ᐁᑭᑭᓄᒪᑯᔭᓐ ᐅᐅᐌ ᓄᑯᒻ ᑲᑭᔑᑲᒃ ᒥᓇ ᐗᐸᒃ

ᐳᕋᓐᑕᓐ ᑲᒥᓉᓂᒪᒡ ᑭᒋᐅᑕᐸᓇᓐ ᑲᒧᓇᐦᐃᑫᓂᒡ

ᓂᓐ ᐳᕋᓐᑕᓐ ᒑᒻ, ᑲᐯᔑᐎᓂᒃ ᑲᐗᐎᒋᑐᒡ

ᓂᑕᒻ ᑭᓀᑕᓇᐸᓐ ᒋᐅᑕᐱᓇᒪᓐ ᑭᒋᐅᑕᐸᓇᒃ ᒋᐱᒥᐱᓱᔭᓐ ᓂᓱᐊᐦᑭᐎᓐ ᐅᑕᓇᒃ᙮ ᐊᐱ ᐁᑭᓂᑯᔭᓐ ᒋᒪᒋᑕᔭᓐ ᑲᐃᓯᓭᑭᐸᒻ ᓯᑌᒻᐳᕐ 2018, ᑭᑭᒋᓀᑕᓐ ᒥᓇ ᑭᑯᑕᑌᑕᓐ᙮

ᑭᐅᑕᐱᓇᓐ ᑲᓂᓯᐗᒡ ᑭᒋᐅᑕᐸᓇᒃ ᑭᑭᓄᒪᑫᐎᓐ ᒋᑭᑭᓄᒪᑯᔭᓐ ᒋᓂᑕᐱᒥᐱᓱᔭᓐ ᑲᒪᑭᓯᑌᒡ ᐅᑕᐸᓐ ᑲᒧᓇᐦᐃᑫᒡ, ᑲᐸᔥᑾᐦᐃᑫᒡ ᒥᓇ ᑲᒧᓇᐦᐃᑫᒡ ᑭᒋᐅᑕᐸᓐ (ᑲᒥᓉᓂᒪᒃ)᙮ ᑲᑭᓇ ᑭᒋᐅᑕᐸᓇᒃ ᐎᒋᐦᐃᐌᐗᒃ ᑲᒥᔕᑭᓐ ᐊᓄᑭᐎᓇᓐ ᐎᐸᒡ ᐁᑭᔑᒋᑲᑌᑭᓐ ᒥᓇ ᐁᑭᑫᑕᒪᓐ ᑫᑐᑕᐗᒃ ᒋᐱᒥᐱᓱᔭᓐ ᑭᒋᐅᑕᐸᓐ ᒋᐎᒋᐦᐃᐌᔭᓐ ᐅᐅᒪ ᑕᓄᑭᐎᓂᒃ ᑲᓄᑭᔭᓐ Noront.

ᑲᑭᑕᔑᑭᑭᓄᒪᑯᔭᓐ ᐃᐃᒪ Taranis Training ᐃᐃᒪ ᐊᑯᒋᒃ ᑕᓐᑐᕐ ᐯ᙮ ᓂᔭᓄᑕᐗᑌ ᒥᓂᑯᒃ, ᐊᐱᑕᐎᑭᔑᑲ ᐱᓐᑎᑲᒥᒃ ᑭᑕᔑᑭᑭᓄᒪᑯ ᐊᓐᑾᒥᓯᐎᓇᓐ, ᐁᐸᒥᐦᐊᑲᓀᒡ ᑭᒋᐅᑕᐸᓇᒃ ᒥᓇ ᑫᑐᑕᐗᑲᓀᒡ ᒋᐱᒥᐱᓱᓇᓂᐗᒃ ᒥᓇ ᐊᐱᑕᐎᑭᔑᑲ ᐁᑭᐸᐸᒥᐱᓱᔭᒃ᙮ ᑲᐱᒥᐱᓱᓇᓂᐗᒃ ᑭᒋᐅᑕᐸᓇᒃ ᒥᓉᑕᑯᓐ ᒥᓇ ᐁᑭᒋ ᐊᔑᔥᑭᐗᒃ!

ᐃᐃᐌ ᑭᑭᓄᒪᑫᐎᓐ, ᑲᑭᑭᑭᓄᒪᑫᒡ ᐅᑭᓇᑕᐌᓂᒪᓐ ᑲᑭᓇ ᑲᑭᑭᓄᒪᐗᒡ ᒋᑭᔑᑐᐗᒡ ᑲᐃᓇᓄᓇᑲᓀᐗᒡ ᐃᐃᒪ ᑭᒋᐅᑕᐸᓂᒃ, ᑎᓄᑲ

ᓐ ᒋᒧᓇᐦᐃᑫᔭᓐ ᑫᐃᔑᐊᑌᑭᓐ ᐱᐗᐱᑯᓐ ᒋᐊᐸᒋᐦᐊᓐ ᑲᒧᓇᐦᐃᑫᒡ ᑭᒋᐅᑕᐸᓐ᙮ ᑭᑭᑭᓄᒪᑯᒥᓐ ᒋᐊᓐᑾᒥᓯᔭᒃ ᑲᐯᔑ ᒋᑭᑭᔥᑲᒪᒃ ᑲᒪᔥᑲᐗᒡ ᐊᓇᑾᓇᓐ, ᑲᒪᓯᓇᐎᓯᒡ ᑭᑭᔥᑲᒋᑲᓇᓐ ᒥᓇ ᑲᒪᔥᑲᐗᑭᓐ ᒪᑭᓯᓇᓐ ᒣᑾᒡ ᑲᐱᒥᐱᓱᔭᓐ ᑭᒋᐅᑕᐸᓇᒃ, ᒥᓇ ᒋᑭᑭᔥᑲᒪᓂᓐ ᑭᔥᑭᔑᑯᑲᓇᓐ ᒥᓇ ᒥᒋᑲᐗᓇᒃ ᑲᑭᓯᓂᑲᑌᑭᓐ ᑲᐃᔑᐱᒪᑐᒡ ᑭᒋᐅᑕᐸᓇᒃ᙮ ᑭᑭᑭᓄᒪᑯᒥᓐ ᒥᓇ ᒋᐸᒥᐦᐊᔭᒃ ᑭᒋᐅᑕᐸᓇᒃ ᑲᐃᔑᑐᑐᑭᒡ ᒋᐳᓯᓂᑲᑌᑭᓐ, ᒋᑭᓯᓂᑲᑌᒃ ᑲᐃᔑᐱᒪᑐᒡ ᐊᔑᔥᑭᓂ ᒥᓇ ᒋᑭᐸᑯᓂᑲᑌᒃ ᑭᒋᐅᑕᐸᓐ ᑲᐅᓐᒋᒪᒋᐱᓱᒡ ᐊᐱ ᐃᔥᑾ ᐊᐸᒋᐦᐊᑲᓀᒡ ᑭᔑᑲᒃ᙮

ᐊᐱ ᑲᒪᒋᑕᔭᐸᓐ, ᑭᒋᐅᑕᐸᓐ ᑲᒧᓇᐦᐃᑫᒡ ᑭᓴᓇᑭᓯ ᒋᐱᒥᐱᓱᔭᓐ, ᔕᑯᒡ ᑲᓂᑲᑴᒋᔭᓐ ᑭᐊᓂᐌᒋᐦᐊ᙮ ᓂᒥᓉᑕᓐ ᐁᑭᐅᑕᐱᓇᒪᓐ ᐃᐃᐌ ᑭᒋᐅᑕᐸᓐ ᑭᑭᓄᒪᑯᐎᓐ᙮ ᓄᑯᒻ ᐃᐃᒪ ᑕᔭᓐ ᐁᔑᐅᔑᐱᐦᐃᑲᑌᒃ ᑲᐃᓇᓄᑭᔭᓐ ᒋᐊᓂᐊᐸᒋᑐᔭᓐ ᓂᑲᓐ ᒥᓇ ᐁᑭᑫᑕᒪᓇᓐ᙮ ᑲᑭ ᐃᑭᑦ ᒋᑭᑐᑕᒃ ᔭᐎᔭ ᑭᔥᐱᓐ ᐎᓂᑕᐱᒥᐱᓱᒡ ᑭᒋᐅᑕᐸᓇᓐ᙮ ᒥᐦᐅᐌ ᐊᓄᑭᐎᓐ ᒋᓇᑕᐌᑕᑯᒃ ᐊᐱ ᑭᔑᒋᑲᑌᒃ ᓄᑕᓯᓂᑫᐎᑲᒥᒃ ᐅᐅᒪ Noront ᒥᑭᓯᐤ ᐗᓴᓴᓐ ᒪᒋᑕᐎᓐ᙮ ᐊᐱ ᐸᑭᓂᑲᑌᒃ ᓄᑕᓯᓂᑫᐎᑲᒥᒃ, ᓂᑎᓀᑕᓐ ᒋᐱᒥᐱᓱᔭᓐ ᑭᒋᐅᑕᐸᓐ ᐅᐅᒪ ᐅᑭᑕᑲᒥᒃ᙮