ᐊᓄᑭᓇᑲᓐ ᐅᑎᐸᒋᒥᑯᐎᓐ – JP ᒃᓚᑐ

ᐃᔑᓂᑲᓱᐎᐣ:
JP ᒃᓚᑐ

ᐃᐡᑯᓂᑲᐣ:
ᐱᓐᑶ ᓀᔭᔑ ᐊᓂᔑᓇᐯᒃ

ᑭᑕᓄᑭᐎᐣ:
ᐅᑕᐱᑕᒪᑫ

 

ᐊᓂᓐ ᐁᓐᑐᑕᒪᓐ ᐃᐃᒪ Noront?

ᑭᒋᓀᑕᓐ ᒋᐎᒋᑐᔭᓐ ᐃᐃᒪ Noront ᑲᐃᔑ ᐊᐱᑕᒪᑫᓇᓂᐗᒃ᙮ ᒥᓇ ᑲᔦ ᓂᓂᑲᓂᔥᑲᓐ & CEO ᑎᓇᑭᔅ ᐃᐃᒪ ᑲᓇᑕ ᑲᓇᑲᒋᒋᐃᑲᑌᑭᓐ ᐊᓂᔑᓇᐯᒃ ᒪᒋᑕᐎᓇᓐ (CCAB) ᐅᓐᒋᓯᓭ ᒋᑭᑐᑕᒪᓐ ᒋᑲᓄᑕᒪᓇᓐ ᐊᓂᔑᓇᐯ ᐃᓯᓭᐎᓇᓐ ᒥᓯᑌᑲᒥᒃ ᐅᐅᒪ ᑲᓇᑕ ᒥᓇ ᒥᓯᐌ ᐊᐦᑭᒃ᙮ ᐯᔑᒃ ᐃᐃᐌ ᐃᓯᓭᐎᓐ ᒪᐗᒡ ᑲᑭᒋᓀᑕᒪᓐ ᐃᐃᒪ ᑲᑲᑕᑯᓇᑲᓀᐗᒡ ᐊᓂᔑᓇᐯᒃ ᐃᐃᒪ ᒪᒋᑕᐎᓇᓐ ᐅᑕᐱᑕᒪᑫᐎᓇᓐ᙮ Noront ᐅᓂᑲᓂᔥᑲᓐ ᐅᐅᐌᓂ ᐁᑐᑕᒧᐗᒡ᙮

ᐊᓂᓐ ᐁᔑᓇᑯᒃ ᐯᔑᑾ ᑲᑭᔑᑲᒃ ᑭᓐ ᐅᓐᒋ?

ᐃᐃᐌ CCAB ᐅᑕᓄᑭᑕᓇᐗ ᐃᐃᐌ ᐯᔑᑯᓐ ᑲᐃᔑᓇᑯᒃ ᐅᐅᒪ ᑲᓇᑕ ᐃᐃᐌ ᐅᓐᒋ ᐊᓂᔑᓇᐯ ᒪᒋᑕᐎᓇᓐ ᒥᓇ ᐃᐃᐌ ᑲᓇᑕ ᔓᓂᔭᑫᐎᓐ᙮ ᓂᑲᓇᐗᐸᑕᓐ ᑲᐃᔑᐱᒥᐎᒋᑲᑌᒃ ᒥᓇ ᑲᐅᓐᑎᓇᑲᓀᒡ ᔓᓂᔭ ᐃᐃᐌ ᐁᒪᒋᑭᒃ ᒥᓇ ᐁᒥᓄᑲᐸᐎᒪᑲᒃ ᒪᒋᑕᐎᓐ, ᐃᓂᐌᓂᐗᓐᑕᔥ ᑭᔑᑲᒪᓐ ᒣᒣᑭᓭᐗᓐ ᒥᓇ ᐁᒪᒪᐤᓄᑭᔭᒃ ᐅᑕᐱᑕᒪᑫᐎᓐ ᐊᓄᑭᐎᓐ, ᐁᐅᓇᒋᑫᔭᒃ ᒪᒪᐤᐱᐎᓇᓐ, ᐊᓄᑭᓇᑲᓇᒃ ᐁᑭᑭᓄᒪᐗᑾ ᒥᓇ/ᑲᔦᒪ ᐁᐅᓀᑕᒪᓐ ᑲᐃᔥᐸᑭᓐ ᒪᒋᑕᐎᓇᓐ ᐅᓀᑕᒧᐎᓇᓐ᙮ ᐁᔥᑲᒻ ᐃᓯᓭ ᐁᑲᓇᐗᐸᒪᒃ ᓂᒋᒋᑲᐦᐃᑲᓐ ᑕᐱᔥᑯᒡ ᑕᔑᑲᒋᑲᓐ ᐁᐃᔑᓇᑯᓯᒡ᙮ ᑭᒋᐸᐸᒥᔭᔭ ᐁᐸᐸᒥᐎᑕᒪᑫᔭᓇᓐ ᑲᐃᔑᑲᔥᑭᐦᐅᐗᒡ ᐊᓂᔑᓇᐯᒃ ᐅᒪᒋᑕᐎᓂᐗ ᐁᐸᐸᒥᑎᐸᒋᒧᔭᓐ ᒥᓇ ᐁᒪᒪᐤᐱᔭᒃ ᐃᐃᒪ ᒪᒋᑕᐎᓇᓐ ᑲᑕᔑᒪᒪᐤᐱᐗᒡ ᒥᓇ ᐅᑭᒪᐎᓐ ᐅᔑᐱᐦᐃᑫᐎᑲᒥᑯᓐ (ᐸᐸᒥᔭ ᐁᐃᓯᓭᒃ ᑫᑲᑦ 1m ᑕᓱᑎᐸᐦᐊᐸᓐ ᐁᐃᔑᐳᓯᔭᓐ Air Canada)᙮ ᒥᔑᓐ ᔭᐎᔭᒃ ᓂᐗᐸᒪᒃ ᒥᓇ ᐁᐱᒥᐎᑐᔭᓇᓐ ᐅᑎᐸᒋᒧᐎᓂᐗ ᐃᐃᒪ ᓂᑌᐦᐃᒃ ᒥᓇ ᓂᒥᑐᓀᒋᑲᓂᒃ — ᐁᑭᒋᓀᑕᑯᒃ ᐸᐸᒥᓯᐎᓐ ᐅᐅᐌ ᑭᑫᑕᒪᐎᓐ ᑲᐃᔑᓇᑕᐌᑕᑯᒃ ᒋᒪᔥᑲᐎᒋᑲᑌᑭᓐ ᒋᐅᓐᒋ ᒥᓄᓭᐗᒡ ᑭᑕᓂᔑᓇᐯᒥᓇᓐ᙮

ᐁᑯᓀᓐ ᒪᐗᒡ ᐁᔑᒥᓉᑕᒪᓐ ᑲ ᐊᓄᑭᑕᐗᒡ Noront?

ᑭᐃᓯᓭᐸᓐ ᒋᐗᐸᒪᒃ ᑲᓂᑲᓂᔥᑲᒃ, ᐊᓚᓐ ᑳᐅᑦᔅ ᐅᑕᓇᒃ ᑲᐱᐊᐦᑭᐗᑭᓐ᙮ ᐊᐱ ᑲᑲᑴᒋᒥᑯᔭᓐ ᒋᑭᐊᐱᑕᒪᑫᔭᓐ, ᒪᐗᒡ ᑭᒥᓉᑕᓐ᙮ ᐊᓪ ᑭᒋᓂᑲᓂᑕᒪᑫ ᐁᑭᒋᐊᓄᑭᒡ ᒥᓇ ᐁᑭᒋᓀᑕᒃ ᐁᑲ ᒋᐗᓂᐦᐊᑲᓀᐗᒡ ᑲᑭᓇ ᑲᐎᑕᓄᑭᒪᑲᓀᐗᒡ᙮ ᓂᒪᔥᑲᐌᑕᓐ ᒥᓇ ᐁᒥᓋᐸᑕᒪᓐ ᑭᓂᑲᓂᒥᓇᓐ ᐅᐅᒪ Noront ᐁᑕᔀ ᑲᒪᒪᐤᐱᔭᒃ ᐅᑕᐱᑕᒪᑫᒃ᙮ ᑲᐎᑕᓄᑭᒥᑎᐗᒡ ᐅᑕᔭᓇᐗ ᑭᒋᓀᒋᑫᐎᓐ ᒥᓇ ᒋᑲᓇᐗᐸᒋᑲᑌᒃ ᐊᓄᑭᐎᓐ ᑫᑐᒋᑲᑌᑭᓐ ᒥᓇ ᒋᒥᓄᓭᐦᐊᑲᓀᐗᒡ ᐅᐱᒪᑎᓯᐎᓂᐗ ᒥᓇ ᐅᔓᓂᔭᑫᒥᐗ ᐊᓄᔑᓇᐯᒃ᙮

ᐊᓂᓐ ᑲᑐᑕᒪᓐ ᐌᒋᐸᐸᒥᓯᔭᓐ ᓄᑕᓯᓂᑫᐎᓐ ᒪᒋᑕᐎᓂᒃ?

ᓂᐱᓄᒋᑐᓐ ᐊᐦᑭᐎᔓᓂᔭ ᒪᒋᑕᐎᓇᓐ ᒥᓂᑯᒃ ᑲᐱᒪᑎᓯᔭᓐ — ᓂᒥᓱᒥᓴᒃ ᑭᐱᐊᓄᑭᐗᒃ ᑲᒪᓇᑎᑾᓂᐗᒃ ᒥᓇ ᐊᐸᑲᒥᓂᑲᓐ ᒥᓇ ᐗᓯᑲᓂᐱᒥᑌ ᐊᓄᑭᐎᓇᓐ᙮ ᑭᐱᑭᑫᑕᓐ ᑲᓄᑕᓯᓂᑲᓂᐗᒃ 2009 ᒣᑾᒡ, ᐊᐱ ᑲᒪᑕᓄᑭᔭᓐ ᐃᐃᒪ ᑕᔑᑫᐎᓂᒃ, ᐱᓐᑶ ᓀᔭᔑ ᐊᓂᔑᓇᐯᒃ᙮ ᑲᐊᓂᒥᑭᐎᒡ ᐊᓯᓐ ᑭᓇᓇᑕᐗᐸᒪᑲᓀ ᐃᑭᐌᓂᐗᒃ ᑲᒪᒋᑕᐗᒡ ᐁᑭᐱᐅᑕᓭᐗᒡ ᓀᑲᐱᐦᐅᓄᒃ ᒥᓇ ᐃᐃᐌ ᒥᑲᓇ ᑭᔑᐱᒪᑕᒧᒋᑲᑌ ᐃᐃᒪ ᑕᔑᑫᐎᓂᓇᓐ᙮ ᑭᑌᐱᓇᒪᓱᒥᓐ ᐊᓄᑭᐎᓇᓐ, ᔓᓂᔭᑫᐎᓇᓐ ᒥᓇ ᑫᐅᓐᒋᓯᓭᒃ ᒋᓇᑕᒧᒃ, ᑭᐎᑕᓄᑭᒪᒥᓐ ᑯᑕᑭᔭᓐ ᐊᓂᔑᓇᐯ ᑕᐎᓇᓐ ᒋᐎᒋᐎᑯᔭᒃ ᑲᑭᔑᒥᓂᑯᔭᒃ ᒥᓄᓭᐎᓇᓐ ᐃᐃᒪ ᑲᑕᔑᓄᑕᓯᓂᑲᓂᐗᒃ᙮

ᐊᓂᓐ ᐁᔑᐗᐸᑕᒪᓐ ᐅᓂᑲᓂᒻ Noront ᐁᓂᒪᒋᑕᐗᒡ ᒋᐊᓄᑭᒪᑲᒃ ᓄᑕᓯᓂᑫᐎᑲᒥᒃ?

ᓄᑕᓯᓂᑫᐎᓐ ᑲᒪᒋᒋᑲᑌᒃ ᑕᓂᐊᓐᒋᓭᒃ ᑕᔑᑫᐎᓇᓐ᙮ ᐅᓐᒋᒥᓄᓭᐗᒃ ᒋᐅᔑᒋᑲᑌᑭᓐ ᔓᓂᔭᐎ ᒪᒋᑕᐎᓇᓐ ᐎᒋᐎᑎᐎᓇᓐ, ᐁᑭᒋᓀᑕᑯᑭᓐ ᐊᐱ ᑲᒪᒋᑕᓂᐗᒃ᙮ ᑎᔑᒪᔥᑲᐎᑌᐺᑕᓐ ᒋᑭᒋᐊᓄᑭᓇᓂᐗᒃ ᒋᔕᐳᔅᑭᑲᑌᑭᓐ ᑭᒪᓯᓭᐎᓂᓇᓐ ᒋᐅᓐᒋᓭᒃ ᑲᔥᑭᐦᐅᐎᓇᓐ᙮ ᐃᐃᐌ ᑲᑭᓇ ᑫᑯᓐ ᑲᑲᓇᐗᐸᒋᑲᑌᒃ ᐁᒪᒐᓂᐗᒃ ᓂᑲᓂᒃ ᒋᒪᔥᑲᐗᒃ, ᒋᔕᐳᔅᑭᑲᑌᑭᓐ ᒥᓇ ᒋᑭᒋᓀᑕᑯᑭᓐ ᐎᒋᐎᑎᐎᓇᓐ ᒋᐅᓐᒋ ᑲᓇᐗᐸᒋᑲᑌᒃ ᒥᓄᐎᒋᐎᑎᐎᓐ᙮ Noront ᐃᓯᓭᓂ ᒋᑭᑐᑕᒧᐗᒡ ᑲᓂᒪᒋᑕᓂᐗᒃ ᐃᐃᒪ ᑲᐃᔑᑭᓂᑾᓇᑌᒃ ᐃᔥᑯᑌ ᐊᐦᑭᒃ᙮ ᒋᓂᑲᓂᑐᑕᒧᐗᒡ ᐅᓄᐌᓂᐗᓐ ᒋᑲᓇᐗᐸᑕᒧᐗᒡ ᑲᑭᒋᓀᑕᑯᑭᓐ, ᒋᐅᓐᒋᓯᓭᓂᒃ ᒋᐎᒋᐦᐊᑲᓀᐗᒡ ᑲᓂᒪᒋᑕᐗᒡ ᒋᐊᓄᑭᒪᑲᒃ ᓄᑕᓯᓂᑫᐎᑲᒥᒃ᙮ ᓂᐗᐸᑕᓐ ᐁᐃᓯᓭᒃ ᐅᐅᐌ ᒥᔑᓉᒃ ᒥᓯᓶ ᑲᓇᑕ᙮

ᐃᐃᐌ ᑲᑕᓇᓄᑭᔭᓐ ᐃᐃᒪ CCAB ᑭᐎᒋᐦᐃᑯᓐ ᓇ ᐃᐃᐌ ᑲᐃᓇᑭᒥᑯᔭᓐ ᐃᐃᒪ Noront?

ᐁᐦᐊ ᑌᐺ! ᑲᐯᐦᐃᐱᑯ ᑭᔑᐸᔥᑲᑯᒃ ᑲᓂᑲᓂᔥᑲᒧᐗᒡ ᐃᓂᐌᓂᐗᓐ ᑲᐃᔑᓇᑲᒋᐗᒡ — ᒪᓇᑎᑴᐎᓇᓐ ᒥᓇ ᐊᐸᑲᒥᓂᑲᓂᒃ ᐊᓄᑭᐎᓐ ᒥᓇ ᐗᓯᑲᓂᐱᒥᑌ ᐊᓄᑭᐎᓐ ᒥᓇ ᑲᑲᓂᔑᐗᓇᒋᒋᑲᒪᑲᑭᓐ ᒪᒋᑕᐎᓇᓐ ᒥᓇ ᓄᑕᓯᓂᑫᐎᓐ ᒥᓇ ᑯᑕᑭᔭᓐ᙮ ᑲᐱᒥᑭᑫᑕᒪᓇᓐ ᐅᓄᐌᓂᐗᓐ ᐊᓄᑭᐎᓇᓐ ᑭᒋᐎᒋᐦᐃᑯᓇᓐ ᐃᐃᐌ ᑲᐃᔑᐱᒥᑕᔑᒋᑫᔭᒃ ᒣᑾᒡ ᐅᑕᐱᑕᒪᑫᒃ ᑲᒪᒪᐤᐱᐗᒡ᙮

ᐊᓂᓐ ᐁᔑᓇᑯᒃ ᓄᑕᓯᓂᑫᐎᓐ ᐁᔑᐊᓐᒋᓭᑭᓐ ᐅᐅᐌ ᐅᑕᓇᒃ ᑲᐱᐊᐦᑭᐗᒃ?

ᑐᒋᑲᓇᐗᐸᑕᓇᓐ ᐃᓂᐌᓂᐗᓐ ᔓᓂᔭᐎ ᒪᒋᑕᐎᓇᓐ ᑲᓂᔑᓇᐯᐎᔭᓐ᙮ ᒥᐦᐃᐌ ᒪᐗᒡ ᑲᑭᒋᓀᑕᒪᓐ, ᐁᓇᑲᒋᑐᔭᓐ ᒥᓇ ᑕᓄᑭᐎᓐ᙮ ᒋᒥᑯᐗᑕᒪᐗᒃ ᑲᑭᓇ ᔭᐎᔭ ᑭᓇᐎᓐᑦ ᑲᓇᑕ ᓂᑕᒻ ᐁᑭᒪᒋᑕᔭᒃ ᐅᐅᒪ ᐊᐦᑭᒃ᙮ ᑭᑭᒪᒋᑐᒥᓐ ᒪᒋᑕᐎᓇᓐ ᒋᐊᑕᐌᔭᒃ ᒥᓇ ᒋᐎᒋᐦᐃᐌᔭᒃ ᑲᓇᑕ ᓄᑕᓯᓂᑫᐎᓇᓐ᙮ ᓂᒪᔥᑲᐎᑲᓄᒋᑫᑕᒪᑫ ᐊᓂᔑᓇᐯᐎ ᑕᐎᓂᒃ ᑲᐎᒋᐗᐗᒡ ᔓᓂᔭᐎ ᒪᒋᑕᐎᓇᓐ ᑲᔑᐎᒋᑐᐗᒡ ᒋᒪᑕᓄᑭᒋᑲᑌᑭᓐ ᔓᓂᔭᐎ ᐊᐦᑭᐎᒪᒋᑕᐎᓇᓐ᙮ ᐊᓂᓐᑕ ᐊᓂᔑᓇᐯᐎ ᑕᐎᓇᓐ ᐊᔕ ᐌᔥᑲᒡ ᐅᑐᓐᒋᑐᑕᓇᐗ, ᒥᓇ ᐅᑕᔭᓇᐗ ᑭᑫᑕᒪᐎᓇᓐ, ᐁᐱᒥᑭᑫᑕᒧᐗᒡ ᒥᓇ ᐁᐅᓐᒋᔓᓂᔭᑫᐗᒡ᙮ ᐅᐅᐌ ᒪᔥᑲᐎᓯᐎᓐ ᒥᓇ ᑌᐺᑕᑎᐎᓐ ᐅᓐᒋᑕᑯᓐ ᐃᑭᐌᓂᐗᒃ ᐁᑲᒪᔑ ᑲᐃᔑᒪᒋᑕᐗᒡ ᐊᓂᔑᓇᐯᒃ ᒋᐅᓐᒋᐎᒋᐦᐃᑯᐗᒡ᙮ ᓂᑲᓂᒃ ᐊᓂᒥᔑᓄᐗᒃ ᐊᓂᔑᓇᐯᒃ ᐁᐸᑭᑎᓇᐗᒡ ᐅᔓᓂᔭᒥᐗ ᐃᐃᒪ ᑲᐃᔑᓄᑕᓯᓂᑲᓂᐗᒃ ᒪᒋᑕᐎᓇᓐ, ᑎᓄᑲᓐ ᐃᑭᐌᓂᐗᒃ ᑲᒥᓄᐎᒋᐗᔭᒃ ᐊᑯᑭᒃ, ᐁᐸᑴᑎᐯᑕᒧᐗᒡ ᐃᐃᒪ ᓂᑲᓂᒃ ᒥᑭᓯᐤ ᐗᓴᓴᓐ ᓄᑕᓯᓂᑫᐎᑲᒥᒃ᙮ ᐊᐱ ᑲᒪᒋᒋᑲᑌᑭᓐ ᐎᒋᐎᑎᐎᓇᓐ, ᔓᓂᔭᐎ ᒪᒋᑕᐎᓐ ᒪᒋᒋᑲᑌᐗᓐ, ᒥᓇ ᒪᐗᒡ ᐁᒪᔥᑲᐗᒃ ᐅᓂᑲᓂᒥᐗ ᐁᓂᑕᐎᑭᒋᑲᑌᒃ ᑲᑭᓇ ᔭᐎᔭ᙮

ᐊᑐᐣ ᑭᑎᑭᑐᐎᐣ