ᐊᓄᑭᓇᑲᐣ ᐅᑎᐸᒋᒧᐏᐣ – ᐃᓛᔭᔅ ᐗᐱᑎᑾᓐ

ᐃᔑᓂᑲᓱᐎᐣ:
ᐃᓛᔭᔅ ᐗᐱᑎᑾᓐ

ᐃᐡᑯᓂᑲᐣ:
ᐌᐱᑴ ᐃᔥᑯᓂᑲᓂᒃ

ᑭᑕᓄᑭᐎᐣ:
ᑲᐯᔑᐎᓂᒃ ᑲᐗᐎᒋᑐᒡ

ᐊᓂᓐ ᐁᔑᓇᑯᒃ ᐃᐃᐌ ᐯᔑᑾ ᑲᑭᔑᑲᓂᑐᔭᓐ?

ᐁᔥᑲᒻ, ᓂᐗᓂᔥᑲ ᐁᑲᒪᓯ ᑲᐱᒧᑲᐦᐊᒃ ᒥᓇ ᑕᓐᑌ ᑾᐱᒥᓂᑴ ᒥᓇ ᑭᔐᐸᓀᑴ᙮ ᓂᐗᐸᒪᒃ ᑲᓄᑭᐗᒡ ᐃᐃᒪ ᑲᐃᔑᒪᐗᒋᐦᐃᑎᓇᓂᐗᒃ ᒋᐎᑕᒪᑯᔭᒃ ᑫᑐᑕᒪᒃ ᒥᓇ ᐊᓐᑾᒥᓯᐎᓇᓐ ᒥᓇ ᐁᓂᑐᑕᒪᒃ ᒋᔕᑲᔥᑭᓀᐱᐦᐊᒪᒃ ᐃᐃᐌ FKRA (ᓄᐱᒪᑲᒥᒃ ᑲᐃᓇᒋᑲᑌᒃ ᐊᓐᑾᒥᓯᐎᓇᓐ ᑲᓇᑲᐃᒡᒋᑲᑌᑭᓐ) ᒪᓯᓇᐦᐃᑲᓐ᙮ ᒥᓇ ᑕᓂᒪᑕᓄᑭᒥᓐ᙮ ᐅᐅᐌ ᑲᐯᔑᐎᓂᒃ ᑲᐎᒋᑐᔭᓐ, ᐃᐃᐌ ᑭᔑᑲᒻ ᐃᔑᓇᑯᒃ ᒥᔑᓐ ᑫᑯᓇᓐ ᐁᑐᑕᒪᓇᓐ ᑲᓇᑕᐌᒋᑲᑌᒃ ᒋᑭᑐᒋᑲᑌᑭᓐ᙮ ᐃᐃᐌ ᑕᓄᑭᐎᓂᓇᓐ ᑎᓄᑲᓐ ᒋᒧᔥᑲᐦᐅᑐᔭᒃ ᑲᐱᒥᐱᑌᑭᓐ ᑲᐅᓐᒋᐗᓴᑯᓀᒋᑲᓂᐗᒃ, ᑲᑭᔑᐸᔭᑯᐱᔦᑭᓐ ᐁᐎᒋᑐᔭᒃ, ᐁᐸᒥᐦᐊᑲᓀᐗᒡ ᐅᑕᐸᓀᓴᒃ ᒥᓇ ᑭᒋᐅᑕᐸᓇᒃ, ᐁᑭᓯᓂᑫᔭᒃ ᐗᑲᐦᐃᑲᓇᓐ, ᐁᐌᐸᐦᐊᑯᓀᔭᒃ ᑲᐃᔑᐱᒧᓴᓂᐗᒃ, ᐁᒐᑭᓴᒪᑭᓐ ᐯᐸᓄᓐ ᑲᐃᔑᒐᑭᓯᑲᓂᐗᒃ ᒥᓇ ᑯᑕᑭᔭᓐ ᑫᑯᓇᓐ᙮

ᒣᑾᒡ ᑲᐱᐳᒃ, ᓂᓇᑲᒋᐦᐊᒥᓐ ᒥᑯᒻ ᒥᓇ ᐊᐱ ᓂᓱᒥᓯᑦ ᐁᐱᑕᑌᓯᒡ ᒥᑯᒻ, ᑐᔑᑐᒥᓐ ᑫᐃᔑᐳᓂᒪᑲᒃ ᐃᐃᒪ ᑯᐳᕐ ᓴᑲᐦᐃᑲᓂᒃ ᐁᐸᔥᑾᐦᐊᒪᒃ ᑫᐃᔑᐳᓂᒪᑲᑭᓐ ᐱᒥᓭᐎᓇᓐ᙮ ᐊᐱ ᑲᑕᑯᐎᑌᑭᓐ ᐗᓯᑲᓂᐱᒥᑌᓐ, ᓂᐎᑕᓄᑭᒥᑎᒥᓐ ᑾᔭᒃ ᒋᐊᒋᑲᑌᑭᓐ ᐗᓯᑲᓂᐱᒥᑌ ᐊᓯᐗᒋᑲᓇᓐ ᐃᐃᒪ ᐁᑲ ᒋᒪᒋᐊᔑᑲᐎᑭᓐ᙮

ᐅᐅᐌ ᑲᐎᓐ ᓂᑕᒻ ᑭᑕᓄᑭᐎᓐ ᐅᐅᒪ Noront, ᐁᑯᓀᓐ ᐌᓐᒋ ᑭᐱᑭᐌᔥᑲᔭᓐ ᐅᐅᒪ?

ᓂᒥᓉᑕᓐ ᐁᑕᔑᐊᓄᑭᔭᓐ ᑲᐃᔑᒥᓉᑕᑯᒃ ᐁᒥᓉᓂᒪᑾ ᑲᐎᑕᓄᑭᒪᑾ ᒥᓇ ᐁᓂᑭᑫᑕᒪᓇᓐ ᐅᔥᑭ ᑫᑯᓇᓐ᙮ ᐅᐅᒪ Noront, ᑭᑫᑕᓇᓐ ᐅᔥᑭᑫᑯᓇᓐ ᐁᑕᓱᑭᔑᑲᒃ᙮ ᐁᑌᐺᔭᓐ ᐅᐅᐌ, ᐁᔅᑯᕐ ᑲᐯᔑᐎᓐ ᓂᒥᓉᑕᓐ ᐅᐅᒪ ᐁᑕᓇᓄᑭᔭᓐ ᐊᓂᔥ ᒥᓉᑕᑯᓯᐗᒃ ᑲᐎᑕᓄᑭᒪᑾ, ᐁᐯᔑᓇᑯᒃ ᒥᓇ ᑲᐅᓐᒋᔭᓐ ᐌᐱᑴ ᒥᓇ ᒪᐗᒡ ᐁᒥᓄᒋᑫᔭᓐ ᒥᒋᒪᓐ — ᑲᐎᓐ ᑲᐗᓂᑫᓯᓐ ᐅᐅᐌ ᒋᐎᑕᒪᓐ!

ᑫᑯᓇ ᑭᑕᔭᓐ ᒋᑭᐎᑕᒪᓐ ᐅᐅᐌ ᐅᓐᒋ ᑭᑕᓄᑭᐎᓐ?

ᐁᐦᐊ, ᐃᐃᐌ ᑲᐃᑭᑦ ᒋᐅᑕᐱᓇᒪᓱᔭᓐ ᓄᑕᓯᓂᑫᐎᓐ ᑭᑭᓄᒪᑫᐎᓇᓐ ᑲᑐᑕᒧᐗᒡ ᓂᔑᓇᐯ ᑭᑭᓄᒪᑫᐎᑲᒥᒃ (NEAT)᙮ ᒋᑲᔥᑭᑐᔭᓐ ᒋᓀᓂᒥᑎᓱᔭᓐ ᒥᓇ ᒋᑲᓇᐗᐸᑕᒪᓐ ᑲᐎᔑᒪᒋᑕᔭᓐ ᑭᑕᓄᑭᐎᓐ᙮ ᑭᑭᔑᑐᓇᓐ ᓂᔑᓐ RoFATA ᑭᑭᓄᒪᑫᐎᓇᓐ ᑲᑭᐅᓐᒋᑐᒋᑲᑌᑭᓐ ᐃᐃᒪ KKETS. ᒥᓇ ᑭᑐᑕᓇᓐ ᒥᑎᑯᓇᐯᐎᓐ ᑭᑭᓄᒪᑫᐎᓐ ᐌᑎᓀᑫ ᐎᓂᐯᒃ ᐯᔑᑯᐊᐦᑭᐎᓐ ᒣᑾᒡ 2012 ᒥᓇ ᐅᐅᐌ ᑲᑭᓂᐱᒃ ᑭᑐᑕᓐ ᑭᒋᐅᑕᐸᓇᒃ ᐁᑭᑭᑭᓄᒪᑯᔭᓐ 3 ᑭᓯᓱᑲ ᒥᓂᑯᒃ ᐃᐃᒪ ᑕᓐᑐᕐ ᐯ, ᐅᓐᑌᕆᔪ᙮

ᐊᓂᓐ ᐁᔑᐗᐸᑕᒪᓐ ᑭᓂᑲᓂᒥᒃ ᐅᐅᐌ Noront ᑲᓂᒪᒋᑐᒡ ᒋᐊᓄᑭᒪᑲᒃ ᓄᑕᓯᓂᑫᐎᑲᒥᒃ?

ᑲᑲᑴᑌᐱᓇᒪᓐ ᒋᐊᓄᑭᔭᓐ ᐅᐅᒪ ᑲᐃᔑᑭᓂᑾᓇᑌᒃ ᐃᔥᑯᑌᐎ ᐊᐦᑭᒃ ᒥᓇ ᒋᐎᒋᐦᐊᒃ Noront ᐅᐅᐌ ᑲᐯᔑᐎᓐ ᒋᒥᓄᐱᒧᓭᒪᑲᒃ᙮ ᓂᐎᑐᑕᓐ ᑕᓄᑭᐎᓐ ᐅᐅᒪ ᑲᐯᔑᐎᓂᒃ ᐊᓄᑭᓇᑲᓐ ᒥᓇ ᒋᑲᔥᑭᐦᐅᔭᓐ ᒋᓂᑲᓂᔥᑲᐗᑾ ᐊᓄᑭᓇᑲᓇᒃ᙮

ᑯᑕᒃ ᐃᓇ ᑫᑯᓐ ᑭᐎᐎᑕᓐ?

ᐃᐃᐌ ᑲᐃᑭᑦ, ᑲᐯ ᒋᒥᓄᓭᒃ ᑭᑎᔑᔭᐎᓐ᙮ ᒋᑭᑫᑕᒪᓐ ᒋᐱᑐᔭᓂᓐ ᐃᐃᒪ ᑲᐯᔑᐎᓂᒃ ᒋᐊᐸᒋᑐᔭᓐ ᒣᑾᒡ ᑲᐃᓯᓭᒃ ᑲᑲᓄᑭᔭᓐ᙮ ᓂᒥᓉᑕᓇᓐ ᐱᐗᐱᑯᓐ ᑲ ᐊᐸᒋᑐᔭᓇᓐ ᒥᓇ ᐁᐱᓯᑕᒪᓐ ᓂᑲᒧᐎᓇᓐ᙮ ᓂᒥᓉᑕᓐ ᒥᓇ ᐁᑲᑴᒋᔭᓐ, ᒥᓇ ᓂᒥᓉᑕᓐ ᒋᐅᔑᒋᑲᑌᒃ ᑲᑴᒋᐎᑲᒥᒃ᙮ ᒥᑴᒡ ᑲᑭᓇ ᔭᐎᔭ ᑲ ᐊᑭᑕᒃ ᐅᐅᐌ ᑎᐸᒋᒧᐎᓐ᙮ ᑭᑭᒥᓉᑕᓇᐗ ᒪᐎᓐ!