ᐁᑯᓀᓐᑕᔥ ᐅᐅᒪ ᓱ?

ᔭᐦᐊ ᐃᑎᐱᓐ ᐱᓓᐌᓕᓐᒃ, ᓯᑎᐅ

ᒪᓐᑯ ᑭᓯᔅ 7, 2019, ᓄᕐᐊᓐᑦ ᐅᑭᐎᓐᑕᓇᐗ ᓴᓪᑦ ᓭᓐᑦ ᒪᕆ ᑫᔑᐊᑌᒃ ᓂᑲᓂᒃ ᔭᐦᐃ ᐗᐌᔑ ᐊᓯᓂᑫᐎᑲᒥᒃ᙮

ᓴᓪᑦ ᓭᑦ ᒪᕆ ᐅᑌᓇᐎ ᐅᑭᒪ ᑭᕆᔅᑕᓐ ᐱᕈᐸᓐᔅᓄ ᐁᑭᐎᓐᑕᒃ ᐃᐃᒪ ᒋᑕᔑᐎᓇᓂᐗᒃ ᐗᐌᔑᐊᓯᓂᑫᐎᓐ᙮

ᐅᐅᐌ ᓂᔑᐱᐳᓐ ᑭᐱᓇᓇᑲᒋᒋᑲᑌ ᒣᑾᒡ ᓂᐎᓐ ᐅᑌᓇᒃ ᒋᐅᑕᐱᓂᑲᑌᒃ ᔕᑯᒡ ᒥᐦᐅᐌ ᒪᐗᒡ ᐁᑭᒥᓇᐗᔑᒃ ᑫᔑᐊᓄᑲᑌᒃ ᐗᐌᔑ ᐊᓯᓂᑫᐎᓐ᙮  ᐁᑯᓀᓐᑕᔥ ᐁᑭᐅᓐᒋᐅᑕᐱᓇᒣᒃ ᐅᐅᐌ ᐅᑌᓇᒃ ᓱ?

ᓂᑕᒻ, ᐱᓇᒪ ᑕᑭ ᐎᓐᑕᒥᓐ ᔭᐦᐃᓐ ᑭᒋᓂᑯᓯᑫᐎᒋᑲᓇᓐ ᑭᓇᐌᔥ ᐁᐃᓯᓭᒃ ᒋᐗᐌᔑᒋᑲᑌᒃ ᐁᑯ ᐁᐊᑭᑌᒃ ᒋᐅᔑᒋᑲᑌᒃ᙮  ᒥᑕᔥ ᐅᐅᐌ, ᑭᒋᓂᑯᓯᑫᐎᒋᑲᓇᓐ ᐅᔑᒋᑫᐎᓐ ᐁᑕ ᐁᐅᔑᒋᑲᑌᒃ ᒥᑌᐦᐁ ᔓᓂᐎ ᐊᓯᓐ ᒥᑭᑲᑌᒃ ᑭᓂᐌᔥ ᒋᐃᓯᓭᒃ ᒋᓂᑭᓯᑲᑌᒃ ᑕᐱᔥᑭᒡ ᐊᐗᔑᒣ ᒥᑕᓯ ᐱᐳᓐ ᑫᒪ ᐊᐗᔑᒣ᙮  ᓄᕐᐊᓐᑦ  ᓂᓯᓐ ᐁᑭᒥᑭᑲᑌᒃ ᔭᐦᐃ ᑲᒪᔥᑲᐎᓯᒡ ᐊᓯᓐ ᒥᑌᐦᐁ ᐃᐃᒪ ᐊᑭᓐᒃ ᐁᑯ ᐁᑭᑭᑫᓐᒋᑲᑌᒃ ᒋᒥᓄᓭᒃ ᒋᐊᑕᐗᑌᒃ ᒥᓯᐌ ᐅᐅᒪ ᑲᑌᓇᑭᔭᒃ ᑕᐱᔥᑯ ᑯᑕᒃ ᐱᐳᓐ ᒋᐱᒥᐊᓄᑭᓇᓂᐗᒃ᙮

ᒥᑕᔥ ᐅᐅᐌ ᑲᑭᑲᑴᑭᑫᓐᒋᑲᑌᒃ ᒋᑄᒪᑕᓄᑭᔦᒃ ᐃᐃᒪ, ᐱᓇᒪ ᒋᑫᑫᓐᑕᑯᒃ ᒋᒥᓄᓭᒃ ᐃᐃᒪ ᒋᑕᓇᓄᑭᓇᓂᐗᒃ ᑕᑯ ᒪᔭᒃ ᑲᑭᔑᒥᑭᑲᑌᒃ ᔑᓂᔭᐎ ᐊᓯᓐ (ᒥᐦᐅᐌ ᒋᐌᓐᒋᓭᒃ ᒥᐎᓂᑲᑌᒃ ᐊᓯᓐ ᑲᒧᓇᐦᐃᑲᑌᒃ ᑕᑯ ᑕᐌᓐᑕᓐ) ᑫᒪ ᓂᐱᑲᒃ (ᒥᐦᐅᐌ ᑭᔥᐱᓐ ᒋᐌᓐᑕᑭᑌᒃ ᐱᒥᐎᒋᑲᑌᒃ ᑲᑭᒧᓀᐦᐃᑲᑌᒃ ᑕᑯ ᑲᔑᐊᑕᐗᑌᑭᓐ)᙮  ᔭᐦᐃᒃ ᐱᐗᐱᑯᑲᓂᒃ ᐃᐃᒪ ᑌᑕᑯ ᐁᒪᔥᑭᑯᐎᑲᒥᑲᒃ, ᑕᑯ ᐁᓂᐱᐗᒃ ᐃᐃᒪ ᑕᑯ ᑲᐎᓂᓐ ᑫᑯᓐ ᐃᔥᑯᑌᐎᔭᐱᓐ ᒋᐃᓇᐱᑫᓯᓐ ᐃᐃᒪ, ᑲᐎᓂᓐ ᑕᔥ ᑕᒥᓄᓭᓯᓐ ᐃᐃᒪ ᒪᔭᒻ ᒋᑭᔑᐅᔑᒋᑲᑌᒃ ᑲᔑᐊᓯᓀᑫᓇᓂᐗᒃ᙮  ᒥᑕᔥ ᐅᐅᐌ ᑲᑭᐅᓐᒋᑐᒋᑲᑌᒃ, ᐁᑭᒪᒋᑐᔦᒃ ᓂᐒ ᑭᒋ ᐅᑌᓇᒃ ᐁᑭᓇᓐᑕᐗᐸᑕᒣᒃ ᑫᑕᔑᐗᐌᔑᐊᓯᓂᑫᓇᓂᐗᒃ᙮

ᑲᑲᑭᓇ ᑭᒋᐅᑌᓇᒃ ᑕᔑᑫᐎᓇᓐ ᒥᔑᓐ ᐊᔕᔾ ᑫᑯᓇᓐ ᐃᐃᒪ ᐁᐃᐊᑌᑭᓐ ᑫᐅᓐᒋᒥᓄᓭᒃ ᐗᐌᔑᐊᓯᓀᑫᐎᓐ, ᔕᑯᒡ ᐯᔑᒃ ᐁᑕ ᑭᒥᑭᑲᑌ ᑲᑭᓇ ᑾᔭᒃ ᑫᑯᓇᓐ ᑲᓇᓐᑕᐌᓐᑕᑯᑭᓐ ᑭᐊᑌᐗᓐ ᐃᐃᒪ ᐅᑌᓇᒃ, ᐃᔥᑫᑌᐎᔭᑉ, ᐊᓯᓂᑫᐎ ᐊᓄᑭᓇᑲᓇᒃ, ᑕᔑᑫᐎ ᐎᒋᐦᐃᐌᐎᓇᓐ ᐁᑯ ᓴᑫᐦᐃᑲᓂ ᐯᔑᓇᑯᓐ ᑫᔑᐊᑌᒃ ᐗᐌᔑᐊᓯᓂᑫᐎᑲᒥ ᔭᐦᐃᒃ ᑲᔑᑭᒋᑲᒥᐗᒃ᙮  ᓴᓪᑦ ᓭᑦ ᒪᕆ ᐅᑌᓇᒃ ᐁᐌᓐᑕᑭᑌᒃ ᐊᓄᑭᐎᓐ ᑕᑯ ᑭᔑᒥᑲᒥᓐ ᑭᓇᐌᔥ ᒋᐱᒥᔭᒪᑲᒃ ᐃᐃᒪ ᐃᔑᐊᓄᑭᔦᒃ ᑕᑯ ᐁᒥᓇᐗᔑᒃ ᒋᑕᔑᐊᓄᑫᓇᓂᐗᒃ᙮