ᐱᒥᑭᑭᓄᒪᑫᐎᓐ ᐅᐅᒪ ᐁᔅᑯᕐ

ᓕᓐᑕᓐ ᐗᐸᔅ ᐁᑭᑭᓄᒪᐗᑲᓀᒡ ᐊᓐᑾᒥᓯᐎᓐ ᐁᓐᑐᒋᑲᑌᒃ ᑲᐱᒥᐎᒋᑲᑌᒃ ᐗᓯᑲᓂᐱᒥᑌ ᒣᑾᒡ ᐁᑭᒪᓯᓇᑭᔀᑲᓀᒡ ᑲᑭᑭᑭᓄᒪᑯᒡ ᕌᑉ ᓚᔾᑦ

ᓂᓐ ᓕᓐᑕᓐ ᐗᐸᔅ, ᑲᐯᔑᐎᓂᒃ ᑲᐎᒋᐦᐃᐌᒡ

ᒣᑾᒡ ᒐᓂᐌᕆ 2018 ᑲᒐᑾᒃ ᐊᓄᑭᐎᓐ ᑭᐊᔭᓇᐸᓐ ᓄᐱᒪᑲᒥᒃ ᑲᐎᒋᐦᐃᐌᒡ ᒥᓇ ᑭᐊᓂ ᐊᓐᑕᓄᑭ ᑲᐯᔑᐎᓂᒃ ᑲᐎᒋᐦᐃᐌᒡ ᐊᓄᑭᐎᓐ ᐁᑭᓇᑕᐌᓂᒪᑲᓀᐸᓐ ᐊᐎᔭ ᒣᑾᒡ ᒫᕐᒡ᙮

ᒪᐗᒡ ᓂᒥᓉᑕᓐ ᒥᓇ ᐁᑭᒋᓀᑕᒪᓐ ᐁᑭᒪᑕᓄᑭᐊᓐ ᐁᔅᑯᕐ! ᓂᑕᒻ ᑲᑭᑐᑕᒪᓐ ᐁᑭᑲᑴᑭᑫᑕᒪᓐ ᑲᐯᔑᐎᓐ ᒥᓇ ᐊᓂᔑᓂᓂᐗᒃ ᐅᐅᒪ ᑲᔭᔭᐗᒡ᙮ ᑲᐎᓐ ᐎᑲ ᑐᒋᓀᑕᓯᓐ ᒋᑭᑕᓇᓄᑭᔭᓐ ᐅᐅᒪ ᒥᓇ ᒣᑾᒡ ᑐᑕᓇᓐ ᒥᔑᓐ ᐊᓄᑭᐎᓇᓐ ᒥᓇ ᐁᐸᐸᒥᓯᔭᓐ ᐊᓐᑾᒥᓯᐎᓐ ᐊᓄᑭᐎᓐ᙮ ᒪᐗᒡ ᑭᒋᒥᓉᑕᑯᓐ᙮ ᐱᒥᑭᑭᓄᒪᑯᒃ ᐅᑯᐌᓂᐗᒃ ᐌᔥ

ᑲᒡ ᑲᐅᑕᓄᑭᐗᒡ ᐅᐅᒪᓀᑫ, ᒪᐗᒡ ᒥᓉᑕᑯᓯᐗᒃ ᐃᑭᐌᓂᐗᒃ ᓄᑯᒻ ᐅᐅᒪ ᐱᒪᑎᓯᐎᓂᒃ ᑲᐎᒋᐦᐃᔑᐗᒡ! ᓂᒥᓉᑕᓐ ᐃᐃᐌ ᑲᑭᑐᑕᒧᐗᒡ ᒥᓇ ᑫᓂᓐ ᐃᐃᐌ ᑲᑭᑐᑕᓐ ᐊᓂᐗᐸᒪᑾ ᐅᔥᑭ ᐊᓄᑭᓇᑲᓇᒃ᙮

ᔭᐎᔭᒃ ᐅᐅᒪ ᑲ ᐊᓄᑭᐗᒡ ᑭᑭᑭᓄᒪᑯᒃ ᑲᑭᓇ ᑫᑯᓇᓐ ᐅᐅᒪ ᑲᐯᔑᐎᓂᒃ᙮ ᑭᑭᑫᑕᓇᓐ ᐃᓂᐌᓂᐗᒃ ᐊᓄᑭᐎᓇᓐ ᐅᐅᒪ ᐁᔅᑯᕐ ᑲᑭᐊᓄᑭᐊᐸᓐ ᓄᐱᒪᑲᒥᒃ᙮ ᑭᑭᑭᓄᒪᑯ ᒋᑕᐎᑲᐦᐃᑫᔭᓐ ᒥᓇ ᒋᑎᐸᐦᐊᑭᔭᓐ ᒥᓇ ᒋᐅᔑᑐᔭᓇᓐ ᑲᑕᔑᒧᓇᐦᐃᑲᓂᐗᒃ (ᑲᐃᔑᐊᑌᑭᓐ ᒧᓇᐦᐊᑭᐎᓐ ᒧᓇᐦᐃᑲᓇᓐ)᙮ ᑲᑐᑕᒪᓐ ᒋᐎᒋᑐᔭᓐ ᑲᐯᔑᐎᓐ ᐎᒋᑐᐗᒡ ᑭᑭᓄᒪᑯ ᐊᓂᓐ ᑫᑐᑕᒪᓐ ᒋᐱᒥᑐᒋᑲᑌᒃ ᑲᐯᔑᐎᓐ ᐁᑲ ᒋᒪᓯᓭᒃ᙮᙮᙮᙮ᒋᒧᔥᑲᐦᐅᒋᑫᔭᓐ, ᒋᐅᔑᑐᔭᓇᓐ ᑫᑯᓇᓐ, ᒋᑭᓯᓂᑫᔭᓐ ᑲᑕᔑᑭᓯᓯᐸᓱᓇᓂᐗᒃ ᒥᓇ ᒥᓯᐎᑲᒥᑯᓐ, ᒋᐸᔥᑾᐦᐃᑫᔭᓐ, ᒋᐌᐸᐦᐊᑯᓀᔭᓐ ᑲᐃᔑᐸᐸᒧᓴᓂᐗᒃ, ᒥᓇ ᑲᔦ ᐃᐃᒪ ᑲᑕᔑᒪᐗᒋᐦᐃᑎᓇᓂᐗᒃ ᑲᔦ ᒣᑕᐌᐎᑲᒥᑯᒃ᙮ ᑭᑭᑫᑕᓇᓐ ᒥᓇ ᑲᔦ ᑲᑭᒋᓀᑕᑯᑭᓐ ᐊᓄᑭᐎᓇᓐ ᑎᓄᑲᓐ ᑲᒧᔥᑲᐦᐅᒋᑲᓂᐗᒃ ᒥᓇ ᑲᓇᑕᐦᐅᑕᓱᐊᓂᐗᒃ᙮᙮᙮ᑯᑕᑭᔭᓐ ᒥᓇ᙮ ᑲᑭᓇ ᑲᒥᓋᔑᑭᓐ ᐃᓂᐌᓂᐗᓐ!

ᐊᐱ ᑭᑭᓄᒪᐗᑾ ᑯᑕᑭᔭᒃ ᔭᐎᔭᒃ, ᑲᒪᒋᑐᓐ ᐃᐃᐌ ᐊᓐᑾᒥᓯᐎᓐ᙮ ᑲᑭᑫᑕᒪᓇᓐ ᐊᓐᑾᒥᓯᐎᓇᓐ ᑭᒋᓀᑕᑯᓄᓐ᙮ ᑲᐯᐦᐃ ᑐᔑᐱᐦᐊᒥᓐ ᑫᑐᑕᒪᑭᓐ ᐊᓄᑭᐎᓇᓐ ᒥᓇ ᐊᑲᒃᒥᓄᓭᑭᓐ ᐊᓐᑾᒥᓯᐎᓂᒃ ᓂᐗᐸᑕᒥᓐ ᐃᐃᒪ ᑲᐃᔑ ᐅᔑᐱᐦᐃᑲᑌᑭᓐ ᐁᑲ ᑫᒥᓄᓭᑭᓐ ᒪᓯᓇᐦᐃᑲᓂᒃ᙮ ᐯᔓᓐᒡ ᑲᐱᓯᑕᓐ ᒥᓇ ᑲᑲᓇᐗᑉ ᐁᓐᑐᒋᑲᑌᑭᓐ ᑫᑯᓇᓐ ᐊᓐᑾᒥᓯᐎᓂᒃ᙮ ᑲᑭᓇ ᔭᐎᔭ ᐁᑲ ᒋᒪᓯᓭᒡ ᒥᓇ ᒋᑭᑭᐌᐗᒡ ᑲᐃᔑ ᓴᑭᐦᐊᑲᓀᐗᒡ ᐅᑎᐯᒋᑫᐎᓂᐗ ᒥᓇ ᑲᒥᓄᐎᒋᐗᐗᒡ!