ᐁᑭᒋᒧᓇᐦᐃᑲᓂᐗᐠ: ᑲᑌᐺᓭᐠ ᐁᑭᒋᓀᑕᑯᐠ ᑭᑭᓄᒪᑫᐎᐣ

ᐣ ᕒᐊ˙ᑕᐣ ᐢᐯᓂᐢ, ᐊᐦᑭᐎᓇᑲᒋᒋᑫᐎᐣ ᐊᓄᑭᓇᑲᐣ

ᓂᑕᒼ ᐅᐅᒪ ᑲᓄᑭᔭᐣ Noront ᐁᑭᐎᒋᑐᔭᐣᑲᑭᑭᒋᐊᓄᑭᓇᓂᐗᐠ ᒧᓇᐦᐃᑫᐎᓇᐣ ᐃᐃᒪ ᒪᐠᐹᓬᐟᐢ ᓴᑲᐦᐃᑲᓂᐠ ᒣᑾᐨ 2014᙮ ᐃᐃᐌ ᐊᐱ ᑭᐅᑕᐱᓇᓇᐣ ᑯᑕᑭᐊᐣ ᐊᓄᑭᐎᓇᐣ, ᒥᓇ ᓄᑯᒼ ᐁᓇᓄᑭᐊᐣ ᐊᐦᑭᐎᓇᓇᑲᒋᒋᑫᐎᐣ ᐊᓄᑭᓇᑲᐣ ᐅᐅᒪ ᐁᐢᑯᕒ ᑲᐯᔑᐎᓂᐠ ᐁᐎᒋᐦᐊᑾ ᑲᓇᑲᒋᐗᐨ ᐊᐦᑭᐎᓇᓇᑲᒋᒋᑫᐎᐣ ᒥᓇ ᐁᐊᓄᑭᑕᒪᓇᐣ ᑲᒧᓇᐦᐊᓯᓂᐗᑌᑭᐣ᙮

ᕒᐊ˙ᑕᐣ (ᐅᑕᓇᐠ ᐊᐱᑕ) ᐊᓇᒪᑲᒥᐠ ᒣᑾᐨ ᑲᑭᑭᓄᒪᐗᑲᓀᐨ

ᓄᑯᒼ ᑭᑭᔑᑐᐣ ᐃᐃᐌ KKETs ᐅᑭᑕᑲᒥᐠ ᒥᓇ ᐊᓇᒪᑲᒥᐠ ᒧᓇᐦᐃᑫᐎᐣ ᐊᓄᑭᐎᓇ ᑭᑭᓄᒪᑫᐎᐣ ᐁᑭᑕᔑᑐᒋᑲᑌᐠ ᐃᐃᒪ Norcat ᑭᑭᓄᒪᑫᐎᑲᒥᑯᐠ ᐃᐃᒪ ᓴᐟᐳᕒᐃ᙮ ᐌᐣᒋᑭᐅᑕᐱᓇᒪᐣ ᐊᐗᔑᒣ ᒋᓇᑲᒋᔭᐣ ᐊᐗᔑᒣ ᒋᐊᓂᒪᒋᑭᔭᐣ ᑕᓄᑭᐎᓂᐠ, ᐊᐗᔑᒣ ᒋᓇᑲᒋᔭᐣ ᒥᓇ ᑾᔭᐠ ᒋᓀᑕᒪᐣ ᑕᓄᑭᐎᓇᐣ᙮ ᐃᐃᐌ ᑭᑭᓄᒪᑫᐎᐣ ᑭᑭᑫᑕᐣ ᐊᓄᑭᐎᓂᐠ ᐊᐣᑾᒥᓯᐎᓇᐣ, ᒋᒪᓇᒋᒋᑲᑌᐠ ᐊᐦᑭᐎᓇᐣ, ᑾᔭᐠ ᓇᑲᒋᐎᓇᐣ, ᑫᑭᑐᒋᑲᑌᑭᐣ ᒪᔭᒼ, ᒋᒥᓄᓭᑭᐣ ᐊᔭᒥᐎᓇᐣ ᒥᓇ ᒋᐎᑕᓄᑭᒪᑲᓀᐨ ᐊᓄᑭᓇᑲᓇᐠ — ᒥᓂᐌᓂᐗᐣ ᑲᑭᓇ ᐊᓄᑭᐎᓇᐣ ᑲᐎᒋᑐᐨ ᑲᐃᔑᒧᓇᐦᐃᑲᓂᐗᐠ ᑲᐎᒋᑐᓇᓂᐗᐠ᙮

ᑲᑭᔑᒥᓉᑕᒪᐣ ᐃᐃᐌ ᑭᑭᓄᒪᑫᐎᐣ ᐃᐃᒪ ᑲᑭᑐᒋᑲᑌᑭᐣ ᑭᑭᓄᒪᑫᐎᓇᐣ ᐁᑭᑐᑕᒪᑭᐣ ᑲᑭᔑᑭᑭᓄᒪᑯᔭᐠ — ᐁᐱᒥᐎᓇᑲᓀᐗᐨ ᐃᑭᐌᓂᐗᐠ ᑲᐸᒥᓂᑲᑌᑭᐣ ᒧᓇᐦᐃᑫᐎᓇᐣ ᐊᓇᒪᑲᒥᐠ ᒥᓇ ᑲᐅᓇᐱᒋᑲᑌᑭᐣ, ᑲᐅᒼᐱᓂᑲᑌᑭᐣ, ᑲᐎᑯᐱᒋᑲᑌᑭᐣ ᒥᓇ ᐁᐸᒥᓇᑲᓀᐨ ᐊᐊᐌ ᐊᓯᐣ᙮ ᐁᐡᑲᒼ ᐃᓯᓭ, ᐁᓴᓇᑲᐠ ᑭᓉᐡ ᑕᓱᑎᐸᐦᐃᑲᐣ ᐁᐊᐱᓇᓂᐗᐠ ᒣᑾᐨ ᑲᑭᑭᓄᒪᑫᓇᓂᐗᐠ ᐱᐣᑎᑲᒥᐠ ᐁᒥᓉᑕᒪᐣ ᓂᐣ ᑲᑐᑕᒪᓇᐣ ᑭᑭᓄᒪᑯᐎᓇᐣ, ᐁᐃᔑᒥᓉᑕᒪᐣ ᐅᐅᐌ ᓂᐣ᙮ ᒪᐗᐨ ᑭᒥᓉᑕᐣ ᐃᐃᐌ ᑲᑭᔑᑭᑭᓄᒪᑯᔭᐣ ᐊᓂᐡ ᑭᑭᑫᑕᓇᐣ ᐅᐡᑭ ᓇᑲᒋᐎᓇᐣ ᒋᑭᐊᐸᒋᑐᔭᐣ ᐃᐃᒪ ᓄᑕᓯᓂᑫᐎᓂᐠ ᐊᓄᑭᐎᐣ᙮

ᐁᓇᑲᓇᑾ ᑎᐯᒋᑫᐎᓂᐠ ᒥᓇ ᑲᒥᓄᐎᒋᐗᑾ ᑭᓉᐡ ᐁᐃᓯᓭᐠ ᓴᓇᑫᑕᑯᐣ, ᔕᑯᐨ ᐅᐅᐌ ᐱᒪᑎᓯᐎᐣ ᑲᑲᑴᑲᐡᑭᐦᐅ ᐊᐗᔑᒣ ᒋᑭᒥᓄᔭᔭᐣ ᒥᓇ ᑲᐎᐣ ᑲᑭᒪᒐᓯᐣ ᑲᔦᒪ ᒋᑭᒪᒋᑭᔭᐣ ᐁᑲ ᑭᐡᐱᐣ ᓇᑭᐡᑲᒪᓂᐣ ᑲᓴᓇᑲᑭᐣ ᐃᓂᐌᓂᐗᐣ ᐃᓯᓭᐎᓇᐣ᙮

ᒥᓯᐌ, ᑎᔑᑌᐺᑕᐣ ᑭᑭᓄᒪᑯᐎᐣ ᐁᑭᒋᓀᑕᑯᐠ ᒥᔑᐣ ᑫᑯᓇᐣ ᐅᐣᒋ᙮ ᑭᐎᒋᐦᐃᑯᐣ ᒋᓂᓯᑕᐎᓇᒪᓂᐣ ᐊᐣᑾᒥᓯᐎᓇᐣ ᒥᓇ ᑫᐃᔑ ᒪᒥᓄᑐᔭᓂᐣ, ᒋᐊᓂᒥᓄᓭᑭᐣ ᑭᓇᑲᒋᐎᓇᐣ ᐃᐃᒪ ᑭᑕᓄᑭᐎᓂᐠ ᒥᓇ ᑭᐎᒋᐦᐃᑯᒥᐣ ᐊᐗᔑᒣ ᒋᒥᓄᓭᐠ ᑭᑕᓄᑭᐎᓂᓇᐣ ᑲᐃᔑᑲᐡᑭᑐᔭᐠ᙮ ᓂᑲᒋᓂᔕᐦᐋᐠ ᑲᑭᓇ ᒪᑕᐗ ᐃᐡᑯᓂᑲᓇᐣ ᑲᐅᐣᒋᐗᐨ ᐊᓂᔑᓇᐯᐠ ᒋᐅᑕᐱᓇᒪᓱᐗᐨ ᐃᓂᐌᓂᐗᐣ ᑭᑭᓄᒪᑫᐎᓇᐣ ᑲᑐᑕᒧᐗᐨ KKETs.

ᐊᐗᔑᒣ ᐎᑭᑫᑕᒪᐣ ᐃᓂᐌᓂᐗᐣ KKETs ᑭᑭᓄᒪᑫᐎᓇᐣ, ᐃᐃᒪ ᐃᔕᐣ www.kkets.ca ᑲᔦᒪ ᑲᑭᑲᓄᓇ ᒉᓴᐣ ᐱᓬᑳᐅᐢᑭ ᐃᐃᒪ jbilkowski@matawa.on.ca

ᕒᐊ˙ᑕᐣ ᐁᓯᑭᓇᐠ ᐊᓯᓂᐗᔕᐣ ᐁᐊᐸᒋᑐᒋᐣ ᑲᑭᑎᓂᑲᑫᓇᓂᐗᐠ

Photo Credit: Taken by NORCAT