ᐊᓂᓐ ᑫᐅᓐᒋᑌᐱᓇᒪᓐ ᐊᓄᑭᐎᓐ ᑲᔑᐱᒪᑎᓇᒃ ᑲᐯᔑᐎᓂᒃ?

ᔭᐦᐊ  ᐃᔅᑎᐱᓐ  ᓴᑲᒡ, ᑲᐯᔑᐎᓐ  ᐎᒋᐦᐃᐌᐎᓐ

ᐁᕈᓚᓐᑦ ᑲᐅᓐᒋᒡ ᐃᔅᑎᐱᓐ ᓴᑲᒡ ᐁᓇᑯᓯᒡ ᐅᐦᐅᒪ ᑲᑭᐊᓄᑭᐸᓐ ᔭᐦᐃᓐᒃ ᑲᔑᐱᒪᑎᓇᒃ ᑲᐯᔑᐎᓂᒃ

ᐎᓐᑫ  ᒥᔑᓇᑐᓐ  ᐅᑕᓄᑭᒃ  ᐅᑎᐸᒋᒧᐎᓂᐗ  ᐁᑭ  ᐸᑭᑎᓂᑲᑌᑭᓐ  ᐅᐦᐅᒪ  ᐅᔑᐱᐦᐃᑫᐎᓂᒃ  ᒥᑭᓯ  ᐅᒐᑉ.    ᑭᓇᐗ  ᑲᐸᑯᓭᓐᑕᒣᒃ  ᐅᐦᐅᒪ  ᑲᐎᐊᓄᑭᔦᒃ  ᓄᕐᐊᓐᑦ, ᑲᐎᓐᑕᓐ  ᐊᓂᓐ  ᑲᑭᐅᓐᒋᑌᐱᓇᒪᓐ  ᐊᓄᑭᐎᓐ  ᐁᑯ  ᑲᐎᓐᑕᓐ  ᐸᑭ  ᑫᑯᓐ  ᑫᑐᑕᒪᓐ  ᑭᔥᐱᓐ  ᐎᑌᐱᓇᒪᓐ  ᐅᐦᐅᒪ  ᐊᓄᑭᐎᓐ.

ᑲᑭᓄᓐᑕᑫᔭᐸᓐ  ᐊᔕᔾ  ᒋᐱᔕᒪᑲᒃ  ᐊᓯᓂᑫᐎᓐ  ᔭᐦᐃᓐᒃ  ᑭᒋᐱᐗᐱᑯᑲᓂᓐᒃ, ᑭᐗᐸᑕᓐ  ᑫᑯᓐ  ᐃᐦᐃᒪ  ᒋᑌᐱᓇᒪᓐ.    ᔭᐦᐃᓐᒃ  ᐁᕈᓚᓐᑦ  ᑕᔑᑫᐎᓂᒃ  ᑐᓐᒋ, ᔭᐦᐃᓐᒃ  ᐱᑕᔥ  ᑭᐊᓐᑐᐅᔑᐱᐦᐅᑎᔅ  ᒋᐅᑕᐱᓇᒪᓐ  ᔭᐦᐃ  ᓂᔑᓇᐯ  ᑭᑯᓄᐦᐅᒪᑭᐎ  ᐁᑯ  ᐎᓐᑕᒪᑫᐎ  ᐅᓄᑭᐎᓐ  (NEAT), ᔭᐦᐃ  KKETS ᑭᑯᓄᐦᐅᒪᑫᐎᓐ  ᑲᐸᑭᑎᓂᑲᑌᒃ  ᔭᐦᐃᓐᒃ  ᐊᓂᒥᑭ  ᑲᒥᓐᒃ  ᐌᑎ  ᑲᐊᓄᑭᐎ  ᑭᑯᓄᐦᐅᒪᑫᐗᓐ  ᒪᑕᐗ  ᑕᔑᑭᐎᓐ  ᑯᐅᓐᒋᑎᐯᓐᑕᑯᓯᐗᒡ.    ᒥᐦᐃᒪ
ᑲᑭᔑᑌᐱᓇᒪᓇᓐ  ᐊᓄᑭᐎ  ᒪᓯᓇᐦᐃᑲᓀᓴᓐ  ᑲᐎᒋᐦᐃᑯᔭᓐ
ᒋᑌᐱᓇᒪᓐ  ᐊᓄᑭᐎᓐ  ᔭᐦᐃᓐᒃ  ᐊᓯᓂᑫᐎᓂᒃ.

ᑲᑭᔥᑾ  ᑲᓄᓇᒃ  ᔭᐦᐊ  ᐎᓪᒪ  ᐸᒃᑐᕐ  (ᑭᔑᑌᐱᐎ  ᐎᒋᐦᐃᐌᐎᓐ) ᐁᑭᑲᑴᒋᒪᒃ  ᐊᓂᓐ  ᑲᑭᐱᓇᓄᑭᒡ  ᔭᐦᐃᓐᒃ  ᑲᔑᐱᒪᑎᓇᒃ  ᑲᐯᔑᐎᓂᒃ, ᔭᐦᐃ  ᑕᓄᑭᐎ  ᒪᓯᓇᐦᐃᑲᓐ  ᐁᑭᔑᓂᔕᐦᐊᒪᓐ  ᓄᕐᐊᓐᑦ  ᒥᔑᓂᐗ  ᒋᐗᐸᓐᑕᐦᐊᑾ  ᐁᐱᒋᐎ  ᐊᓄᑭᔭᓐ  ᐊᓯᓂᑫᐎᓂᒃ.    ᔭᐦᐃ  ᑭᓇᑭᔥᑾ  ᕋᔭᓐ  ᐌᔅᑕᓐ  (ᐱᐱ  ᒧᓇᐦᐃᑫᐎᓂᒃ), ᔭᐦᐊ  ᑭᑲᓄᓇ  ᑫᔾᑦᓚᓐ  ᐯᕆᔅ  (ᐊᓄᑭᐎ  ᐅᑭᒪ) ᐁᑯ  ᒥᐦᐃᒪ  ᐁᑭᔑᑯᔥᑯᒥᑯᔭᓐ…ᐁᑭᒥᓂᑯᔭᓐ  ᐊᓄᑭᐎᓐ!  ᒥᐦᐃᒪ  ᑲᑭᔑᒪᑕᓄᑭᔭᓐ  ᑲᐯᔑᐎᓐ  ᐎᒋᐦᐃᐌᐎᓐ, ᐁᑯ  ᔕᑯᒡ  ᓇᓂᑕ  ᐊᓄᑭᐎᓇᓐ  ᐁᑭᓴᓇᑲᑭᓐ, ᔕᑯᒡ  ᑭᒥᓀᓐᑕᓐ  ᐊᓄᑭᐎᓐ  ᑲᑭᒥᓂᑯᔭᓐ  ᐁᐎᒋᐦᐊᑾ  ᓄᕐᐊᓐᑦ  ᒋᐊᓂᒥᓄᓭᐗᒡ.    ᐎᓐᑫ  ᑭᒋᓀᓐᑕᓐ  ᐅᐦᐅᒪ  ᓄᕐᐊᓐᑦ  ᐁᐊᓄᑭᔭᓐ.

ᐊᓂᓐ  ᑫᑐᑕᒪᓐ  ᐎᑌᐱᓇᒪᓐ  ᐊᓄᑭᐎᓐ  ᐅᐦᐅᒪ  ᑲᔑᐱᒪᑎᓇᒃ  ᑲᐯᔑᐎᓂᒃ:

  • ᓇᓇᓐᑐᑭᑫᓐᑕᓐ  ᐁᑯᓀᓐ  ᐊᓄᑭᐎᓇᓐ  ᐁᐊᑌᑭᓐ  ᒣᑾᒡ.
  • ᐃᔕᓐ  ᑲᔑᐎᓐᒋᑲᑌᑭᓐ  ᐊᓄᑭᐎᓇᓐ  ᐊᐗᔑᒣ  ᒋᑭᑫᓐᑕᒪᓐ  ᑫᑯᓇᓐ.
  • ᐅᑕᐱᓇᓐ  ᐅᓄᑭᐎ ᑭᑯᓄᐦᐅᒪᑫᐎᓇᓐ  ᑲᒥᑴᓇᓂᐗᒃ  (KKETS’ NEAT ᑭᑯᓄᐦᐅᒪᑫᐎᓇᓐ, ᑕᔑᑭᐎ-ᓀᑫᐦᐃ  ᐊᓄᑭᐎ  ᑫᑯᓇᐦᐊᒪᑫᐎᓇᓐ).
  • ᐊᓄᑭᐎ  ᒪᓯᓇᐦᐃᑲᓐ  ᐅᔑᑐᓐ.
  • ᔭᐦᐃ  ᑕᑯᓯᑐᑲᓐ  ᑭᐊᓄᑭᐎ  ᒪᓯᓇᐦᐃᑲᓀᓴᓐ.
  • ᐱᐎᐱᑯᒃ  ᐃᔑᐅᔑᐱᐦᐃᑐᓱᓐ ᑫᒪ  ᓇᓇᓐᑕᐗᐸᒻ  ᐊᓄᑭᐎ  ᐊᓄᑭᓇᑲᓐ  ᑲᐃᓇᓄᑭᒡ  ᒋᐸᐸᒪᓯᑐᒡ  ᑭᐊᓄᑭᐎ  ᒪᓯᓇᐦᐃᑲᓐ.
  • ᑲᐎᓂᓐ  ᐸᑭᒋᑫᓐ!

ᑭᔥᐱᓐ  ᑭᔭᐸᒡ  ᑭᑯᓐ  ᐎᑲᑴᑌᔭᓐ  ᑫᒪ  ᑫᑯᓐ  ᐎᑭᑫᓐᑕᒪᓐ, ᔭᐦᐊ  ᑲᓄᓇᑲᓐ  ᑫᔾᑦᓚᓐ  ᐯᕆᔅ  807 632 8103.