ᑲᑕᓇᓄᑭᓇᓂᐗᒃ ᒥᓄᔭᐎᓐ ᐅᐅᒪ ᐁᔅᑯᕐ ᑲᐯᔑᐎᓂᒃ

ᓂᓐ ᐱᐁᑯ ᐌᓐᔅᑐᕈᒻ

ᐳᕋᓐᑕᓐ, ᐱᐁᑯ ᒥᓇ ᐹᕐᑉ ᓂᐸᐎᐗᒃ ᐊᑯᒋᒃ ᐃᐃᒪ ᐅᑕᒥᓄᐎᑲᒥᑯᒃ

ᐃᔑᑭᑫᒋᑲᑌ ᐃᑭᐌᓂᐗᒃ ᐁᒧᓄᔭᐗᒡ ᐊᓄᑭᓇᑲᓇᒃ ᒪᐗᒡ ᐊᓐᑾᒥᓯᐗᒃ ᐊᓄᑭᓇᑲᓇᒃ᙮ ᒣᑾᒡ 2018 Noront ᑭ ᑭᒋᐊᓄᑭ ᒋᒪᒥᓄᓯᑐᒡ ᒥᓄᔭᐎᓐ & ᐊᓐᑾᒥᓯᐎᓐ ᑐᑕᒧᐎᓇᓐ ᒥᓇ ᐁᑭᐗᐸᒋᑲᑌᒃ 70% ᒥᓂᑯᒃ ᐁᑭᑕᐸᓯᓂᑲᑌᒃ TRIFR (ᒪᒪᐤ ᑲᐅᔑᐱᐦᐃᑲᑌᑭᓐ ᐃᓯᓭᐎᓇᓐ ᑲᐃᓯᓭᑭᓐ ᐊᑭᒋᑫᐎᓐ)

ᑲᐃᑭᑐᓇᓂᐗᒃ, ᒣᑾᒡ 2018 ᐊᐊᐌ Noront ᐊᓄᑭᓇᑲᓐ ᑭ ᐃᓯᓭᓂ 4 ᑕᔀ ᐁᑲ ᒋᑭᓯᓭᒡ ᑲᐅᔑᐱᐦᐃᑲᑌᑭᓐ ᐱᒋᑐᑕᓱᐎᓇᓐ ᐃᐃᐌ ᒣᑾᒡ ᑲᑭᒋᐊᓄᑭᒡ ᒥᓇ ᐁᑭᒋᓀᑕᒧᐗᒡ ᐁᑭᑎᐸᒋᒧᑕᐗᑲᓀᐗᒡ ᐃᑭᐌᓂᐗᒃ ᑲᓄᑭᐗᒡ ᐃᐃᒪ ᐁᔅᑯᕐ ᑲᐯᔑᐎᓂᒃ᙮ ᒣᑾᒡ 2019, ᑲᑲᓇᐗᐸᑕᒥᓐ ᐃᐃᐌ ᒥᓄᔭᐎᓐ ᑲᐱᒥᓇᑲᒋᒋᑲᑌᒃ ᐃᐃᐌ ᑲᒪᑕᓄᑭᐊᒋᑲᑌᒃ ᑲᐅᔑᑭᐅᓇᑌᒃ ᒥᓄᔭᐎᓇᓐ ᐱᒥᐎᒋᑫᐎᓐ᙮

ᐅᐅᐌ ᐱᒥᐎᒋᑫᐎᓐ ᑭᒪᒋᒋᑲᑌ ᒣᑾᒡ ᓄᐯᒻᐳᕐ 2018, ᐃᐃᐌ ᑲᑴᒋᐎᑲᒥᒃ ᐃᐃᒪ ᐁᔅᑯᕐ ᑲᐯᔑᐎᓂᒃ ᑲ ᐊᑌᑭᐸᓐ ᐁᑭᐊᒋᒋᑲᑌᒃ ᒪᑐᑲᓂᒃ ᐁᑭᔑᐎᒋᑲᑌᒃ ᐃᐃᒪ ᐗᑲᐦᐃᑲᓂᒃ᙮ ᐅᐅᐌ ᑲᑭᑐᒋᑲᑌᒃ ᑭᑭᒋᐊᓄᑭᓇᓂᐗᒃ ᒣᑾᒡ ᐁᐱᒪᓄᑭᐗᒡ ᐊᓄᑭᓇᑲᓇᒃ, ᔕᑯᒡ ᑭᒥᓄᓭ᙮ ᒣᑾᒡ ᑲᓄᑭᓇᓂᐗᒃ ᓂᔡ, ᑭᒧᓇᐦᐃᑲᓂᐗᓐ ᒥᓇ ᑭᒥᓄᒋᑲᑌ ᑫᐃᔑᐸᑕᑭᑌᒃ, ᐁᑭᑭᒋᑯᓂᑲᑌᒃ ᐊᓴᒥᓴᒃ ᒥᓇ ᐁᑭᐱᒪᐱᑫᒋᑲᑌᒃ ᐃᔥᑯᑌᐎᔭᑉ, ᐁᑭᐅᔑᒋᑲᑌᒃ ᑫᐃᔑᐱᒧᓴᓂᐗᒃ, ᐃᔥᑯᑌᑲᓐ ᐁᑭᐅᓇᓴᑲᓀᒡ ᒥᓇ ᐁᑭᔑᔓᐦᐃᑲᑌᒃ ᒧᒋᓴᑲᒃ᙮ ᐊᐱ ᑲᑭᑭᔑᒋᑲᑌᒃ ᑭᐱᑎᑫᐎᒋᑲᑌᐗᓐ ᑲᐃᔑᐱᒪᑐᓇᓂᐗᒃ, ᐱᒪᑾᐸᐦᐅᑎᓱᐎᓇᓐ ᑲᐃᔑᐊᑌᑭᐸᓂᓐ᙮

ᓄᑯᒻ ᑕᔭᒥᓐ ᐅᔥᑭᐗᑲᐦᐃᑲᓐ ᑫᑕᔑ ᑕᔑᑲᓂᐗᒃ, ᒥᓇ ᑲᐸᐱᑐᒥᓐ ᐃᓂᐌᓂᐗᓐ ᑲᑴᒋᐎᓇᓐ ᒋᐱᑕᑯᐎᑌᑭᓐ, ᑲᑯᓯᑯᑭᓐ, ᐊᐱᓯᒋᑲᓇᓐ, ᑌᓴᐱᐎᓐ ᑲᐃᔑᑲᑴᒋᓇᓂᐗᒃ, ᒋᓄᓱᑭᓴᑲᒃ ᒥᓇ ᒪᓯᓇᑌᓯᒋᑲᓐ᙮ ᒥᓇ ᑫᓂᑐᑕᒪᒃ ᒋᒪᒥᓄᒋᑲᑌᒃ ᑲᐃᓇᒋᑲᓂᐗᒃ ᐅᔥᑭᐊᐦᑭᐗᒃ, ᒥᓇ ᑫᓂᑲᓇᐗᐸᑕᒪᒃ ᐃᐃᐌ ᑾᔭᒃ ᓂᐸᐎᓐ ᐃᓯᓭᒃ ᒫᕐᒡ᙮ ᐃᐃᐌ ᑲᔭᔭᔭᓐ 6 ᑕᓱ ᐊᐦᑭᐎᓐ ᐅᐅᒪ Noront, ᓂᐗᐸᑕᓇᓐ ᐊᐗᔑᒣ ᐁᓂᐅᓇᒋᑲᓂᐗᒃ ᐊᓐᑾᒥᓯᐎᓇᓐ ᒥᓯᐌ ᒪᒋᑕᐎᓂᒃ᙮ ᓂᒥᓉᑕᓐ ᑲᐗᐸᑕᒪᓐ ᐃᓇᒋᑫᐎᓐ, ᒥᓄᔭᐎᓐ ᒥᓇ ᒋᒥᓄᔭᓂᐗᒃ ᑲᐃᓇᒋᑫᐗᒡ ᐅᑭᒪᒃ᙮ ᑲᑭᑭᑐᒡ ᐌᐃᓐ ᐱᓪᑎᔅ ᑾᔭᒃ ᐃᑭᑐᐎᓐ:

ᑲᒥᓋᔑᒃ ᒪᔥᑭᑭᐎᓇᓐ ᒥᓯᐌ, ᒥᓇ ᐁᑲ ᔭᐎᔭ ᒋᐊᓉᑕᒃ; ᐃᓂᐌᓂᐗᓐ ᑲᑭᔕᑌᒃ, ᓂᐱ, ᐊᑌᔑᓄᐎᓐ ᒥᓇ ᑲᐸᑭᑕᓇᒧᓇᓂᐗᒃ, ᑲᑲᑴᒋᓇᓂᐗᒃ ᒥᓇ ᑲᐃᓇᒋᑲᓂᐗᒃ ᙮᙮᙮ ᑎᔑᑌᐺᑕᓐ ᐅᐅᐌ ᒣᑾᒡ ᐁᑐᑕᒪᑭᓐ ᐅᐅᒪ ᐁᔅᑯᕐ ᑲᐯᔑᐎᓂᒃ᙮