ᐊᓂᓐ ᑫᑐᑕᒪᓐ ᐊᓄᑭᐎᓐ ᒋᑭᑌᐱᓇᒪᓐ ᐃᐃᒪ ᐁᔅᑯᕐ ᑲᐯᔑᐎᓂᒃ?

ᐁᕈᓚᓐᑦ ᑲᐅᓐᒋᒡ ᔅᑎᐱᓐ ᓴᑲᒡ ᒣᑾᒡ ᓂᑕᒻ ᑲᒪᑕᓄᑭᒡ ᐃᐃᒪ ᐁᔅᑯᕐ ᑲᐯᔑᐎᓂᒃ

ᓂᓐ ᔅᑎᐱᓐ ᓴᑲᒡ, ᑲᐯᔑᐎᓂᒃ ᑲᐎᒋᑐᒡ

ᒥᔑᓐ ᐁᒥᓋᔑᑭᓐ ᐊᓄᑭᐎᓂᓂᐗᒃ ᐅᑎᐸᒋᒥᐎᓂᐗ ᐁᑎᐸᒋᒧᓇᓂᐗᒃ ᐅᐅᒪ ᒥᑭᓯᐤ ᐅᒐᑉ᙮ ᑭᓇᐗ ᑲᐃᓀᑕᒣᒃ ᒋᐊᓄᑭᔦᒃ ᐅᐅᒪ Noront, ᐅᐅᐌ ᓂᓐ ᑭᑐᑕᓐ ᒋᐅᑕᐱᓂᑯᔭᓐ ᒋᐊᓄᑭᔭᓐ ᒥᓇ ᐊᓂᓐᑕ ᐎᑕᒪᑫᐎᓇᓐ ᑫᑭᑐᑕᒪᓐ ᑭᔥᐱᓐ ᐎᐊᓄᑭᔭᓐ ᐅᐅᒪᓀᑫ᙮

ᐊᐱ ᑲᓄᑕᒪᓐ ᒋᑐᒋᑲᑌᒃ ᓄᑕᓯᓂᑫᐎᓐ ᐅᐅᒪ ᑲᐃᔑᑭᓂᑾᓇᑌᒃ ᐃᔥᑯᑌ ᐊᐦᑭᒃ, ᑭᔑᐗᐸᑕᓐ ᒋᐅᓐᒋ ᒥᓄᓭᔭᓐ᙮ ᒥᐦᐃᒪ ᐌᒋᔭᓐ ᐁᕈᓛᓐᑦ ᐃᔥᑯᓂᑲᓂᒃ, ᑭᔑᑲᑴᑌ ᐃᐃᒪᓀᑫ ᓂᔑᓇᐯ ᑭᑭᓄᒪᑫᐎᓐ ᒥᓇ ᑭᑭᓄᒪᑫᐎᓇᓐ (NEAT), ᐃᐃᐌ KKETS ᐱᒥᐎᒋᑫᐎᓐ ᐃᐃᒪ ᑕᓐᑐᕐ ᐯ ᐁᑭᑭᓄᒪᐗᐗᒡ ᒪᑕᐗ ᐊᓂᔑᓇᐯᓐ ᑲᐅᓐᒋᑎᐯᑕᑯᓯᓂᒡ᙮ ᒥᐦᐃᒪᓀᑫ ᑲᐅᑎᓇᒪᓇ ᒪᓯᓇᐦᐃᑲᓀᓴᓐ ᑲᓇᑕᐌᑕᑯᑭᓐ ᒋᑭᐊᓄᑭᔭᓐ ᐃᐃᒪ ᑲᐃᔑ ᓄᑕᓯᓂᑲᓂᐗᒃ᙮

ᐁᐃᔥᑾ ᐊᔭᒥᐦᐊᒃ ᐎᓪᒪ ᐸᑭᔅᑐᕐ (ᐎᓯᓂᐎᑲᒥᑯᒃ ᑲᐎᒋᐦᐃᐌᒡ) ᐃᓂᐌᓂᐗᓐ ᑲᐃᔑᑭᑫᑕᑭᓐ ᑲᑕᓇᓄᑭᓇᓂᐗᒃ ᐁᔅᑯᕐ ᑲᐯᔑᐎᓂᒃ, ᑭᔑᓂᔕᐦᐊᒪᐗᒃ Noront ᑕᓄᑭᐎ ᐯᐸᓄᒪᓐ ᒥᔑᓋ ᒋᐗᐸᑕᐦᐊᑾ ᒪᐗᒡ ᐁᑭᒋᓀᑕᒪᓐ ᐁᓇᓇᑕᐗᐸᑕᒪᓐ ᐊᓄᑭᐎᓐ᙮ ᑭᐗᐸᒪ ᕋᔭᓐ ᐌᔅᑕᓐ (ᑲᓂᑲᓂᔥᑲᒃ ᓇᓇᑕᐗᐸᒋᑫᐎᓐ), ᑭᐊᔭᒥᐦᐊ ᑫᑦᓕᓐ ᐯᕆᔅ (ᑲᓇᑲᒋᐦᐊᓐ ᐊᓄᑭᓇᑲᓇᓐ), ᐁᑾ ᑭᓯᓭ ᙮᙮᙮ ᐁᑭᒥᓂᑯᔭᓐ ᒋᒪᑕᓄᑭᔭᓐ! ᑲᒪᒋᑕᔭᓐ ᑭᓇᓄᑭ ᑲᐯᔑᐎᓂᒃ ᒋᐎᒋᑐᔭᓐ, ᔕᑯᒡ ᐊᓂᓐᑕ ᑭᓴᓇᑲᓄᓐ ᐊᓄᑭᐎᓇᓐ, ᔕᑯᒡ ᑭᒥᓉᑕᓐ ᐁᐎᒋᐦᐊᒃ Noront ᒋᒥᓄᓭᐗᒡ ᑲᐃᔑᒪᒋᑕᐗᒡ ᑲᒻᐸᓂ᙮ ᒪᐗᒡ ᑭᒋᓀᑕᓐ ᐁᐃᓇᑭᓱᔭᓐ Noront ᐊᓄᑭᓇᑲᓐ᙮

ᐎᑕᒪᑫᐎᓇᓐ ᒋᑌᐱᓇᒪᓐ ᐊᓄᑭᐎᓐ ᐃᐃᒪ ᐁᔅᑯᕐ ᑲᐯᔑᐎᓂᒃ:

  • ᐊᔭᒥᐦᐃ ᐊᐎᔭ ᐁᑯᓀᓇᓐ ᐊᓄᑭᐎᓇᓐ ᐁᔭᔭᑭᓐ᙮
  • ᐃᔕᓐ ᐃᐃᒪ ᑲᐃᔑᐗᐸᑕᐦᐃᐌᓇᓂᐗᒃ ᐊᓄᑭᐎᓇᓐ ᐊᐗᔑᒣ ᐎᑭᑫᑕᒪᓐ᙮
  • ᐅᑕᐱᓇᓂᓐ ᑭᑭᓄᒪᑫᐎᓇᓐ (KKETS’ NEAT ᐱᒥᐎᒋᑫᐎᓇᓐ, ᑕᔑᑫᐎᓂᒃ ᑲ ᐊᑌᑭᓐ ᑭᑭᓄᒪᑫᐎᓇᓐ)᙮
  •  ᐅᔑᐱᐦᐊᓐ ᑭᑕᓄᑭᐎᓐ ᐯᐸᓐ᙮
  •  ᑕᑯᓇᓂᓐ ᒋᔕᑄᑌᐸᐦᐊᒪᓂᓐ ᑭᑭᓄᒪᑫᐎᓐ ᒪᓯᓇᐦᐃᑲᓀᓴᓐ᙮
  • ᐱᐗᐱᑯᒃ ᐅᓐᒋᐅᔑᐱᐦᐊᓐ ᑲᔦᒪ ᒋᑭᒥᓇᓐ ᐊᓄᑭᐎᓐ ᑲᓄᑭᑕᑭᓐ ᒋᒥᓇᓐ ᑭᑕᓄᑭᐎᓇᓐ ᐯᐸᓐ ᒋᓇᓯᑕᒪᐗᒡ ᑲᔦᒻ ᐱᐗᐱᑯᒃ ᐅᔑᐱᐱᑫᐎᓐ᙮
  • ᑲᑴᑌᐱᓇᒪᓱᓐ!

ᐎᑲᑴᑌᔭᓐ ᑲᑴᑌᐎᓐ ᐅᓐᒋ ᐊᓄᑭᐎᓇᓐ, ᑲᑲᓄᓇ ᑫᑦᓕᓐ ᐯᕆᔅ ᐃᐃᒪ 807 632 8103

ᐅᐦᐅᒪ ᐃᔑᓇᑴᑕᓐ