ᐁᐃᔕᓂᐗᒃ ᐁᔅᑯᕐ

ᓂᓐ ᑯᕐᑎᔅ ᑰᔅᑐᕐ, ᑲᐎᒋᑐᒡ ᓄᐱᒪᑲᒥᒃ

ᐱᓀᔑᔥ ᑎᓄᑲᓐ ᑲᑲᓇᐗᐸᑕᒃ ᑲᑭᓂᑾᓇᑌᒃ ᐃᔥᑯᑌ ᐊᐦᑭᒃ ᒣᑾᒡ ᐁᐱᒥᓭᓇᓂᐗᒃ ᐁᐃᔕᒪᑲᒃ ᐁᔅᑯᕐ ᑲᐯᔑᐎᓂᒃ᙮

ᑲᐱᒥᔭᓂᐗᒃ ᒪᐗᒡ ᑭᒋᓀᑕᑯᓐ ᑲᑕᓇᓄᑭᓇᓂᐗᒃ ᓄᐱᒪᑲᒥᒃ ᑲᑲᐯᔑᓇᓂᐗᒃ᙮ ᐁᔅᑯᕐ ᑲᐯᔑᐎᓐ ᑲᐃᔑᐊᑌᒃ ᐃᐃᒪᓀᑫ ᒉᒥᔅ ᐯ ᒪᔥᑭᑯᒃ, ᐃᐃᐌᑕᔥ ᑲᐃᓇᒋᑲᑌᒃ ᒋᐊᑌᐊᓄᑭᓇᓂᐗᒃ ᐊᔭᓐᒋᓭ ᑲᓂᔑᒣᒣᑭᐌᐸᒃ᙮

ᓂᒪᒋᑕᒥᓐ ᐁᐅᓇᒋᑲᑌᒃ ᐱᒥᔭᐎᓇᓐ ᐁᐅᓇᒋᑫᒡ ᑲᐅᓇᑐ

ᓐ ᐱᒥᔭᐎᓇᓐ, ᑲᑐᕆᓐ ᓂᔦᒥ᙮ ᐅᓇᒋᑫᐎᓐ ᐅᓐᒋᐅᓇᒋᑲᑌ ᑲᐃᔑᑕᔭᓐ, ᑲᐱᒥᔭᓂᐗᒃ ᑲᑭᔑᑲᒃ ᒪᒋᑕᓂᐗᓐ ᐎᐸᒡ ᑲᑭᔐᐸᐗᔑᒃ ᒥᓇ ᐎᐸᒡ 6 ᑲᑕᓱᑎᐸᐦᐃᑲᓀᒃ ᑲᑭᔐᐸᐗᔑᒃ, ᒥᓇ ᐁᒪᒋᐱᒥᔭᓂᐗᒃ ᑲᐃᔕᓂᐗᒃ ᐁᔅᑯᕐ ᑲᐯᔑᐎᓂᒃ᙮ ᓂᒪᒋᐱᓂᑯᒥᓐ ᐁᐃᔕᔭᓐᒃ ᓇᑭᓇ ᐳᓂᐎᓂᒃ ᒣᑾᒡ ᑲᐱᐳᒃ ᒥᓇ ᓇᑭᓇ ᑲᐃᔑᐳᓂᓇᓂᐗᒃ ᓂᐱᑲᒃ ᒣᑾᒡ ᑲᓂᐱᒃ᙮ ᓇᑭᓇ ᐃᔑᐊᑌ 300 ᑕᓱᑎᐸᐦᐊᐸᓐ ᑭᐌᑎᓄᒃ ᑕᓐᑐᕐ ᐯ, ᒥᓇ ᐃᐃᒪ ᐅᓐᒋ, ᑎᔑᓴᐦᐅᓂᑯᒥᓐ ᐃᐃᒪ ᑯᐳᕐ ᓴᑲᐦᐃᑲᓂᒃ᙮ ᓂᑕᒻ ᑲᐱᒥᐎᓂᑯᔭᓐ ᑭᓂᑲᓇᐱᓇᐸᓐ ᐃᐃᒪ ᐱᒥᓭᐎᓂᒃ ᒣᑾᒡ ᐁᓯᓴᐦᐅᓂᑯᔭᓐ ᐁᔅᑯᕐ ᑲᐯᔑᐎᓂᒃ, ᒥᔑᓐ ᐁᑲ ᐎᑲ
ᐁᑭᑫᑕᒧᐗᒡ ᐃᐃᐌ ᑲᐃᓯᓭᒃ᙮

ᒣᑾᒡ ᑲᐱᐳᒃ, ᐱᒥᓭᐎᓐ ᐃᐃᒪ ᐃᔑᐳᓂᒪᑲᓐ ᑯᐳᕐ ᓴᑲᐦᐃᑲᓂᒃ ᒥᑯᒥᑲᓐᒃ᙮ ᒥᓇᐗᑕᔥ, ᐃᔅᑭᑐᑲᒃ ᐱᒥᐎᓂᑯᒥᓐ 10 ᑕᓱᑎᐸᐦᐊᐸᓐ ᒋᑕᑯᔑᓇᒃ ᑲᐯᔑᐎᓂᒃ᙮ ᐃᐃᐌᑕᔥ ᐅᓐᒋ, ᐱᒋᑯᓀᒥᓐ ᐱᐳᓂ ᑭᑭᔥᑭᑲᓇᓐ ᐁᑲ ᒪᔑ ᑲᐳᓯᔭᒃ ᐃᐃᒪ ᓇᑭᓇ! ᒣᑾᒡ ᑲᓂᐱᒃ, ᐃᐃᒪ ᑎᔑᐳᓂᒥᓐ ᑯᐳᕐ ᓴᑲᐦᐃᑲᓂᒃ ᓂᐱᐎ ᐱᒥᓭᐎᓂᒃ ᒥᓇ ᑲᑭᔑᐸᔭᑯᐱᑌᒃ ᑎᔑᐎᓂᑯᒥᓐ ᐃᐃᒪ ᒋᑕᑯᓯᓇᒃ ᑲᐯᔑᐎᓂᒃ᙮

ᒪᐗᒡ ᑲᐃᔑᒥᓉᑕᒪᓐ ᐁᐱᒥᔭᔭᓐ ᒣᑾᒡ ᑲᑕᑾᑭᒃ, ᑲᓯᑾᒃ ᒥᓇ ᑲᑕᑾᑭᒃ ᐃᔑᑭᑫᑕᑯᓄᓐ “ᑲᐸᑾᐦᐊᒃ” ᒥᓇ “ᑲᓂᐊᑯᑎᒃ” ᐁᐃᓯᓭᒃ ᐱᒥᔭᐎᓂᓇᓐ ᐁᐃᔑᐎᓂᑯᔭᒃ ᐌᐱᑴ ᐃᔥᑯᓂᑲᓂᒃ ᐳᓂᐎᓂᒃ ᐁᐱᓯᓇᑯᒃ 70 ᑕᓱᑎᐸᐦᐊᐸᓐ ᓀᑲᐱᐦᐅᓄᒃ ᐁᔅᑯᕐ ᑲᐯᔑᐎᓂᒃ, ᒥᓇ ᑎᔑᐎᓂᑯᒥᓐ ᑲᑭᔑᐸᔭᑯᐱᑌᒃ ᑎᔑᓴᐦᐅᓂᑯᒥᓐ ᒋᒪᑕᓄᑭᔭᒃ᙮

ᒥᑕᔥ ᐁᑭᑫᑕᒣᒃ ᙮᙮᙮ ᒥᐌ ᐁᑐᑕᒪᓐ ᒋᔕᔭᓐ ᑲᑕᓇᓄᑭᔭᓐ!

ᑲᓇᐗᐸᑕᓐ ᑲᒪᓯᓇᑌᓭᒃ ᒣᑾᒡ ᑲᐱᒥᔭᔭᒃ ᐁᐃᔕᔭᒃ ᐁᔅᑯᕐ ᑲᐯᔑᐎᓂᒃ ᐃᐃᒪ ᒥᑭᓯᐤ ᐅᒐᑉ ᑲᐃᔑᐅᔑᐱᐦᐃᑲᓂᐗᒃ᙮

ᐊᑐᐣ ᑭᑎᑭᑐᐎᐣ