ᒪᐗᒡ ᑲᑕᑲᔭᒃ ᑭᔑᑲ ᐱᒋᑫᒪᑲᓐ ᑲᑭᔡᔭᒃ ᐃᓀᑕᒧᐎᓐ

ᓂᓐ ᑭᓓᓐ ᓄᓚᓐ, VP ᐅᑭᒪᐎᓐ ᐊᓄᑭᐎᓐ

Brrrr! ᑭᓓᓐ ᐁᐊᓄᑭᒡ ᐃᐃᒪ ᒉᒥᔅ ᐯ ᒪᔥᑭᑯᒃ

ᑲᓂᓴᓇᑲᒃ ᑲᐃᔑᐌᐸᒃ ᑭᔑᑲ, ᑲᐯᐦᐃ ᓂᓇᑲᑕᐌᓂᒪᒃ ᑭᑕᓄᑭᓇᑲᓂᓇᓐ᙮ ᐁᑲᐗᑎᑭᓐ ᑭᑐᑲᓇᓐ ᑲᔦᒪ ᒪᐗᒡ ᐁᑭᒋᓄᑎᒃ ᑲᔦᒪ ᒪᐗᒡ ᐁᑭᔑᑌᑭᓐ ᑲᓂᐱᒃ ᑭᔑᑲᓐ ᒥᓇ ᐁᐸᐸᒥᓭᐗᒡ ᑲᒪᑯᑕᐌᐗᒡ ᐅᒋᒃ, ᐁᑭᐌᒪᒥᑐᓀᑕᒪᓐ ᐃᓂᐌᓂᐗᓐ ᑭᔑᑲᒪᓐ ᐁᐊᓄᑭᔭᓐ ᐃᐃᒪ ᒉᒥᔅ ᐯ ᒪᔥᑭᑯᒃ ᐁᑕᐎᑲᐦᐃᑫᔭᓐ ᐁᐎᒋᐗᑾ ᑲᐎᑕᓄᑭᒪᑾ ᒣᑾᒡ ’79 ᒥᓇ ’95᙮

ᑭᑭᑫᑕᒥᓐ ᐁᑕᑲᔭᒃ ᐃᐃᐌ ᑲᑭᔑᑲᒃ ᐁᐗᐸᑕᒪᒃ ᐁᐸᔥᑭᓀᐸᑭᑕᓇᒧᔭᒃ ᐃᐃᒪ ᐱᑎᑲᒥᒃ ᒪᑐᑲᓂᒃ ᒣᑾᒡ ᑲᑭᔐᐸᐗᔑᒃ ᒥᓇ ᐁᐊᑯᑎᒃ ᐊᓴᒥᓴᒃ ᐁᐸᑭᓯᒋᐗᒃ ᒣᑾᒡ ᐁᑭᒋᓄᑎᒃ ᐊᑯᒋᒃ᙮

ᒥᐌ ᐁᑐᑕᒪᒃ ᐁᐳᑕᐌᔭᒃ ᐃᐃᒪ ᐃᔥᑯᑌᑲᓂᒃ, ᐁᑭᔑᑌᐳᔭᒃ ᑭᔐᐸᑾᓂᓇᓐ ᒥᓇ ᐁᐅᔑᑐᔭᒃ ᑫᓇᐗᑴᒋᑫᔭᒃ ᒣᑾᒡ ᐁᐊᓄᑭᔭᒃ ᑫᑐᑕᒪᒃ ᐁᑲ ᒋᐊᐱᔭᒃ ᐃᐃᒪ ᐊᒃᐯᔑᐎᓂᓇᓐ᙮ ᑭᒧᔥᑭᓇᑐᒥᓐ ᓂᐱᐎᐊᓯᐗᒋᑲᓇᓐ ᑎᐗᐳ ᒥᓇ ᑾᐱ ᒥᓇ ᐁᐊᐃᒋᐦᐃᔭᒃ ᒋᑭᓱᓯᔭᒃ ᑲᑭᔓᐗᑭᓐ ᑭᑭᔥᑲᒋᑲᓇᓐ᙮ ᐁᐊᑶᑕᐎᐱᓱᔭᒃ ᑭᑭᔥᑲᒋᑲᓇᓐ, ᑲᑭᔡᔭᑭᓐ ᒪᑯᑕᔭᓐ ᒋᑭᑭᔥᑲᒪᑭᓐ ᒥᓯᐌ ᓂᐎᔭᐎᓇᓐ᙮ ᐁᑭᔡᔭᑭᓐ ᒪᑭᓯᓇᓐ ᒋᑭᓱᓯᔭᒃ ᒥᓇ ᐁᑭᔡᔭᑭᓐ ᑕᓇᑾᓂᓇᓐ ᐁᒥᔕᐌᔭᑭᓐ ᓂᑎᑾᓂᓇᓐ, ᓂᒪᒐᒥᓐ ᒋᑕᐎᑲᐦᐃᑫᔭᒃ ᐃᐃᒪ ᑲᐃᔑᐸᑕᑭᓱᐗᒡ ᔑᑯᐱᒃ᙮

ᑭᑭᑫᑕᒥᓐ ᒋᐊᓐᑾᒥᓯᔭᒃ (ᒋᒥᓄᔭᔭᒃ ᒥᓇ) ᐁᓂᐊᐱᒋᑕᑲᔭᒃ ᐁᐃᓇᐱᑭᔥᑲᒃ -52᙮ ᑭᐊᓂᐱᒥᓂᔕᐦᐊᒥᓐ ᑲᑭᔑᐅᔑᑐᔭᒃ ᐊᑭᒥᑲᓐ ᐱᒪᑕᒧᓂᒃ ᐁᐱᒥᐗᓀᔭᒃ ᑲᐱᒥᐗᓇᑌᑭᓐ ᒥᓇ ᓂᐗᑲᑯᑎᓇᓐ ᐁᐱᒥᐎᑐᔭᒃ ᐅᐱᒣᐦᐃ᙮

ᑲᑭᔡᔭᑭᓐ ᑭᔑᑲᓐ ᑭᐳᑕᐌᒥᓐ, ᐁᑭᑎᐗᐳᑫᔭᒃ ᒥᓇ ᐁᑭᐎᓯᓂᔭᒃ ᓇᐗᑴᒋᑲᓂᓇᓐ᙮ ᑲᑕᑲᔭᑭᓐ ᑲᑭᔑᑲᑭᓐ, ᑭᑲᓇᐌᓂᒥᑎᓱᒥᓐ ᒣᑾᒡ ᐁᑭᔓᐦᐅᔭᒃ, ᐁᑲᔥᑭᒐᐸᐱᓱᔭᒃ ᒥᓇ ᐁᑲᐗᑎᑭᓐ ᓂᑾᓂᓇᓐ᙮ ᑭᑭᑫᑕᒥᓐ ᐊᐱ ᑭᐱᒋᔭᒃ ᒋᐊᓂᑲᐗᒋᔭᒃ, ᐊᐱ ᒋᑲᐗᒋᔭᒃ, ᐁᑲ ᐃᐃᐌ ᒋᑭᑐᑕᒪᒃ ᒋᑭᐱᒋᔭᒃ᙮ ᐊᐱ ᑲᐃᔥᑾ ᑭᔑᑲᒃ, ᑭᑭᐌᔥᑲᒥᓐ ᑲᐃᔑᑲᐯᔑᔭᒃ, ᐁᑭᑫᑕᒪᒃ ᒋᑭᑲᔥᑭᑐᔭᒃ ᐃᐃᐌ ᑕᓄᑭᐎᓂᓇᓐ ᒥᓇ ᒋᑭᓱᓯᔭᒃ᙮

ᑭᑭᔥᑲᒋᑲᓇᓐ ᓄᑯᒻ ᑲᑭᔑᑲᒃ ᓇᑲᓄᓐ ᒥᓇ ᐊᐗᔑᒣ ᑭᔡᔭᐗᓄᓐ,ᒥᓇ ᑲᐱᒥᐱᑌᑭᓐ ᐊᐸᒋᒋᑲᓇᓐ ᑭᐱᒥᐱᑌᐗᓐ ᒣᑾᒡ ᑲᑭᒋᑕᑲᔭᒃ, ᔕᑯᒡ ᑭᔭᐸᒡ ᐊᓂᒪᓐ ᒋᑭᑭᓱᓯᓇᓂᐗᒃ, ᒋᑭᒥᓉᒋᑲᑌᒃ, ᒋᐊᓐᑾᒥᓯᔭᒃ ᒥᓇ ᒋᑭᑲᔥᑭᐦᐗᒃ ᒣᑾᒡ ᑲᑭᒋᑕᑲᔭᑭᓐ ᑭᔑᑲᓐ᙮ (ᑲᒥᔕᐌᔭᒃ) ᑕᓇᑾᓐ ᑭᒋᑯᔥᑲᓐ ᐁᓂᓯᑕᐎᓇᐗᑾ ᑲᐯᔑᐎᓂᒃ ᑲᑕᓇᓄᑭᐗᒡ ᐁᑐᑕᒧᐗᒋᓐ ᐅᑕᓄᑭᐎᓂᐗ ᑾᔭᒃ ᒥᓇ ᐁᐊᓐᑾᒥᓯᐗᒡ ᑲᐯᐦᐃ ᐊᓂᓐ ᐃᑯ ᐁᔑᑭᔑᑲᑭᓐ!