ᒪᐗᒡ ᑲᑭᑕᑲᔭᒃ ᐁᐱᑐᒪᑲᒃ ᑲᑭᔑᐗᔭᐁᓐᑕᒪᓐ

ᔭᐦᐊ  ᑭᓓᓐ  ᓄᓚᓐ, ᐱᐱ  ᑭᒋᐅᑭᒪᐎᓐ  ᐊᓂᒪᒋᑫᐎᓐ

ᐱᕐᕐᕐ! ᑭᓕᓐ ᑲᐊᓄᑭᒡ ᔭᐦᐃᒃ ᒉᔾᒻᔅ ᐯᔾ ᑲᔑᑕᐸᓯᑕᓇᒃ

ᐁᑯ  ᑲᒪᒋᐌᐸᒃ  ᐊᑯᒋᒃ, ᔭᐦᐊᒃ  ᓂᒪᒥᑎᓀᓂᒪᒃ  ᐊᓄᑭᓇᑲᓇᒃ.    ᐁᑯ ᑎᑕᑯ  ᑲᑕᑲᔭᒃ  ᐁᑯ  ᐅᓴᒥᑯ  ᑲᑭᒋᓄᑎᒃ  ᑭᔦ  ᑲᐅᓴᒥᑭᔑᑌᒃ  ᑲᓂᐱᒃ  ᑕᑯ  ᑲᒥᔑᓂᐗᒡ  ᓴᑭᒣᒃ  ᐊᑯᒋᒃ  ᑲᒪᑯᑕᐌᐗᒡ, ᐁᑭᐌᓐᑕᒧᓭᔭᓐ  ᑫᓂᓐ  ᑲᑭᐱᓂᓄᑭᔭᐸᓐ  ᐅᑕᓇᒃ  ᐌᑎ  ᒉᔾᒻᔅ  ᐯᔾ  ᑲᔑᑕᐸᓯᑕᓇᒃ  ᐁᑭᑕᐗᑲᐦᐃᑫᔭᓐ  ᓄᐱᒥᒃ  ᒥᐦᐃᐌ  ᑲᑭᐱᓇᓄᑭᔭᐸᓐ  ᒣᑾᒡ  ’79 ᐁᑯ  ’95.

ᑭᑫᓐᑕᒥᓇᐸᓐ  ᒋᑕᑲᔭᒃ  ᓇᑯᒻ  ᐃᐦᐃᒪ  ᑲᓂᑭᔑᑲᒃ  ᐁᐗᐸᑕᒣᒃ  ᑲᐸᔥᑭᓀᓭᒃ  ᑲᐸᑭᑎᓇᒧᔦᒃ  ᐃᐦᐃᒪ  ᐱᑎᑲᒥᒃ  ᒪᑐᑲᓂᒃᒃ  ᑲᑭᔑᐌᑄᔑᒃ  ᐁᑯ  ᑲᐊᑯᒋᓭᒃ  ᐊᓴᒪᑎᑯᒃ  ᐁᑯ  ᐃᑭᑭᐗᓂᓭᒃ  ᑕᔅᐗ  ᑲᑭᒋᓄᑎᒃ.

ᑭᐳᑕᐌᒥᓐ  ᐃᔥᑯᑌᑲᓇᐱᑯᒃ, ᑭᔐᐸᐎᓯᓂᐎᓐ  ᑭᓯᓴᒥᓐ  ᐁᑯ  ᓇᐎᑴ  ᐎᓯᓂᐎᓐ  ᓂᐌᐯᒪᑐᒥᓐ ᐸᓂᒪ  ᒋᓇᐗᐱᐎᓂᑫᔦᒃ  ᒋᒪᒋᐎᑐᔦᒃ  ᐊᓐᑐᐊᓄᑭᔦᒃ  ᐌᑎ  ᑲᐯᔑᐎᓂᒃ.    ᐁᑯ  ᑭᒧᔥᑲᓇᑐᒥᓐ  ᑫᒥᓂᑾᑕᒣᒃ  ᑎᐗᐳ  ᐁᑯ  ᑲᐱ  ᐁᑯ  ᑭᑭᔓᐦᐅᒥᓐ.    ᒥᔑᓐ  ᐅᑭᒋ  ᐱᑯᓀᓴᓐ, ᔑᐸᑌᐗᓐ, ᑭᔑᑭᔥᑲᓇᑴᐗᔭᓐ, ᐱᓯᑾᑲᓀᔅ  ᐁᑯ  ᑭᒋᒪᑯᑦ  ᒥᓯᐌ  ᐁᑭᔓᐦᐅᔦᒃ.   ᑕᑯ  ᐸᔥᑴᑭᓀᓴᓐ  ᐅᓯᑎᒃ  ᐁᑯ  ᑭᒋ  ᒧᓯᔭᓐ  ᐊᓂᑾᓇᓐ ᐅᑎᑾᓂᒃ  ᐱᓯᑲᒥᓐ, ᒥᑕᔥ  ᑲᔥᑾ  ᐗᐌᐱᓯᔦᒃ ᐁᑭᓴᑲᐦᐊᒣᒃ  ᐁᑭᐊᓐᑐᐊᓄᑭᔦᒃ  ᐁᑭ  ᐊᓐᑐ  ᑲᐗᐦᐊᔦᒃ  ᔓᑯᐱᒃ.

ᐎᓐᑫ  ᑭᑌᐺᓐᑕᒥᓐ  ᐁᑲ  ᑫᑯᓐ  ᒋᔑᒪᓯᓭᔦᒃ  (ᐁᓴᑲᑫᓐᑕᒣᒃ  ᑫᔦ) ᔕᑯᒡ  ᐊᑯᒋᒃ  ᒪᐗᒡ  ᐁᑕᑲᔭᒃ  -52.    ᐌᑎ  ᑭᐱᒥᔭᒥᓐ  ᒥᑲᓇᒃ  ᐊᑭᒪᒃ  ᐁᑭᐊᐸᒋᐦᐊᔦᒃ  ᐁᐱᒥᐎᑐᔦᒃ  ᐸᔥᑴᐗᔕᓐ  ᐁᑯ  ᐗᑲᑯᑕᓐ.

ᐁᑯ  ᑲᑭᔑᐗᔭᒃ  ᑭᐳᑕᐌᒥᓐ  ᐊᑯᒋᒃ, ᑭᑎᐗᐳᑫᒥᓐ  ᐁᑯ  ᑭᒥᓂᑐᒥᓐ  ᑲᑭᓇᐗᐳᔦᒃ  ᓇᐎᑴ  ᒥᒋᒻ.    ᐁᑯ  ᑲᑕᑲᔭᒃ, ᒪᐗᒡ  ᐁᑭᑭᔓᐦᐅᔦᒃ, ᐊᓇᑾᓐ  ᐁᑯ  ᐁᑕᑲᓯᒃ  ᐁᑕᑭᓐᑴᓭᔦᒃ.    ᑭᑫᓐᑕᒥᓐ  ᑭᔥᐱᓐ  ᑭᐱᒋᔦᒃ  ᑲᑲᐗᒋᒥᓐ, ᑕᓂ  ᑕᑭᓭ, ᒥᐦᐃᐌ  ᒋᒪᓇᒋᑲᐗᒋᔦᒃ.    ᐁᑯ  ᑲᓂᔥᑾ  ᐊᓄᑭᔦᒃ, ᒥᑕᔥ  ᐁᑭᓂ  ᑭᐌᔥᑲᔦᒃ  ᑲᔑᑲᐯᔑᔦᒃ, ᒥᐦᐃᐌ  ᐁᒥᓀᓐᑕᒣᒃ  ᐁᑭᑭᔑᑐᔦᒃ  ᐊᓄᑭᐎᓐ  ᐁᑯ  ᐁᑲ  ᐁᑭᑲᐗᒋᔦᒃ.

ᓄᑯᒻ  ᐱᑯᓇᓐ  ᑲᐎᓂᓐ  ᓇᐱᒡ  ᒋᑭᔑᐌᑲᑭᓐ  ᐁᑯ  ᓇᓂᑕ  ᑭᔑᐌᑲᓄᓐ, ᐁᑯ  ᑲᐱᒥᑌᑭᓐ  ᐁᑲ  ᐁᐊᑯᑎᑭᓐ  ᓄᑯᒻ, ᔕᑯᒡ  ᐁᔥᑲᒻ  ᓴᓇᑫᓐᑕᑯᓐ  ᒋᑲᑴ  ᑭᔓᔑᓇᓂᐗᒃ, ᒋᒥᓀᓐᑕᒪᓐ, ᐁᑯ  ᒋᒪᓯᓭᔦᒃ, ᐁᑯ  ᒋᒥᓄᓭᒃ  ᐊᓄᑭᐎᓐ  ᑲᑕᑲᔭᒃ.    ᓇᑕᐦᐃᒻ  (ᑲᐱᔅᐌᔭᒃ) ᐊᓇᑾᓐ  ᑭᒋᑴᐱᔥᑲᓐ  ᐁᐗᐗᑕᐦᐊᒪᑾ  ᑲᐯᔑᐎᓂᒃ  ᐊᓄᑭᓇᑲᓐ  ᐁᒥᓄᑐᑕᒧᐗᒡ  ᐊᑕᓄᑭᐎᓂᐗ  ᐁᑯ  ᒋᐊᑾᒥᓯᐗᒡ  ᐊᓄᑭᐎᓂᒃ ᒣᑾᒡ  ᑫᔦ  ᑲᒪᒋᐌᐸᒃ!

ᐅᐦᐅᒪ ᐃᔑᓇᑴᑕᓐ