑡ ᐊᓂᔑᓂᓂᐗ ᐊᐦᑭ, ᒥᓇ ᒋᒧᔕᑭᓂᑲᑌᑭ ᐊᓂᔑᓂᓂᐎ ᐊᐦᑭᐎ ᑭᑫᑕᒪᐎᓇ ᐅᒋ ᓄᑕᓯᓂᑫᐎᑲᒥ ᒥᓇ ᐃᐃᐌ 300 ᑕᓱᑎᐸᐦᐊᐸ ᒥᑲᓇ᙮

ᐊᐱ ᐅᐅᐌ ᑲᑌᐱᓂᑲᑌ, Noront ᐅᑭᒪᐎ ᐅᑭᐅᓀᑕᓇᐗ ᒋᑭᐌ ᒪᒥᑐᓀᒋᑲᑌ ᐃᐃᐌ ᒥᓯᐌ ᒪᓯᓇᐦᐃᑲᓀᓯᑲ ᑲᑐᒋᑲᑌ᙮ ᐃᐃᐌ ᒥᑲᓇ ᑫᐃᓇᑕᒧ ᐃᐃᒪ ᐊᓂᔑᓂᓂᐎ ᐊᐦᑭ ᐁᑎᐯᑕᒧᐗᒋ ᐊᓂᔑᓂᓂᐗ, ᐊᓂ ᑕ ᐊᓂᔑᓂᓂᐗ ᐎᓇᐗ ᒋᑭᐱᒥᐎᑐᐗᐸ ᐃᓂᐌᓂᐗ ᒥᑲᓇᐎ ᐱᒥᐎᒋᑫᐎᓇ? ᐅᑌᕒᐃᐅ ᐅᑭᒪᐎ ᐅᑭᑌᐺᑕᓇᐗ ᐅᐅᐌ ᒋᑭᑐᒋᑲᑌ ᒥᓇ ᐁᑭᐸᐸᒥᑲᑴᑌᐗ ᑲᑴᑌᐎᓇ ᐃᐃᒪ ᐃᑯᓂᑲᓂ ᒥᓇ ᐁᑭᓯᓭ ᓂᔑ ᐃᑯᓂᑲᓇ ᑲᑴᑌᐎᓇ ᐁᑭᑌᐱᓂᑲᑌᑭ: ᐃᐃᐌ ᐗᐸᓄ-ᓀᑲᐱᐦᐅᓄ ᐁᑭᓂᑲᓂᑲᒧᐗ ᐌᐱᑴ ᒥᓇ ᓂᐱᓇᒥ ᒥᓇ ᑭᐌᑎᓄ-ᔕᐗᓄ ᑫᐃᓇᑕᒧ ᒥᓇ ᐊᑯᑭ ᐎᓇᐗ ᒋᓂᑲᓂᑲᒧᐗ᙮

Noront ᐅᑲᐸᑭᑎᓇ ᑲᒋᐎᓇ ᒥᓇ ᐊᐦᑭᐎ ᓇᑲᒋᒋᑫᐎᓇ ᑫᐃᓇᑕᒧ ᐅᒋ ᐃᑭᐌᓂᐗ ᒋᒥᓇᑲᓀᐗ ᐃᑯᓂᑲᓇ ᑫᓂᑲᓂᑲᒧᐗ ᓇᑲᒋᒋᑫᐎᓇ, ᒥᓇ ᐁᑕᑶᐗ ᐃᑭᐌᓂᐗ ᓂᐎ ᐅᑌᕒᐃᔪ ᐅᑭᒪᐎ ᐊᓄᑭᐎᓇ, ᐸᑭᑎᓇᒥ ᒋᐎᒋᑐᔭ ᓇᑲᒋᐎ ᐎᑕᒪᑫᐎᓇ ᐃᐃᒪ ᐊᓂᔑᓂᓂᑲ᙮ ᑎᔑᑌᐺᑕᒥ ᐃᑭᐌᓂᐗ ᐃᑯᓂᑲᓇ ᑲᐃᔑ ᐅᑕᐦᑭᐗ ᐎᓇᐗ ᒋᑭᓂᑲᓂᑲᒧᐗᐸ ᐃᐃᐌ ᒥᑲᓇ ᒋᑭᐅᔑᒋᑲᑌᑭ ᒥᓇ ᑫᐃᔑᓇᑯᑭ ᐎᐸ ᒋᓯᓭᑭ ᒪᓯᓇᐦᐃᑲᓀᓴ ᒋᑌᐱᓂᑲᑌᑭ ᒋᐅᔑᒋᑲᑌᑭ ᒥᑲᓇ, ᒥᓇ ᑭᒋᓀᑕᒥ ᐃᐃᐌ ᑫᓂᓇᐎ ᒋᑭᑕᑯᐱᔭ ᐅᐅᐌ ᑲᐃᔑᓇᒋᑲᓂᐗ ᒋᒪᒋᒋᑲᑌᑭ ᐊᐦᑭᐎ ᒪᒋᑕᐎᓇ ᐅᐅᒪ ᐅᑌᕒᐃᔪ᙮