ᐊᓄᑭᐎ ᐎᓐᑕᒪᑫᐎᓇᓐ – ᒉᐱ ᑭᓚᑐ

ᐃᔑᓂᑲᓯᐎᓐ:
ᒉᐱ ᑭᓚᑐ

ᑕᔑᑫᐎᓐ:
ᐱᓐᑶ ᓂᔭᔑ ᐊᓂᔑᓇᐯᒃ

ᑲᐃᓇᓄᑭᒡ:
ᑲᐅᐱᑕᒪᑫᒡ ᐊᓄᑭᐎᓂᒃ


ᐁᑯᓂᓐ  ᐁᐃᓇᓄᑭᔭᓐ  ᐅᐦᐅᒪ  ᓄᕐᐊᓐᑦ?

ᐎᓐᑫ  ᑭᒋᓀᓐᑕᓐ  ᐅᐦᐅᒪ  ᓄᕐᐊᓐᑦ  ᐁᐊᐱᑕᒪᑫᔭᓐ  ᐅᑭᒪᐎᓂᒃ.    ᐁᑯ  ᑲᐃᓇᑭᓯᔭᓐ  ᑲᔦ  ᑲᓂᑲᓂᓯᒡ  ᐅᑭᒪ  ᐁᑯ  ᓯᐃᐅ  ᔭᐦᐃᓐᒃ  ᑲᓀᑎᔭᓐ  ᐅᓇᔑᐌᐎᓐ  ᔭᐦᐃᓐᒃ  ᐊᓂᔑᓇᐯᐎ  ᒪᒋᑕᐎᓇᓐ  (CCAB) ᒥᐦᐃᐌ ᐊᓄᑭᐎᓐ  ᑲᒥᓂᑯᔭᓐ  ᒋᐊᓂᒧᑕᒪᓐ  ᐊᓂᔑᓂᓂᐎ  ᐃᓯᓭᐎᓇᓐ  ᒥᓯᐌ  ᐅᐦᐅᒪ  ᑲᔑᐱᒪᑎᓯᔦᒃ  ᐁᑯ  ᒥᓯᐌ  ᐊᑭᓐᒃ.    ᐁᑯ  ᐯᔑᒃ ᑫᑯᓐ  ᑲᑭᒋᓀᓐᑕᒪᓐ ᒋᐊᓂᒧᑕᒪᓐ  ᐁᑯ  ᒋᓇᑯᒃ  ᔭᐦᐃ  ᐊᓂᔑᓇᐯ  ᒋᓂᑲᓂᔥᑲᒃ  ᐅᐦᐅᒪ  ᐊᓄᑭᐎᒃ  ᑎᓄᑲᓐ  ᐅᔥᑭᒪᒋᑕᐎᓇᓐ  ᑭᔑᐊᐱᑕᒪᑫᔭᓐ.    ᓄᕐᐊᓐᑦ  ᐁᓂᑲᓂᔥᑲᒃ ᒪᒋᑕᐎᓇᓐ  ᐁᓇᑯᑐᒡ  ᑭᑯᓇᓐ.

ᐊᓂᓐ  ᐁᔑᓇᑯᒃ  ᐯᔑᑯ  ᑭᔑᒃ  ᐅᐦᐅᒪ  ᑲᐊᓄᑭᔭᓐᔭ

ᔭᐦᐃ  CCAB ᐁᓴᓇᑫᓐᑕᑯᒃ  ᐊᓄᑭᐎᓐ  ᐅᐦᐅᒪ  ᑲᓇᑕ  ᔭᐦᐃ  ᐊᓂᔑᓇᐯᐎ  ᒪᒋᑕᐎᓂᒃ  ᐁᑯ  ᑕᑯ  ᑲᓀᑎᔭᓐ ᔓᓂᔭᑫᐎ  ᒪᒋᑕᐎᓂᒃ.    ᐁᑯ  ᑕᑭᒪᐎᔥᑲᓐ  ᐅᐦᐅᒪ  ᒪᒋᑕᐎᓇᓐ  ᐁᑯ  ᑫᑯᓇᓐ ᑲᓇᓐᑕᐗᐸᒋᑲᑌᑭᓐ  ᑕᑯ  ᑭᐅᓐᒋᒥᓄᓭᑭᓐ  ᐅᔥᑭ  ᒪᒋᑕᐎᓇᓐ, ᐁᑯ  ᒥᔑᓂᐌᒃ  ᐊᓄᑭᐎᓇᓐ  ᑐᑕᓇᓐ  ᐁᑯ  ᐁᐎᑕᓄᑭᒪᑾ  ᐊᓄᑭᓇᑲᓇᒃ  ᑕᑯ  ᒪᒪᐤᐎᐊᐱᐎᓇᓐ, ᓇᓇᓐᑐᑭᑫᓐᒋᑫᐎᓇᓐ, ᐊᓄᑭᓇᑲᓇᒃ  ᓇᓇᑲᒋᐦᐃᐌᐎᓐ  ᐁᑯ/ᑕᑯ  ᑲᑭᒋᓀᓐᑕᑯᑭᓐ  ᐅᓀᓐᑕᒧᐎᓇᓐ  ᒪᒋᑕᐎᓂᒃ.    ᐁᑯ  ᐁᔥᑲᒻ  ᑎᓇᑉ  ᑭᓯᔅ  ᑲᔑᐊᑯᑐᔭᓐ  ᑲᔑᐅᔑᐱᐦᐃᑲᑌᒃ  ᑕᓄᑭᐎᓇᓐ  ᐁᔥᑲᒻ  ᑕᔑᑭᐎᓇᓐ  ᐃᓀᓐᑕᑯᓐ.    ᐁᑯ  ᓂᓂᑕᒥᐱᔭ  ᑫᔦ  ᒋᐸᐸᒥᐊᓂᒧᑕᒪᓐ  ᔭᐦᐃᓐ  ᐊᓂᔑᓇᐯᐎ  ᒪᒋᑕᐎᓇᓐ  ᐁᑯ  ᑕᑯ  ᒪᒪᐤᐊᐱᐎᓇᓐ  ᑲᑕᔑᒪᒪᐤᐗᐱᓇᓂᐗᒃ  ᐁᑯ  ᐅᑭᒪᐎ  ᐊᓄᑭᐎᑲᒥᑯᒃ  (ᐁᑯ  ᑕᐱᔥᑯᒡ  ᐁᑭᐱᒥᔭᔭᓐ  ᑭᒋ  ᒥᑕᔅᐗᒃ  ᑕᓱ  ᐅᐦᐅ  ᐱᒥᓭᐎᓂᒃ  ᑲᓇᑕ).  ᐊᔕᔾ  ᒥᔑᓐ  ᐊᐎᔭᒃ  ᐁᑭᐱᓇᑭᔥᑲᑾ  ᐁᑯ  ᒥᔑᐎᓐ  ᐅᐎᓐᑕᒪᑫᐎᓂᐗ  ᐁᐱᒥᐎᑐᔭᓐ  ᓂᑌᐦᐃᒥᒃ  ᐁᑯ  ᓂᒪᒥᑎᓀᓐᒋᑲᓂᒃ  — ᐁᑯ  ᑲᑭᒋᓀᓐᑕᑯᒃ  ᑾᔭᒃ  ᒋᑲᓇᐌᓐᒋᑲᑌᒃ  ᐅᐌᓐᒋᑫᐎᓂᐗ  ᑕᑯ  ᐅᔥᑭᒪᒋᑕᐎᓐ  ᒋᐅᓐᒋᐅᔑᓭᑭᓐ  ᐃᐦᐃᒪ  ᐅᑎᓀᓐᑕᒧᐎᓂᐗ.

ᐁᑯᓂᓐ  ᒪᐗᒡ  ᑲᒥᓂᓐᑕᒪᓐ  ᐅᐦᐅᒪ  ᑲᔑᐊᓄᑭᔭᓐ  ᓄᕐᐊᓐᑦ?

ᒥᐌ ᑌᑕᑯ  ᐁᑭᑭᒋᓀᓐᑕᒪᓐ  ᐁᑭᓇᑭᔥᑾᒃ  ᑐᑭᒪᒥᓇᓐ, ᐊᓚᓐ  ᑯᑦᔅ ᐌᔥᑾᒡ  ᐱᐳᓄᒃ.    ᐁᑯ  ᑲᑭᑲᑴᒋᒥᑯᔭᐸᓐ  ᒋᐊᐱᑕᒪᑫᔭᓐ  ᐅᐦᐅᒪ  ᐅᓇᒋᑫᐎᓂᒃ, ᐎᓐᑫ  ᑭᑭᒋᓀᓐᑕᓐ.    ᐊᓪ  ᔭᐦᐃ  ᐁᓴᓇᑭᓯᒡ  ᐅᑭᒪᐎᓂᒃ  ᒪᔥᑲᐎᓯᐎᓐ  ᐁᐱᒥᐎᑐᒡ  ᐁᑯ  ᒪᔥᑲᐌᓐᑕᒧᐎᓐ  ᐁᐊᔭᒡ  ᑭᐅᓐᒋᒥᓄᓭᐗᒡ  ᑲᑭᓇ  ᑲᐎᑕᓄᑭᒪᒋᓐ.    ᒪᔥᑲᐎᓯᐎᓐ  ᑐᒋᐊᔭᓐ  ᐁᑯ  ᒥᓀᓐᑕᒧᐎᓐ  ᐁᐊᔭᒪᓐ  ᒋᐊᓂᒥᓄᓭᒃ  ᓂᑲᓂᒃ  ᓄᕐᐊᓐᑦ  ᑕᔅᐗ  ᑲᐃᔥᑾ  ᒪᒪᐤᐗᐱᔦᒃ  ᐅᓇᒋᑫᐎᓂᒃ.   ᒥᑕᔥ  ᐁᐃᓀᓐᑕᒪᓐ  ᐅᐦᐅᒪ  ᐊᓄᑭᓇᑲᓇᒃ  ᐁᓴᓇᑭᓯᐗᒡ  ᐊᑕᓄᑭᐎᓂᐗ  ᐁᑯ  ᑕᐱᔥᑯᒡ  ᐁᒥᓀᓐᑕᒧᐗᒡ  ᐅᑕᓄᑭᐎᓂᐗ  ᒋᑭᔑᑐᐗᒡ  ᐁᑯ  ᒋᒥᓂᐗᔑᑐᐗᒡ  ᐅᐱᒪᑎᓯᐎᓂᐗ  ᐁᑯ  ᒋᒥᓄᓭᒃ  ᔓᓂᔭᐎ  ᐱᒥᐎᒋᑫᐎᓐ  ᐊᓂᔑᓇᐯᑲᒃ.

ᐊᓂᓐ  ᑲᑭᐅᓐᒋᒪᒋᑕᔭᓐ  ᐅᐦᐅᒪ  ᐊᓄᑭᐎᓂᒃ  ᐊᓯᓂᑫᐎᓐ?

ᑲᐯᐦᐃ ᐊᔕᔾ  ᑭᐱᐃᓇᓄᑭ  ᔭᐦᐃᒃ  ᓇᑐ  ᒪᒋᑕᐎᓂᒃ  ᐅᔑᒋᑫᐎᓇᓐ  ᑲᑯᐱᒪᑎᓯᔭᓐ  — ᔭᐦᐊᒃ  ᓂᑭᒋᐦᐊᒪᒃ  ᑫᐎᓂᐗ  ᑭᐱᐊᓄᑭᐗᒃ  ᒥᑎᑯᑫᐎᓂᒃ  ᐁᑯ  ᐱᒥᑌᐎ  ᐁᑯ  ᐗᓯᑯᒥᑎᐎ  ᐊᓄᑭᐎᓇᓐ.    ᑲᑭᒪᒋᑕᔭᐸᓐ  ᐊᓯᓂᑫᐎᓂᒃ  ᐊᐱ  2009, ᑲᑭᒪᒋ  ᐊᓄᑭᑕᐗᑾ  ᓂᑕᔑᑫᐎᓐ, ᐱᓐᑴ  ᓂᔭᔑ  ᐊᓂᔑᓇᐯᒃ.    ᔭᐦᐃ  ᔕᓂᐎ  ᐊᓯᓐ  ᐁᐎᒧᓇᐦᐊᑲᓀᒡ  ᒥᐦᐃᒪ  ᔭᐦᐃᒃ  ᓂᑲᐊᐱᐗᓄᒃ  ᐁᑭᐅᑕᓭᐗᒡ  ᐁᑯ  ᒥᑲᓇ  ᐁᑭᐅᔑᑐᐗᒡ  ᑕᑯ  ᐁᑭᔕᐳᑕᒧᑐᐗᒡ  ᒥᐦᐃᒪ  ᓂᑕᔑᑫᐎᓂᒃ.    ᐊᓄᑭᐎᓇᓐ  ᐱᓇᒪ  ᑭᐊᓂᒧᑕᒥᓐ  ᒋᒥᓇᑲᓀᐗᒡ  ᑕᔑᑫᐎᓐ  ᑲᐅᓐᒋᑎᐯᓐᑕᑯᓯᐗᒡ, ᐊᓇᑭᐎᒪᓯᓇᐦᐃᑲᓇᓐ  ᐁᑯ  ᐊᓐᑎ  ᑫᔑᑕᒧᑐᐗᒡ, ᐁᑯ  ᔭᐦᐊᒃ  ᑯᑕᑭᔭᒃ  ᑕᔑᑫᐎᓇᓐ  ᑲᐯᔑᓇᑯᓯᐗᒡ ᐁᑭᐎᑕᓄᑭᒪᔦᒃ  ᑭᐎᓂᐗ  ᒋᐅᓐᒋᒥᓄᓭᐗᒡ  ᐃᐦᐃᒪ  ᑲᐎᑕᔑ  ᐊᓯᓂᑫᐗᒡ.

ᐊᓂᓐ  ᐁᐃᓀᓐᑕᒪᓐ  ᑫᓂᔑᓇᑾᒃ  ᓂᑲᓂᒃ  ᓄᕐᐊᓐᑦ  ᐊᔕᔾ  ᐊᓂᒪᒋᓭᒃ  ᐊᓯᓂᑫᐎᓐ?

ᐊᓯᓂᑫᐎᓐ  ᐊᓄᑭᐎᓇᓐ  ᑕᐊᓐᒋᓇᑯᓄᓐ  ᑕᔑᑫᐎᓇᓐ.    ᐅᔥᑭᒪᒋᑕᐎᓇᓐ  ᐁᒧᑭᓭᑭᓐ  ᑕᑯ  ᒋᐅᓐᒋᒥᓄᓭᒃ  ᐎᑕᓄᑭᒥᑐᐎᓐ, ᒥᐦᐃᐌ  ᑲᑭᒋᓀᓐᑕᑾᒃ  ᒋᐅᓐᒋᒥᓄᓭᒃ  ᐎᑕᓄᑭᒥᑐᐎᓐ  ᐁᑯ  ᐅᔥᒋᒪᒋᑕᐎᓇᓐ.    ᐎᓐᑫ  ᑎᑕᑯ  ᓂᒪᔥᑲᐌᓐᑕᓐ  ᓱᓐᑭ  ᐊᓄᑭᐎᓐ  ᐁᓇᓐᑕᐌᓐᑕᑾᒃ  ᒋᐅᓐᒋᒥᓄᓭᒃ  ᓴᓇᑭᓭᐎᓐ  ᓇᑭᔥᑲᑌᒃ  ᒥᐦᐃᒪ  ᑫᐅᓐᒋᒪᔥᐎᓯᓇᓂᐗᒃ.    ᒥᐦᐃᒪ  ᓂᑕᒻ  ᑲᓂᒪᒋᑲᐸᐎᓇᓂᐗᒃ  ᒋᒪᔥᑲᐎᑲᐸᐎᓇᓂᐗᒃ  ᐁᑯ  ᒋᒪᔥᑲᐌᓐᑕᒣᒃ  ᐁᑯ  ᒋᒪᓄᒋᐦᐃᑎᔦᒃ  ᐎᑕᓄᑭᒥᑐᐎᓂᒃ  ᒋᐃᓇᒋᐦᐊᒡ  ᐊᐎᔭ  ᑲᐎᐃᓇᒋᐦᐃᑯᔭᓐ  ᑫᑭᓐ.    ᓄᕐᐊᓐᑦ  ᐊᓂᑲᓂᔥᑲᒃ  ᐊᓄᑭᐎᓇᓐ  ᑲᐎᑐᒋᑲᑌᒃ  ᐃᐦᐃᒪ  ᑭᒋᐱᐗᐱᑯᑲᓂᓐᒃ.    ᐁᓂᑲᓂᔥᑲᒃ  ᒋᑲᓇᐗᐸᒪᑲᓀᒡ  ᒋᐱᒥᓂᔐᐦᐃᑲᑌᒃ  ᐅᑎᓀᓐᑕᒧᐎᓂᐗ, ᒥᐦᐃᒪ  ᑫᐅᓐᑎᓇᒧᐗᒡ  ᐎᒋᐦᐃᐌᐎᓐ  ᑭᐅᓐᒋᒥᓄᓭᓂᒃ  ᑲᐎᔑ  ᐊᓯᓂᑫᐗᒡ.    ᐊᔕᔾ  ᒥᔑᓂᐗ  ᑭᐱᐗᐸᑕᓐ  ᐅᐦᐅᐌ  ᑲᑭᐱᐃᓯᓭᒃ  ᒥᓯᐌ  ᐅᐦᐅ  ᑲᓇᑕ.

ᑭᑭᐎᒋᐦᐃᑯᓐᐃᓇ  ᑲᑭᐱᐊᓄᑭᔭᐸᓐ  ᔭᐦᐃᓐᒃ  CAAB ᐊᓄᑭᐎᓂᒃ  ᔭᐦᐃᒃ  ᑕᔥ  ᓄᕐᐊᓐᑦ?

ᒥᔕ  ᑎᐺ!  ᒥᓯᐌ  ᑲᐃᔕᔭᓐ  ᐁᒥᔑᓂᐗᒡ  ᐅᑭᒪᑲᓇᒃ  ᒥᓯᐌ  ᐸᑲᓂ  ᐊᓄᑭᐎᓂᒃ  — ᑎᓄᑲᓐ  ᒥᑎᑯᑫᐎᓂᒃ  ᐁᑯ  ᐱᒥᑎᐎ  ᐁᑯ  ᐗᓯᑲᒥᑌᐎ  ᐊᓄᑭᐎᓇᓐ  ᐁᑯ  ᒥᐦᐃᒪ  ᒪᔥᑲᐎᓯᐎᓐ  ᐗᑌᓂᑲᓇᓐ  ᑲᐅᓐᒋᓭᑭᓐ  ᐁᑯ  ᐊᓯᓂᑫᐎ  ᐊᓄᑭᓇᑲᓇᒃ.    ᑲᑭᐱᑭᑫᓐᑕᒪᓐ  ᑲᑭᐸᐸᒥᐊᓄᑭᔭᓐ  ᒥᔑᓐ  ᑭᑯᓇᓐ  ᑭᑫᓐᑕᒧᐎᓇᓐ  ᐁᐱᑐᔭᓐ  ᐅᐦᐅᒪ  ᐊᐱᑕᒪᑫᐎᓂᒃ  ᑫᑕᔑᒋᑲᑌᒃ.

ᐊᓂᓐ  ᐁᐃᔑᐊᓐᒋᓭᒃ  ᐊᓯᓂᑫᐎᓐ  ᐁᐃᓀᓐᑕᒪᓐ ᑲᑯᑭᑫᓐᑕᒪᓐ  ᑲᑯᐱᐳᒃ?

ᒥᐦᐅᐌ  ᒪᐗᒡ ᑫᐅᓐᒋᒥᓄᓭᐗᒡ  ᐊᓂᔑᓇᐯᒃ  ᑭᔥᐱᓐ  ᐅᐦᐅᐌᓂ  ᒪᓂᐱᑐᐗᒡ  ᑲᐱᔕᒪᑲᒃ  ᐊᓄᑭᐎᓐ.    ᒥᐦᐃᐌ  ᑲᓂᑲᓀᓐᑕᒪᓐ, ᑲᒪᔥᑲᐌᓐᑕᒪᓐ  ᐁᑯ ᓂᐊᓄᑭᐎᓐ.    ᐁᑯ  ᓂᐎᑾᔭᑯᒪᒃ  ᑲᑭᓇ  ᐊᐎᔭᒃ  ᐅᐦᐅᒪ  ᐁᐊᔭᔦᒃ  ᑲᓇᑕ  ᑲᔑᐊᑌᒃ  ᐅᔥᑭᒪᒋᑕᐎᓇᓐ  ᑫᐅᓐᒋᒥᓄᓭᓇᓂᐗᒃ.    ᓂᑕᒻ  ᑲᑭᒪᒋᑐᔦᒃ  ᐁᑭᐅᔑᑐᔦᒃ  ᒪᒋᑕᐎᓐ  ᑭᑯᓇᓐ  ᑲᓇᓐᑕᐌᓐᑕᑯᑭᓐ  ᐁᑯ  ᑭᐅᓐᒋᐎᒋᐦᐃᐌᒪᑲᑭᓐ  ᔭᐦᐃᒃ  ᑲᓇᑕ  ᐊᓯᓂᑫᐎᓂᒃ.    ᐁᑯ  ᓂᒪᔥᑲᐎ  ᐊᓂᒧᑕᓐ  ᐊᓂᔑᓂᓂᐎ  ᑕᔑᑫᐎᓇᓐ  ᑲᐎᑕᓄᑭᒪᐗᒡ  ᐅᔥᑭᒪᒋᑕᐎᓇᓐ  ᑫᐎᓂᐗ  ᑫᐅᓐᒋᒥᓄᓭᐗᒡ  ᒪᒋᑕᐎᓂᒃ.    ᐁᑯ ᓇᓂᑕ  ᑕᔑᑫᐎᓇᓐ  ᐁᔕᔾ  ᐌᔥᑾᒡ  ᐅᐦᐅᐌᓂ  ᐁᑭᐱᐅᓐᒋᐊᓄᑲᑕᒧᐗᒡ  ᐊᐱᒋᓐ  ᑯᑕᑭᔭᒃ, ᐁᑯ  ᑭᑯᓇᓐ  ᐁᑭᐅᓐᒋᑭᑫᓐᑕᒧᐗᒡ, ᑭᑫᓐᑕᓱᐎᓐ  ᐁᑯ  ᐁᑭᑎᐸᐱᔥᑯᒋᑫᒪᑲᒃ  ᑭᑯᓇᓐ.    ᒥᐦᐅᒪ  ᒪᔥᑲᐎᓯᐎᓐ  ᑲᔑᐊᑌᒃ  ᐁᑯ  ᐊᐯᓂᒧᐎᓐ  ᑲᐅᓐᑎᓇᒧᐗᒡ  ᑕᔑᑫᐎᓇᓐ  ᐁᑲ  ᒪᔑ  ᒪᑭᑕᐎᓐ  ᑲᒥᑲᒥᐗᒡ.    ᑕᑯ  ᓂᑲᓂᒃ  ᐊᔕᔾ  ᒥᔑᓐ  ᑕᔑᑫᐎᓇᓐ  ᐁᑭ  ᒥᑴᐗᒡ ᐅᔓᓂᔭᒥᐗ  ᑭᐅᓐᒋᒥᓄᓭᐗᒡ  ᐃᐦᐃᒪ  ᑲᐎᔑᐊᓄᑭᓇᓂᐗᒃ  ᐊᓯᓂᑫᐎᓂᒃ, ᑎᓄᑲᓐ  ᑲᒥᓄᐎᒋᐗᔦᒃ  ᐅᑯᑭ, ᑲᑎᐯᓐᑕᒧᐗᒡ  ᐸᑴᓂᑲᓐ  ᔭᐦᐃᒃ  ᓂᑲᓂᒃ  ᒥᑭᓯ  ᐅᐗᓯᓴᓐ  ᐊᓯᓂᑫᐎᑲᒥᒃ.    ᐁᑯ  ᓴᑲᑫᓐᑕᒧᐎᓐ  ᑕᑯ  ᒥᓄᐎᒋᐎᑐᐎᓐ  ᑲᔥᑭᒋᑲᑌᒃ, ᐅᔥᑭᒪᒋᑕᐎᓇᓐ  ᒋᐎᒋᐦᐃᑎᔦᒃ,ᐁᑯ  ᒋᒪᔥᑲᐎᓯᓇᓂᐗᒃ  ᓂᑲᓂᒃ  ᒥᐦᐅᒪ  ᑲᑭᔑᓂᑕᐎᑲᒃ  ᑲᑭᓇ  ᑫᐅᓐᒋᒥᓄᓭᐗᒡ.