ᐊᓄᑭᓇᑲᐣ ᐅᑎᐸᒋᒧᐏᐣ – ᑕᔾᓗᕐ ᐳᕐᔡᓐ

ᐃᔑᓂᑲᓱᐎᐣ:
ᑕᔾᓗᕐ ᐳᕐᔡᓐ

ᐃᐡᑯᓂᑲᐣ:
ᑭᓄᑲᒥᒃ #58

ᑭᑕᓄᑭᐎᐣ:
ᐁᐃᓇᓄᑭᒡ ᑲᑭᔑᑌᐳᒡ/ᑭᔑᑌᐳᐎᑲᒥᑯᒃ ᑲᐎᒋᑐᒡ


ᐊᓂᓐ ᐁᓐᑐᑕᒪᓐ?

ᓂᐎᒋᑐ ᑲᑕᔑᑭᔑᑌᐳᓇᓂᐗᒃ ᐅᐅᒪ ᐁᔅᑯᕐ ᑲᐯᔑᐎᓂᒃ ᐁᓐᑐᑕᒪᓐ ᐁᑭᔑᑌᐳᔭᓐ, ᓇᐗᑴᒋᑫᐎᓇᓐ ᐁᐅᔑᑐᔭᓇᓐ, ᐁᑭᓯᓇᑲᓀᔭᓐ ᒥᓇ ᐁᒧᑲᒋᑫᔭᓐ, ᒥᓇ ᐁᑭᓯᓂᑫᔭᓐ ᐅᐅᒪ ᑲᑕᔑᑭᔑᑌᐳᓇᓂᐗᒃ᙮ ᑲᓂᑲᓂᔥᑲᒃ ᑲᑭᔑᑌᐳᒡ, ᓈᕐᒪ, ᒣᑾᒡ ᐅᓐᑕᒣᑎ ᐁᑯᑕᔥ ᓂᓐ ᓂᓂᑲᓂᔥᑲᓐ ᑭᔑᑌᐳᐎᓐ, ᑲᓇᐗᐸᑕᓐ ᑲᑭᓇ ᑲᐃᔑᑲᑌᐳᓇᓂᐗᒃ ᒥᓇ ᑲᓇᑐᒋᑲᑌᑭᓐ ᒥᒋᒪᓐ᙮ ᑕᔭᐗ ᑫᐎᒋᐦᐃᔑᒡ ᐅᐅᒪ ᑲᑕᔑᑭᔑᑌᐳᓇᓂᐗᒃ, ᒥᓇ ᐱᔕᔭᒃ ᒪᑕᓄᑭᔭᒃ ᑲᐯᔑᑯᑐᑕᓇᓐ ᑲᑭᓇ ᐊᓄᑭᐎᓇᓐ ᐅᐅᒪ! ᒋᑯᒋᑐᔭᓐ᙮ ᔕᑯᒡ, ᐁᓯᓭᒃ ᒋᐅᓐᒋ ᑭᑫᓐᑕᒪᓐ ᑫᑐᑕᒪᓐ ᑕᓄᑭᐎᓐ᙮

ᐊᓂᓐ ᐁᔑᓇᑯᒃ ᐯᔑᑾ ᑲᑭᔑᑲᒃ ᑲᑐᑕᒪᓐ?

ᐊᔕ ᐃᐃᒪ ᑕᔭ ᑲᑕᔑᑭᔑᑌᐳᓇᓂᐗᒃ 8:30 ᑲᑭᔐᐸᐗᔑᒃ — 8 ᑲᑭᔐᐸᐗᔑᒃ ᑭᔥᐱᓐ ᐊᔭᐗᒡ ᑲᒧᓇᐦᐃᑫᐗᒡ ᐅᐅᒪ ᑲᐯᔑᐎᓂᒃ᙮ ᑭᓯᓇᑲᓀ ᑲᑭᑭᔐᐸᓀᑾᓂᐗᒃ ᐊᐸᒋᒋᑲᓇᓐ ᒥᓇ ᑭᓯᓂᑫ, ᑕᓂᒪᒋᑲᑌᑉ ᒥᓇ ᑕᓂᐅᔑᑐᓐ ᑫᒥᒋᑲᑌᒃ ᓇᐗᑴᒃ᙮

ᐁᓯᓭᒃ, ᓂᒧᑲᒋᑫ, ᑭᐱᒋ ᒣᑾᒡ 3 ᑲᐃᔥᑾᓇᐗᑴᒃ ᒥᓇ ᐱᑭᐌᔥᑲ ᑲᑕᔑᑭᔑᑌᐳᓇᓂᐗᒃ 5 ᑲᑕᓱᑎᐸᐦᐃᑲᓀᔭᒃ ᒋᐅᔑᐦᐊᑾ ᓇᐗᑴᒋᑫᐎ ᒥᒋᒪᓐ ᓄᐱᒪᑲᒥᒃ ᑲᑕᓇᓄᑭᐗᒡ᙮ ᓂᑭᓯᓇᑲᓀ, ᑭᓯᓂᑫ ᒥᓇ ᓂᒧᑲᑐᓇᓐ ᑫᓄᑌᓭᑭᓐ ᒥᒋᒪᓐ᙮ ᑕᓂᑭᔑᑐᓐ ᑕᓄᑭᐎᓐ 8 ᐊᑯᓇᒃ 8:30 ᑲᑕᓱᑎᐸᐦᐃᑲᓀᒃ, ᑕᓂᑭᓯᓯᐸᔅ ᒥᓇ ᑕᓉᔑᓐ ᐊᐱ ᒋ ᐊᓂᓂᐸᔭᓐ᙮

ᓄᑯᒻ, ᑲᑭᔑᑲᒃ ᒪᒪᔾᑭᓯᓭ᙮ ᑲᑭᔑᑌᐳᔭᓐ, ᓂᐗᓂᔥᑲ 4:30 ᑲᑭᔐᐸᔭᒃ ᒋᒪᒋᑲᑌᐳᔭᓐ ᑲᑭᔐᐸᓀᑾᓂᐗᒃ᙮ ᐁᐃᔥᑾ ᑭᓯᓇᒪᒃ ᑲᑭᐎᓯᓇᓂᐗᒃ ᑲᑭᔐᐸᔭᒃ, ᓂᑎᔕ 7:30 ᑲᑭᔐᐸᐗᔑᒃ ᒪᒪᐤᐱᐎᓐ, ᒥᓇ ᑭᐌᐃᔕ ᑲᑕᔑᑭᔑᑌᐳᓇᓂᐗᒃ ᐁᒪᒋᑕᔭᓐ ᑫᐅᓇᑯᔑᒃ ᑫᐎᓯᓇᓂᐗᒃ᙮ ᑲᐎᒋᐦᐃᔑᒡ ᑎᓇ ᐊᔕ ᐱᑕᑯᔑᓐ ᐁᑭᔑᑌᐳᒡ ᒥᓇ ᐁᐅᔑᑐᒋᓐ ᓇᐗᑴᒋᑫᐎ ᒥᒋᒪᓐ ᑲᒪᒋᐎᒋᑲᑌᑭᓐ, ᒥᓇ ᑕᓂᑐᑕᓐ ᑲᐅᔑᐱᐦᐃᑲᑌᑭᓐ ᐊᓄᑭᐎᓐ ᑲᔦᒪ ᐱᐗᐱᑯᒃ ᑕᐸᒋᑐᓐ ᐁᑲᒪᔑ ᑲᑭᐱᒋᔭᓐ ᒥᓇ ᒋᒪᒋᑲᑌᐳᔭᓐ ᐅᓇᑯᔑᓀᑴᐎᓐ᙮ ᐊᐱ ᑲᓂᓯᓭᒃ ᑲᑭᓇ ᑫᑯᓐ ᒋᐊᒋᑲᑌᒃ ᐃᐃᒪ ᑲᐃᔑᐸᔥᑭᓀᓯᑲᓂᐗᒃ ᐊᒋᑲᓇᑯᒃ, ᒥᓇ ᐁᐱᑕᑯᔑᓄᐗᒡ ᑫᐎᓯᓂᐗᒡ, ᐊᔕᐸᓐ ᑕᓂᑭᐱᒋ᙮ ᑎᓇ ᐅᑲᑭᔑᑐᓐ ᒋᑭᓯᓂᑫᒡ᙮ ᑭᓯᓯᐸᔅ ᒥᓇ ᑕᓉᔑᓐ ᙮᙮᙮᙮ ᒥᓇ ᑭᓯᓂᑎᔅ ᒥᓇᐗ ᑕᓂᑐᑕᓇᓐ!

ᑭᑭᐱᐊᓄᑭ ᐅᐅᒪ Noront ᐅᑕᓇᒃ, ᐁᑯᓀᓐ ᒥᓇ ᐌᒋᑭᐱᑭᐌ ᐊᓄᑭᔭᓐ?

ᓂᒥᓉᑕᓐ ᐅᐅᒪ ᐁᔅᑯᕐ᙮ ᒥᓉᑕᑯᓐ ᐁᐃᓇᐌᒥᑎᓇᓂᐗᒃ ᒥᓇ ᐁᒥᓉᑕᑯᒃ, ᒥᔑᓋ ᐁᐸᐱᓇᓂᐗᒃ! ᒥᓇ, ᒣᑾᒡ ᐁᑭᔑᑌᐳᔭᓐ ᑎᔑᒥᓉᑕᓐ᙮ ᐊᐗᔑᒣ ᓂᐎᑭᑫᑕᓐ ᒥᓇ ᒋᓇᑲᒋᔭᓐ ᑲᑭᔑᑌᐳᓇᓂᐗᒃ ᒥᓇ ᒋᐅᑕᐱᓇᒪᓐ ᐊᓄᑭᐎᓐ ᑲᔦᒪ ᑭᑭᓄᒪᑯᐎᓐ ᐃᐃᐌ ᒋᑭᑐᑕᒪᓐ ᑲᑭᔑᑌᐳᓇᓂᐗᒃ᙮ ᒥᑴᒡ ᑎᓇᒃ Noront ᐁᒥᓂᔑᐗᒡ ᐅᐅᐌ ᑲᑐᑕᒪᓐ ᒥᓇ ᐁᑭᑭᐌᐅᑕᐱᓂᔑᐗᒡ ᐎᐸᒡ᙮

ᐁᑯᓀᓐ ᒪᐗᒡ ᑲᒥᓉᑕᒪᓐ ᐅᐅᐌ ᑲᑐᑕᒪᓐ ᑭᑕᓄᑭᐎᓐ?

ᓴᑭᑐᓐ ᐁᑲᓇᐗᐸᒪᑾ ᔭᐎᔭᒃ ᐁᒥᓄᐱᑕᒧᐗᒡ ᒥᒋᒪᓐ ᑲᑭᑭᔑᑌᐳᔭᓐ᙮ ᐁᒥᓋᔑᒃ ᒥᒋᒻ ᐅᒥᓉᑕᓇᐗ ᔭᐎᔭᒃ, ᐃᐃᐌ ᑲᐃᓯᓭᒃ, ᐁᐅᓐᒋ ᒥᓉᑕᒧᐦᐊᑾ ᔭᐎᔭᒃ ᒣᑾᒡ ᑲᐎᓯᓂᐗᒡ! ᒥᓇ ᓂᒥᓉᑕᓐ ᓂᔓᑕᐗᑌ ᑲᐱᔕᔭᓐ ᒥᓇ ᑲᑭᐱᒋᔭᓐ ᓂᔓᑕᐗᑌ᙮ ᓂᔓᑕᐗᑌ ᑲᑭᐱᒋᔭᓐ ᑐᓐᒋ ᐊᑌᔑᓐ, ᒥᓇ ᐁᑯᐗᓐᒋᔭᓐ ᒥᓇ ᒋᒪᑕᓄᑭᔭᓐ᙮

ᐁᑯᓀᓐ RoFATA ᑭᑭᓄᒪᑫᐎᓐ ᑲᑭᑐᑕᒪᓐ?

ᑲᑭᒪᒋᑕᔭᓐ ᐃᐃᐌ ᓄᑕᓯᓂᑫᐎᓐ ᑾᔭᒋᐎᓐ ᑭᑭᓄᒪᑫᐎᓐ ᒥᓇ ᐁᑭᐊᓂᐅᓀᑕᒪᒃ ᐁᑯᓀᓐ ᑫᑭᑭᓄᒪᑯᔭᒃ᙮ ᓂᓐ ᑭᐅᑕᐱᓇᓐ ᑲᑭᔑᑌᐳᓇᓂᐗᒃ ᒥᓇ ᐊᐸᓐ ᐅᐅᒪ ᑲᐱᑕᑯᔑᓇᓐ!

ᐁᑯᓀᓐ ᐃᐃᐌ ᑲᐯᐦᐃ ᑲᐱᑐᔭᓐ ᐅᐅᒪ ᑲᑕᓇᓄᑭᔭᓐ?

ᑲᐯᐦᐃ ᐱᒪᒋᐎᑐᓐ ᐃᐃᐌ ᐱᐗᐱᑯ ᓄᑕᑯᒋᑲᓐ᙮ ᑲᓄᑕᑯᒧᑐᓇᓐ ᓂᑲᒧᐎᓇᓐ ᒣᑾᒡ ᐃᐃᒪ ᐊᔭᔭᓐ ᑲᑕᔑᑭᔑᑌᐳᓇᓂᐗᒃ! ᑭᔥᐱᓐ ᑲᒪᓯᓇᑌᓭᒃ ᐁᑭᑲᓇᐗᐸᑕᒪᓐ Footloose ᐊᐊᐌ ᑫᐱᓐ ᐯᑲᓐ ᑲᑕᔑᔭᔭᒡ ᐃᐃᒪ ᑲᑕᔑᐅᔑᒋᑲᑌᑭᓐ ᑫᑯᓇᓐ, ᒥᐦᐃᒪ ᑫᐅᓐᒋᑭᑫᑕᒪᓐ ᐁᓯᓭᒃ ᒣᑾᒡ ᑲᔭᔭᔭᓐ ᐃᐃᒪ ᑲᑕᔑᑭᔑᑌᐳᓇᓂᐗᒃ ᒣᑾᒡ ᑲᐯᔑᑯᐊᓄᑭᔭᓐ᙮ ᔕᑯᒡ, ᒥᑴᒃ ᑲᐃᔑᐸᐸᒧᓴᓂᐗᒃ ᒥᓇ ᑲᒪᔥᑲᐗᑭᓐ ᐊᓄᑭᐎ ᒪᑭᓯᓇᓐ, ᑲᐎᓐ ᐊᐎᔭ ᒪᔑ ᑲᒋᑎᓂᑯᓯᓐ!

ᑭᒥᓉᑕᓇ ᒣᑾᒡ ᑲᐃᓇᑭᒥᑯᔭᓐ ᑲᓂᑲᓂᔥᑲᒪᓐ ᑭᔑᑌᐳᐎᓐ?

ᐁᐦᐊ, ᒪᐗᒡ ᐃᓀᑕᑯᓐ ᐃᐃᒪ ᒋᐅᓐᒋ ᓇᑲᒋᔭᓐ ᒥᓇ ᐅᔥᑭᑫᑯᓇᓐ ᒋᑭᑭᑫᑕᒪᓇᓐ᙮ ᓂᑲᓐ ᐁᐃᓇᐱᔭᓐ ᓂᒥᓉᑕᓐ ᒋᓇᑭᓇᒪᓐ ᓂᓇᑲᒋᐎᓐ ᑲᓇᑕᐌᑕᑯᒃ ᒋᐱᒥᐎᒋᑲᑌᒃ ᑭᔑᑌᐳᐎᓐ ᐅᐅᐌ ᑲᐃᓇᓄᑭᔭᓐ᙮