ᑲᔑᐊᓄᑭᓇᓂᐗᒃ ᒥᓄᔭᐎᓐ ᔭᐦᐃᒃ ᑲᔑᐱᒪᑎᓇᒃ ᑲᐯᔑᐎᓐ

ᐯᕋᓐᑕᓐ, ᐱᑯ ᐁᑯ ᐸᕐᑉ ᑲᓂᐸᐎᐗᒡ ᐅᐦᐅ ᐅᔥᑭ ᑲᑴᒋᐎᑲᒥᒃ

ᔭᐦᐊ  ᐯᑯ  ᐌᓐᔅᑐᕐᒡ, ᑲᐯᔑᐎ  ᐅᑭᒪ

ᒥᐦᐃᐌ ᐁᐃᔑᑭᑫᓐᒋᑲᑌᒃ ᑲᒥᓄᔭᓂᐗᒃ ᑲᔑᐊᓄᑭᓇᓂᐗᒃ ᑕᑾᒡ ᐁᒥᓄᓭᒃ ᑲᐊᓐᑾᒥᓯᓇᓂᐗᒃ ᐊᓄᑭᐎᓂᒃ. ᐁᑯ 2018 ᓄᕐᐊᓐᑦ ᐅᑭᐯᐊᓄᑲᑕᓐ ᒋᒥᓄᓭᒃ ᒋᒥᓄᔭᓇᓂᐗᒃ ᐁᑯ ᒋᐊᓐᑾᒥᓯᓇᓂᐗᒃ ᐊᓄᑭᐎᓂᒃ ᐁᑯ ᑭᐊᐱᒋᓂᓯᓭ 74% ᔭᐦᐃᓐᒃ TRIFR (ᑲᓇᓇᑲᒋᒋᑲᑌᒃ ᐃᓯᓭᐎᓇᓐ ᑲᐱᑯᓭᒃ ᑲᐊᑭᒋᑲᑌᒃ)

ᐁᑯᑕᔥ, 2018 ᓄᕐᐊᓐᑦ  ᐊᓄᑭᓇᑲᓐ  ᑫᑲᑦ ᓂᐗ  ᑕᔅᐗ  ᑭᑫᓐᒋᑲᑌ  ᒋᐎᓴᑭᔑᒃ  ᑕᐱᔥᑯᒡ  ᐱᑯ  ᑲᐅᓴᒥᐊᓄᑭᒡ ᐁᑯ  ᑲᐅᓴᒣᓐᑕᒃ  ᐊᑕᓄᑭᐎᓂᒃ  ᔭᐦᐃᒃ  ᑲᔑᐱᒪᑎᓇᒃ  ᑲᐯᔑᐎᓂᒃ.  ᔭᐦᐃᓐᒃ  2019, ᓂᐸᑯᓭᓐᑕᒥᓐ  ᒋᒥᓄᔭᐎᓂᒃ  ᒋᑲᓇᐗᐸᓐᒋᑲᑌᒃ  ᐊᓄᑭᐎᓂᒃ  ᐊᓂᐅᔥᑭᒪᒋᒋᑲᑌᒃ  ᒥᓄᐱᒪᑎᓯᐎᓐ  ᑫᐱᒥᓂᔐᐦᐃᑲᑌᒃ.

ᑲᐎᐱᒥᓂᔐᐦᐃᑲᑌᒃ  ᑭᑲᑴᒋᒋᑲᑌᐸᓐ  ᐸᔥᑲᑯᑎᓄ  ᑭᓯᔅ  2018, ᒥᐦᐃᒪ  ᐊᐱ  ᑲᑴᒋᐎᑲᒥᒃ  ᔭᐦᐃᒃ  ᑲᔑᐱᒪᑎᓇᒃ  ᑲᐯᔑᐎᓂᒃ  ᑲᑭᐊᓐᒋᒋᑲᑌᒃ  ᓂᑕᒻ  ᒪᑐᑲᓀᓯᒃ  ᑲᔑᐊᑎᑭᐸᓐ  ᔭᐦᐃᒃ  ᓇᐗᒡ  ᑲᔑᒥᔕᒃ  ᐗᑲᐦᐃᑲᓂᒃ  ᑭᔑᐊᒋᑲᑌ.    ᑲᑲᑴᑭᔑᒋᑲᑌᒃ  ᐅᐦᐅᐌ  ᑲᐅᓐᑕᒥᐊᓄᑭᓇᓂᐗᒃ  ᑲᔑᑯᑲᐯᔑᓇᓂᐗᒃ  ᑭᑭᒋᐊᓄᑭᐁᓐᑕᑯᓐ, ᔕᑯᒡ  ᑭᑎᑉᐌᓐᑕᒥᓐ  ᐁᑭᑭᔑᑐᔦᓐᒃ.    ᑲᑭᐱᐊᓄᑭᔦᓐ  ᓂᔑᐗ  ᐊᓇᑭᐎᓇᓐ, ᑲᒪᓇᐦᐃᑫᒥᓐ  ᐁᑯ ᑭᒥᓄᐗᑲᒥᑐᒥᓐ  ᑭᔑᐊᑌᒃ, ᑭᑕᐎᓇᒥᓐ  ᑲᐱᑕᐌᓂᑲᑕᒃ  ᐁᑯ  ᑕᑯ  ᐃᔥᑯᑌᐎᔭᐱᓐ  ᑭᐅᔥᑭᑐᒥᓐ  ᐅᔥᑭ  ᐗᑲᐦᐃᑲᓂᒃ, ᑕᑯ  ᑭᐅᔑᑐᒥᓐ  ᑲᔑᐱᒧᓭᓇᓂᐗᒃ, ᑕᑯ  ᐃᔥᑯᑌᐗᐱᒃ  ᑭᐊᓴᒥᓐ  ᐁᑯ  ᑭᔑᔕᐦᐊᒥᓐ  ᒧᒋᓴᒃ.  ᒥᐦᐃᐌ  ᐸᓂᒪ  ᑲᑭᑭᔑᐊᓄᑲᑕᒥᓐ  ᑭᐱᓐᑎᑲᑕᒥᓐ  ᑲᑴᒋᐱᒧᓭᐎᓇᓐ  ᐅᔑᒋᑲᓇᓐ  ᔭᐦᐃᓐᒃ  ᑫᑌᐎᑲᒥᒃ  ᑲᔑᐊᑌᑭᐸᓂᓐ.

ᒥᑕᔥ  ᓇᑯᒻ  ᐅᔥᑭ  ᑲᑴᒋᐎᑲᒥᒃ  ᐁᐊᔭᒥᓐᒃ  ᓇᑯᒻ, ᐁᑯ  ᑕᑯ  ᑎᓂᓐᑕᒥᓐ  ᐅᔥᑭ  ᐳᐤᐱᓓᒃᔅ  ᑲᑴᒋᐎᓐ  ᐅᔑᒋᑲᓐ, ᑲᑯᓯᑯᑭᓐ  ᑲᑴᒋᐎᓇᓐ, ᔪᑲ  ᐊᐱᔑᒧᓇᓐ, ᑲᔑᐊᐱᓇᓂᐗᒃ, ᑲᔑᐱᑲᒃ  ᒧᒋᓴᒃ  ᐁᑯ  ᒪᓯᓇᑌᓯᒋᑲᓐ.  ᑕᑯᑕᔥ  ᔭᐦᐃ  ᒥᓄᐎᓯᓂᐎᓐ  ᑫᐱᓂᔐᐦᐁᑲᑌᒃ  ᑕᑕᑯᓇᑲᑌ  ᒪᓂᑐ  ᑭᓯᔅ, ᐁᑯ  ᑫᔑᓂᐸᓇᓂᐗᒃ  ᐁᑯ  ᑲᔑᐊᓂᐌᔑᓇᓂᐗᒃ  ᑕᑕᑯᓂᑲᑌ  ᓯᔅᐸᑯᑌ  ᑭᓯᔅ.  ᐁᑯ  ᑯᑡᓯ  ᐱᐳᓐ  ᐊᔕᔾ  ᐱᓯᓭ  ᐊᐱ  ᑲᑭᐱᐊᓄᑭᔭᓐ  ᐅᐦᐅᒪ  ᓄᕐᐊᓐᑦ, ᐊᔕᔾ  ᒥᔑᓇᑐᓐ  ᑫᑯᓇᓐ  ᑲᓂᐊᓐᒋᓭᑭᓐ  ᐊᓄᑭᐎᓂᒃ.    ᑭᒋᓂᓐᑕᓐ  ᒥᓄᐎᓯᓂᐎᓐ, ᒥᓄᔭᐎᓐ  ᐁᑯ  ᒥᓄᐱᒪᑎᓯᐎᓐ  ᐁᑭᑕᑯᓂᑲᑌᒃ  ᐅᐦᐅᒪ  ᐊᓄᑭᐎᑲᒥᑯᒃ.   ᔭᐦᐊ  ᐌᔾᓐ  ᐱᓪᑦᔅ  ᑲᑭᐃᑭᑐᒡ:

ᔭᐦᐊᒃ  ᑲᓴᓇᑭᓯᐎᒡ  ᑯᑕᐗᓯ  ᓇᓐᑕᐌᐦᐃᑭᐎᓂᐗᒃ ᒥᓭᐌ  ᐁᑯ  ᑲᐎᓂᓐ  ᐊᐎ  ᑫᑯᓐ  ᑭᑭᐃᑭᑐᒡ.  ᔭᐦᐃ  ᑎᓄᑲᓐ  ᑲᑭᔑᑌᒃ, ᓂᐱ, ᐊᓂᐌᔑᓐ  ᐁᑯ  ᐸᑭᑎᓇᒧᐎᓐ, ᑲᑴᒋᐎᓐ  ᐁᑯ  ᒥᓄᐎᓯᓂᐎᓐ.  ᒥᐦᐅᐌ  ᐁᓀᓐᑕᒪᓐ  ᐅᐦᐅᐌ  ᑲᑭᓇ  ᐁᑭᐱᑐᔨᓐᒃ  ᐅᐦᐅ  ᑲᔑᐱᒪᑎᓇᒃ  ᑲᐯᔑᐎᓂᒃ.