ᐁᑯᓀᓐ ᐃᐃᐌ JHSC?

ᓂᓐ ᑳᑐᕆᓐ ᓂᔦᒥ, ᐱᒥᐎᒋᑫᐎᓐ ᑲᓇᑲᒋᑐᔭᓐ

JHSC ᑲ ᐊᐱᑕᒧᐗᒡ ᕌᑉ ᓚᔾᑦ, ᕌᑉ ᒥᒍᓪ ᒥᓇ ᒫᔾᒃ ᑌᓯᓓᑦᔅ ᐁᑭᑭᔑᑐᐗᒡ JHSC Level 1 ᑭᑭᓄᒪᑫᐎᓐ

ᐊᓄᑭᐎᓐ ᐅᔕ ᑲᐎᓐ ᐊᐗᓀᓂᑲᓂᐎᔭᒃ, ᐃᐃᐌᑕᔥ ᑲᑐᑕᒪᒃ᙮ ᓇᑕᐌᑕᑯᓐ ᒋᐊᓐᑾᒥᓯᓇᓂᐗᒃ ᑲᑕᓇᓄᑭᓇᓂᐗᒃ, ᒋᑭᑭᐌᔭᒃ ᒥᓇ ᒋᐊᔭᔭᒃ ᑲᐃᔑᔭᔭᔭᒃ — ᐁᐅᒪᒪᐎᔭᓐ, ᐁᐅᑕᑕᒥᔭᓐ, ᐁᐅᑯᓯᓯᒪᐎᔭᓐ, ᐁᒥᔓᒧᐎᔭᓐ, ᐁᐅᐎᒋᐗᑲᓂᔭᓐ᙮

ᐁᒪᒪᐤ ᑲᓇᐗᐸᒋᑲᑌᒃ ᒥᓄᔭᐎᓐ ᒥᓇ ᐊᓐᑾᒥᓯᐎᓐ ᑲᒥᑎ (JHSC) ᐁᐎᑕᒧᐗᒡ ᒥᓇ ᒋᐊᐗᔑᒣ ᒥᓄᓭᑭᓐ ᒥᓄᔭᐎᓐ ᒥᓇ ᐊᓐᑾᒥᓯᐎᓇᓐ ᒋᑭᑫᑕᑯᒋᑲᑌᑭᓐ ᐅᐅᒪ ᑲᑕᓇᓄᑭᓇᓂᐗᒃ᙮ ᐊᓄᑭᓇᑲᓇᒃ ᒥᓇ ᐅᑭᒪᒃ ᒪᒪᐤᐱᐗᒃ ᑲᐯᐦᐃ ᒋᑕᔑᒋᑲᑌᑭᓐ ᒥᓄᔭᐎᓇᓐ ᒥᓇ ᐊᓐᑾᒥᓯᐎᓇᓐ ᐃᓯᓭᐎᓇᓐ᙮ ᐁᐅᓐᒋᒥᓄᓭᒃ ᐅᐅᐌ ᑲᒥᑎ ᐃᑭᐌᓂᐗᒃ ᐊᓄᑭᓇᑲᓇᒃ, ᐅᐱᑐᓇᐗ ᑲᐃᔑᑭᑫᑕᒧᐗᒋᓐ ᐃᓂᐌᓂᐗᓐ ᐊᓄᑭᐎᓇᓐ ᒋᐎᑕᒪᐗᒡ ᐅᑭᒪᐎᓇᓐ, ᐁᐸᐸᒥᓯᐗᒡ ᑲᐃᔑᐱᒥᐎᒋᑲᑌᒃ ᒪᒋᑕᐎᓐ᙮

ᐅᐅᐌ JHSC ᐅᑭᒥᑲᓇᐗ ᐁᒪᒋᑭᒪᑲᒃ ᒥᓇ ᐁᐊᓐᒋᓭᑭᓐ ᑫᑯᓇᓐ ᐊᐸᓐ ᑲᒪᑕᓄᑭᓇᓂᐗᑭᐸᓐ 2014 ᐃᓂᐌᓂᐗᓐ ᐊᓄᑭᐎᓇᓐ ᒥᓇ ᐸᐸᒥᓯᐎᓇᓐ ᐁᐸᔭᑌᐎᒋᑲᑌᑭᓐ ᒥᓇ ᑾᔭᒃ ᐁᓂᓯᑐᑕᒧᐗᒡ ᐊᓄᑭᓇᑲᓇᒃ᙮ ᓄᑯᒻ, ᐊᓄᑭᐎᓐ ᐁᔑᑲᓇᐗᐸᒋᑲᑌᒃ ᑲᑭᓇ Noront ᐊᓄᑭᓇᑲᓇᒃ ᒋᑭᑫᑕᒧᐗᒡ JHSC ᐁᓇᓄᑭᒪᑲᒃ ᒋᓇᑲᒋᒋᑲᑌᒃ ᒪᒋᑕᐎᓐ ᐸᐸᒥᓯᐎᓐ ᐁᔑᑲᓇᐗᐸᒋᑲᑌᑭᓐ (IRS)᙮ ᑲᑭᓇ ᔭᐎᔭ ᐅᐅᒪ ᑲᔭᔭᒡ ᑲᑕᓇᓄᑭᓇᓂᐗᒃ ᐸᐸᒥᓯᐗᒃ ᒥᓄᔭᐎᓐ ᒥᓇ ᐊᓐᑾᒥᓯᐎᓇᓐ ᔕᑯᒡ ᑾᔭᒃ ᒋᐊᓄᑭᒪᑲᒃ ᐃᐃᐌ JHSC ᐎᑕᒧᐗᒡ ᑲᐃᔑᒪᓯᓭᒃ ᐱᒥᐎᒋᑫᐎᓇᓐ ᒥᓇ ᐁᐎᑕᒪᑫᐗᒡ ᑫᐃᔑᒪᒥᓄᒋᑲᓂᐗᒃ᙮

ᒥᓄᔭᐎᓐ ᒥᓇ ᐊᓐᑾᒥᓯᐎᓇᓐ ᐃᐃᒪ ᐃᔑᑲᓇᐗᐸᒋᑫᒪᑲᓐ ᐎᔭᐎᒃ ᒥᓇ ᒥᑐᓀᒋᑲᓂᒃ ᒋᒥᓄᔭᒪᑲᑭᓐ, ᐁᐃᔑᑲᓇᐗᐸᒋᑫᒪᑲᒃ ᐁᑲ ᐁᑕ ᐅᐅᒪ ᑲᑕᓇᓄᑭᔭᒃ᙮ ᑭᔥᐱᓐ ᑲᑭᓇ ᔭᐎᔭ ᐁᑕᑯᓇᑲᓀᒡ ᑲᑭᐗᐸᑕᒥᓐ ᒋᑲᓇᐗᐸᒋᑲᑌᑭᓐ ᐊᓐᑾᒥᓯᐎᓇᓐ ᒣᑾᒡ ᑲ ᐊᓄᑭᓇᓂᐗᒃ ᒥᓇ ᑲᔦ ᑲᑕᔑᑕᓂᐗᒃ᙮

ᑭᐗᐸᑕᓐ ᐁᒪᒋᑭᓇᓂᐗᒃ, ᒪᒋᑕᐎᓐ ᒥᓯᐌ ᐁᑭᑫᑕᑯᓐ ᑭᑫᑕᒧᐎᓇᓐ ᒥᓇ ᐁᐅᑕᐱᓂᑲᑌᑭᓐ, ᒥᓇ ᐁᓂᓯᑐᑕᑎᓇᓂᐗᒃ ᑲᑭᓇ ᔭᐎᔭ ᑲᐃᔑᒥᑯᔥᑲᑌᑕᒃ ᒥᓇ ᐁᔑᑲᓇᐗᐸᑕᒃ ᐁᑭᒋᓀᒋᑲᑌᑭᓐ᙮ ᑲᐎᓐ ᒋᓇᓇᑕᐗᐸᒋᑲᑌᒃ ᒪᓯᓭᐎᓇᓐ ᒋᓂᓯᑕᐎᓂᑲᑌᑭᓐ ᑲᐃᔑᓄᑌᓭᑭᓐ ᒥᓇ ᒋᒥᑭᑲᑌᑭᓐ ᒥᓄᒋᑫᐎᓇᓐ᙮ ᐁᓇᑲᔥᑭᑲᑌᑭᓐ ᑲᒪᓯᓭᑭᓐ ᑫᑯᓇᓐ᙮ ᑭᒪᒋᑕᒥᓐ ᐅᐅᐌ ᑫᑯᓐ ᑫᓂᐅᓐᒋ ᒪᔥᑲᐎᓯᒪᑲᒃ ᐊᐸᓐ ᑲᓂᒪᒋᐅᒻᐱᑲᐸᐎᒪᑲᒃ ᐅᐅᐌ ᒪᒋᑕᐎᓐ᙮ ᑲᐎᑕᓄᑭᒥᑎᔭᒃ ᐅᓂᑲᓂᔥᑲᓇᐗ ᑲᔥᑭᐦᐅᐎᓐ, ᒥᓇ ᑲᑭᓇ ᐅᐅᒪ ᒪᒪᐤ ᑭᑕᑶᒥᓐ᙮ ᑕᔭᐗᒥᓐ ᑫᓂᑲᓂᔥᑲᒧᐗᒡ ᒥᓇ ᐁᑌᐺᑕᒧᐗᒡ ᑲᑭᓇ ᔭᐎᔭ ᒋᑭᑲᔥᑭᐦᐅᒡ᙮ ᑎᔑᑌᐺᑕᓐ ᐅᐅᐌ JHSC ᐁᑭᒪᒋᑕᒪᑲᒃ ᑲᑭᓇ ᐃᓯᓭᐎᓇᓐ ᒥᓇ ᑲᐯ ᒋᐱᒪᓄᑭᒋᑲᑌᑭᓐ ᐃᓯᓭᐎᓇᓐ ᐯᔓᓐᒡ ᒋᐎᑕᓄᑭᒪᑲᓀᐗᒡ ᐅᑭᒪᒃ ᒥᓇ ᒋᑲᓄᒋᑲᑕᒪᐗᑲᓀᐗᒡ ᐊᓄᑭᓇᑲᓇᒃ᙮