ᑭᒋ ᒪᓂᐱᒋᑲᓐ, ᑲᐊᑲᒋᐱᒥᑴᒡ

ᔭᐦᐊ  ᐊᓚᓐ  ᑯᑦᔅ, ᑲᓂᑲᓂᓯᒡ  ᐅᑭᒪ  ᐁᑯ  ᓯᐃᐅ

ᑲᑭᐱᐃᓯᓭᑯᐸᓐ ᓄᕐᐊᓐᑦ  ᐅᑭᐊᓐᑐᑲᑴᒋᒪᓐ  ᐊᓂᔑᓂᐯᒃ  ᐁᑯ  ᑯᑕᑭᔭᒃ  ᑲᑎᐯᓐᒋᑫᐗᒡ  ᔭᐦᐃ ᑲᐎᐃᓇᓄᑭᔦᓐᒃ  ᐅᐦᐅᒪ  ᒥᑭᓯ  ᐅᐗᓯᓴᓂᒃ  ᐊᓯᓂᑫᐎᓂᒃ, ᒥᔑᓐ  ᐊᐎᔭᒃ  ᐅᑭᐸᑯᓭᓐᑕᓇᐗ  ᐁᑯ  ᐁᒥᔕᒃ  ᐊᑭ  ᑲᐎᔑᐊᓄᑭᔦᓐᒃ  ᒋᒪᒋᓭᒃ  ᐃᐦᐃᒪ  ᐊᑭᓐᒃ.

ᒥᑭᓯ ᐅᐗᓯᓴᓐ ᐊᐸᒋᑕᐎᓐ ᐅᔑᒋᑲᓇᓐ ᑭᔑᑌᐱᓭᒃ ᔭᐦᐃᒃ ᑲᓂᓯᓴᑭᒋᓭᒃ ᑲᔑᐱᒪᑎᓇᒃ ᑲᐯᔑᐎᓂᒃ

ᒥᐦᐃᐌᑕᔥ  ᐅᐸᑯᓭᓐᑕᒧᐎᓂᐗ  ᑭᓇᑴᑕᓐ, ᓄᕐᐊᓐᑦ  ᐅᔑᒋᑫᐎᓂᐗᒃ  ᐁᐅᔥᑲᒪᒋᑐᐗᒡ  ᐊᓄᑭᐎᓐ  ᑫᐱᒥᓂᔐᐦᐃᑲᑌᒃ  ᐁᑯ  ᒋᒪᒋᓭᒃ  ᐊᑭ  ᑲᐎᔑᐊᓄᑭᔦᓐᒃ  ᒥᑕᔥ  ᐁᔑᐸᑯᓭᑕᒣᓐᒃ  ᒋᐊᑲᒋᓐᒃ  ᑲᐎᔑᑐᑭᓇᒣᒃ  ᐊᑭ  ᑫᒪ  “ᑲᔑᐱᒥᑴᐗᒡ”.

ᔭᐦᐃ  ᓂᑕᒻ  ᑲᐃᓀᓐᒋᑲᑌᑯᐸᓀᓐ  ᑲᒥᔕᒃ  ᐗᓂᐦᐃᑲᓐ  ᐁᑯ  ᑲᒧᓇᐦᐊᑲᑌᑭᓐ  ᐊᓯᓂᒃ  ᑭᐱᑯᔑᒪᑲᑫᐗᒡ, ᒥᑕᔥ  ᐁᐸᑯᓭᓐᑕᒣᒃ  ᐊᓇᒪᑲᒥᒃ  ᒋᑕᔑᐊᓯᓂᑫᐎᓂᑭᔦᒃ. ᐁᑯᑕᔥ  ᑕᑯ  ᑭᐅᓐᒋᑐᒥᓐ  ᐅᓇᑭᐎ  ᒪᓯᓂᐦᐃᑲᓂᔅ  ᐁᑯ  ᒋᐅᓴᒥ  ᑐᑭᓂᑲᑌᒃ  ᐃᑭᑎ  ᐊᑭ  ᔕᑯᒡ  ᑕᑾᒡ  ᐊᓇᒥᑲᒥᒃ  ᒋᔑᐊᓯᓂᑫᐎ  ᒧᓀᐦᐃᑫᔦᓐᒃ, ᐁᑯ  ᑲᑭᒧᓇᐦᐊᒣᒃ  ᑲᑭᐌᐊᑐᒥᓐ  ᑲᑭᐅᓐᑎᓇᒥᒃ  ᑕᑯ.  ᒣᔥᑯ  ᑲᐎᓂᓐ  ᑫᑯᓐ  ᑕᐊᑌᓯᓐ  ᐅᑭᑎ  ᐊᑭᓐᒃ  ᐁᑯ  ᑕᑯ  ᑲᐅᑕᐱᓇᒥᒃ  ᐃᐦᐃᒪ  ᐊᑭᓐᒃ.

ᐁᑯᑕᔥ  ᑲᑭᑫᓐᑕᑾᒃ, ᑲᐊᓄᑭᑕᒪᑯᔦᒃ ᐊᔕᔾ  ᐁᑭᑭᒋᐊᓄᑭᐗᒡ  ᒣᔥᑯᒡ  ᒋᒥᓄᓭᒃ  ᒥᑭᓯ  ᐅᐗᓯᓴᓐ  ᐊᓯᓂᑭᐎᑲᒥᑯᒃ  ᒋᑌᐱᓭᒃ  ᔭᐦᐃᒃ  ᑲᐎᔑᐊᒋᑲᑌᒃ  ᑲᔑᐱᒪᑎᓇᒃ  ᑲᐯᔑᐎᓂᒃ  ᒥᑕᔥ  ᑲᐱᑴᓐᑕᑯᒃ  ᑲᐱᒥᑴᒡ ᓂᓱᒥᑕᓇᔑᑯᑡᓯ  ᐊᐱᑾ  ᐊᑭ  ᑲᔑᑎᐯᓐᒋᑲᑌᒃ  (ᑴᑭᑭᓇᓐ  ᐅᔑᐱᐦᐃᑲᓐ  ᐎᓐᑕᒪᑫᐎᓐ  ᑲᑕᑯᓭᒃ). ᒥᑕᔥ  ᑲᐊᑭᒋᑲᑌᒃ  ᑲᑭᑫᓐᑕᑾᒃ, ᐅᑯᑭ  ᑕᔑᑫᐎᓐ  ᐁᐱᒋᓭᒃ  ᓂᐒᒥᑕᓇᔑᓴᑲᓯ  ᐊᐱᑾ  ᐊᑭ  ᑲᔑᑎᐯᓐᒋᑲᑌᒃ  ᐁᑯ  ᐌᐱᑴ  ᑲᐱᒥᑴᒡ  ᑲᐱᑾᒃ  ᓂᔭᓄᒥᑕᓇ  ᐊᐱᑾ  ᐊᑭ  ᑲᔑᑎᐯᓐᒋᑲᑌᒃ.

ᐎᓐᑫ  ᑲᒥᓇᐗᔑᒃ  ᐁᑯ  ᐊᑭ  ᐱᒪᑎᓯᐎᓂᒃ  ᑲᓄᑫᓐᑕᑾᒃ  ᓀᑫᐦᐃ  ᑎᓄᑲᓐ  ᒐᔾᒻᔅ  ᐯᔾ  ᔕᐗᓄᒃ, ᐌᑎ  ᑭᒋᐱᐗᐱᑯᑲᓂᓐᒃ  ᑲᔑᐊᑌᒃ, ᐁᑭᒋᓀᓐᒋᑲᑌᒃ  ᐁᑯ  ᒋᐅᓴᒥᑐᒋᑲᑌᒃ  ᐁᑲ  ᒋᒪᒋᓭᒃ  ᐊᓄᑭᐎᓂᒃ  ᑕᑯᑕᔥ  ᐊᑭᓐᒃ.  ᒥᑕᔥ  ᑎᓄᑲᓐ  ᐅᐦᐅᐌ  ᑲᑐᑕᒣᓐᒃ  ᓄᕐᐊᓐᑦ  ᑲᐱᒋᑭᓀᓐᑕᒥᔦᒃ  ᐊᑭ  ᐁᑯ  ᑲᐎᑕᓄᑭᒪᔦᒃ  ᑕᔑᑫᐎᓇᓐ  ᑕᑯ  ᑲᓇᓐᑕᐗᐸᑕᒣᒃ  ᑭᐅᓐᒋᒥᓄᓭᒃ  ᐎᑕᓄᑭᒥᑐᐎᓇᓐ  ᐊᓂᓐ  ᑭᓂᔑᒥᓄᓭᒃ  ᐊᓐᑭᐎ  ᐱᒧᐎᒋᑫᐎᓐ  ᓄᑯᒻ  ᑭᓂᑎᐗᑌᒃ  ᓂᔑᑕᓇᔑᐯᔑᑾᒃ  ᐱᐳᓄᒃ

ᐅᐦᐅᒪ ᐃᔑᓇᑴᑕᓐ