ᑲᓇᓇᑲᑎᓯᐟ ᑲᑦᐱᐠ ᐁᐢᑯᕐ

ᓕᐣᑎᐣ ᐧᐊᐸᐢ ᐁ ᑭᐢᑭᓄᐊᒪᓱᐟ ᑭᒋ ᐊᐧᐊᑕᐟ ᐱᒥᓂᐤ ᑭᒪᓯᓇᐧᐊᐱᐢᐧᑲᐧᐊᑲᓂᐧᐊᐣ ᑫᐣᑐᐨ ᓀᐢᑕ ᐧᕋᑊ ᓚᔾᐟ᙮

ᓕᐣᑎᐣ ᐧᐊᐸᐢ ᑲᐧᐃᒋᐧᑕᐟ ᑲᑦᐱᐠ

ᑭᔐᐸᐧᐊᑕᑭᓇᑦ 2018 ᓇᑭᐢᑲᐤ ᑲᑕᐧᑲᐠ ᐊᐸᑎᓯᐧᐃᐣ ᓂᑕᔭᐣ ᑫᐧᐃᒋᐊᐠ ᐊᐸᒋᐊᑲᐣ ᑭᐡᐧᑲ ᒪᑲ ᑲᑦᐱᐠ ᑲ ᐃᔑ ᐊᐸᑎᓯᐣ ᑫ ᐊᑎ ᐊᐱᐸᓂᐠ ᒥᑭᓯᐧᐃᐱᓯᑦ ᐊᑯᒋᑫ᙮

ᓇᐢᐱᐨ ᓂᒥᐧᓀᓂᑌᐣ ᑭᒋ ᐃᑕᔭᐣ ᐊᐣᑕ ᐁᐢᑯᕐ ᑲᑦ᙮ ᓂᐢᑕᑦ ᑲ ᑐᑕᒪᐣ ᐁ ᑭᑯᒋᑕᔭᐣ ᑭᒋ ᑲᐧᑫ ᑭᐢᑫᓂᒪᑭᐠ ᐊᐣᑕ ᑲ ᐃᑕᒋᐠ᙮ ᒧᓇ ᐧᐃᐢᑲᐨ ᓂᑐᒋ ᐃᑌᓂᑌᐣ ᐅᑕ ᑭᒋ ᐊᐸᑎᓯᔭᐣ ᓀᐢᑕ ᑭᒋ ᓄᒋᑕᔭᐣ ᑲᒥᓂᑲᐧᐃᔭᐣ ᑭᒋ ᐊᑐᐢᑲᑕᒪᐣ ᒥᓯᐧᐁ ᑫᐧᑲᐣ ᑫ ᑭ ᐅᒋ ᒥᓄᐸᓂᐠ᙮ ᑕᐧᐯ ᑭᒋ ᒥᐧᓀᓂᑕᐧᑲᐣ ᓀᐢᑕ ᐁ ᑭᐢᑊᑭᓄᐊᒪᐧᐃᒋᐠ ᐊᐧᐁᓂᑲᓇᐠ ᑕᑐ ᐊᐧᐁᓂᑲᐣ ᐅᑕ ᑲ ᑕᔑᓀ ᐊᐸᑎᓯᐟ᙮ ᓇᐢᐱᐨ ᑕᐧᐯ ᓂᑭᐧᐃᒋᐃᐧᑲᐠ ᓂᐱᒪᑎᓯᐧᐃᓂᐠ ᓂ ᑭᒋ ᒥᐧᓀᓂᑌᐣ ᐅᒪ ᐁ ᑭ ᐃᔑ ᐧᐃᒋᐃᒋᐠ ᐁᐧᑲᓂ ᒪᑲ ᓀᐢᑕ ᓂᓇ ᑫᑐᑕᒪᐣ ᐊᐧᐁᓂᑲᐣ ᑫ ᐊᑎ ᐧᐃᒋᐊᐸᑎᓯᒪᐠ᙮

ᐊᐧᐁᓂᑲᓇᐠ ᑲ ᑭ ᐧᐃᒋ ᐊᐸᑎᓯᒪᑭᐠ ᓂ ᑭ ᑭᐢᑭᓄᐊᒪᐧᑲᐠ ᒥᐢᑕᐃ ᑫᐧᑲᐣ ᓂ ᑭ ᑭᐢᑫᓂᑌᐣ ᐅᑕ ᑲᑦᐱᐠ ᐊᓂᒪ ᐊᐸᑎᓯᐧᐃᐣ ᑲ ᑭᒥᓂᑲᐧᐃᔭᐣ᙮ ᓂ ᑭ ᑭᐢᑫᓂᑌᐣ ᑫ ᑐᑕᒪᐣ ᑲ ᐃᔑ ᑕᐧᐊᐢᐧᑲᑲᐃᑲᓂᐧᐊᐠ ᓀᐢᑕ ᐁ ᐅᓇᑯᑲᑕᔭᐣ ᑫᐧᑲᓇ ᑲ ᐃᓇᐸᑕᑭ ᑲ ᐯᐧᑲᑕᐃᑲᑲᓂᐧᐊᑭ᙮ ᐊᓂᒪ ᒪᑲ ᐁᓇᓇᑲᑕᐧᐁᓂᑕᒪᐣ ᑕᓀᑐᑕᑭᐠ ᐊᐣᑕ ᑲ ᐊᐸᑎᓯᒋᐠ ᓀᐢᑕ ᑕᐣᑌ ᐁᑐᑌᒋᐠ ᓇᓇᑲᐤ ᐱᑯ ᑫᐧᑲᐣ ᐁᓇᓇᑲᑕᐧᐁᓂᑕᒪᐣ᙮ ᓀᐢᑕ ᐁ ᐱᒋ ᐱᒣᔭᐣ ᓀᐢᑕ ᐁᑲᓯᓇᒪᐣ ᑫᐧᑲᓇ ᑲ ᐃᔑ ᑭᒋᐢᑕᐸᐅᓄᓇᓂᐧᐊᐠ ᓀᐢᑕ ᑲ ᐃᔑ ᒥᓯᓇᓂᐧᐊᐠ ᓀᐢᑕ ᐁ ᑭᐡᑭᔕᒪᐣ ᒪᐡᑯᔑᔭ ᓀᐢᑕ ᐁᐧᐁᐸᐊᑯᓀᔭᐣ ᑭᒋ ᒥᓄᓇᑯᓯᐟ ᐊᔓᐧᑲᐣ ᑲ ᐃᔑ ᐱᒧᑕᓂᐧᐊᐠ᙮ ᓀᐢᑕ ᑲ ᐃᔑ ᒣᑕᐧᐊᓂᐧᐊᐠ ᐱᑐᐧᑲᒥᐠ ᐧᑲᔭᐢᐠ ᑭᒋ ᐃᔑᓇᐧᑲᐠ᙮ ᓂᑭᐢᑭᓄᐊᒪᓱᐣ ᓀᐣᑕ ᑭᒋ ᐊᔓᐸᓂᐧᑕᔭᐣ ᐱᒥᔭ ᓀᐢᑕ ᐁᐸᑭᑕᐢᐧᑲᐊᒪᐣ ᓇᓇᑲᐤ ᐱᑯ ᑫᐧᑲᐣ᙮ ᒥᓯᐧᐁ ᑫᐧᑲᐣ ᒥᓄᐸᓂᐤ᙮

ᑭᐢᑭᓄᐊᒪᑫᔭᓀ ᒪᐧᐊᐨ ᓂᐢᑕᑦ ᑫ ᑭᐢᑭᓄᐊᒪᑫᔭᐣ ᐁᑲ ᐊᐧᐁᓇ ᑭᒋ ᐧᐊᓂᑐᑕᑯᐟ ᑫᐧᑲᓂᐤ᙮ ᔕᑯᐨ ᐊᔕᔾ ᐁ ᑭ ᑭᐢᑭᓄᐊᒪᑲᐧᐃᔭᐣ ᐁ ᑐᒋᑲᑌᐠ ᐊᐧᑲᒥᓯᐧᐃᐣ ᐅᒋ᙮ ᑕᔑᓀ ᒪᓯᓇᐃᑲᑌᐤ ᑫᐧᑲᐣ ᑲᓇᓂᓴᓀᓂᑕᐧᑲᐠ ᒣᐧᑲᐨ ᐁ ᐊᐸᑎᓯᓇᓂᐧᐊᐠ ᓀᐢᑕ ᐁᑯᑕ ᐧᐁᒋ ᓇᓇᑲᒋᑕᔭᐣ ᐁ ᑲᓇᐧᐊᐸᑕᒪᐣ ᑲ ᑭ ᐃᔑ ᒪᓯᓇᐊᒪᐣ᙮ ᑕᔑᓀ ᓇᓇᑲᒋᑕᓂᐧᐊᐣ ᑫᐧᑲᐣ ᓀᐢᑕ ᐧᑲᔭᐢᐠ ᑭᓇᓇᑲᒋᑕᐣ ᐁᐣᑐᑕᒪᐣ᙮ ᑕᐧᐁᓂᒋᑲᑌᐤ ᐱᑯ ᐊᐧᐁᓇ ᑭᒋ ᒥᓄᐸᓂᐟ ᒥᓇ ᑭᒋ ᑭᐧᐊᐸᒪᐟ ᐅᐯᑯᑌᐧᐃᓯᒪ ᑭᐧᐁᑌ ᐃᐢᐱ ᐁᐧᑲᓂ ᑲ ᐅᒋ ᐅᒪ ᑐᒋᑲᑌᐠ᙮