ᐁᑾ ᐊᕒᐅᓬᐊᐣᐟ

ᓂᐣ ᐊᓬᐊᐣ ᑳᐅᐟᐢ, ᑲᐅᑭᒪᐎᐨ ᒥᓇ CEO

ᐁᕒᐅᓬᐊᐣᐟ ᐊᓂᔑᓇᐯᐠ ᐃᐃᒪ ᐃᔑᐊᑌ 20 ᑕᓱᑎᐸᐦᐊᐸᐣ ᓀᑲᐱᐦᐅᓄᐠ ᓇᑭᓇ ᐃᐃᒪ ᑭᐌᑎᓄᐠ ᐅᐣᑌᕒᐃᔪ ᒥᓇ ᐁᑕᔑ ᐅᑕᐦᑭᐗᐨ ᐃᐃᒪ ᔕᐗᓄᐠ ᑲᐎᔑᐊᒋᑲᑌᐠ ᐃᐃᐌ ᓀᓋᑯᒥᑲᓇ ᑭᐌᑎᓄᐠ ᒥᓇ ᔕᐗᓄᐠ ᑲᐎᓇᑕᒧᒋᑲᑌᐠ ᒋᓇᑕᒧᐠ ᑲᐃᔑᑭᓂᑾᓇᑌᐠ ᐃᐡᑯᑌ ᐊᐦᑭᐠ᙮

ᐋᓬᐊᐣ ᒥᓇ ᐅᑭᒪᑲᐣ ᑕᕒᐅᑎ˙ ᒣᑾᐨ ᑲᑐᒋᑲᑌᐠ AGM

Noront ᐊᓄᑭᓇᑲᓇᐠ ᑭᑭᐅᑌᐗᐠ ᐃᐃᒪ ᐊᕒᐅᓬᐊᐣᐟ ᒣᑾᐨ ᑲ ᐊᐱᑕᐗᑭᓱᐨ ᒣ ᑭᓯᐢ ᒋᑭᓂᓯᑐᒋᑲᑌᐠ ᑲᐃᔑᑲᓇᐗᐸᑕᒧᐗᐨ ᒥᓇ ᔓᓂᔭᐎᒪᒋᑕᐎᓇᐣ ᑲᐃᓇᒋᑫᐗᐨ ᐅᑭᒪᑲᐣ ᒥᓇ ᐅᑭᒪᔑᔕᐠ ᑲᐃᓇᒋᑫᐗᐨ ᐃᐃᒪ ᐃᐡᑯᓂᑲᓂᐠ᙮

ᒪᒪᐤ, ᑭᐸᐸᒥ ᐁᐃᓇᐱᒥᐣ ᐃᐃᒪ ᐃᐡᑯᓂᑲᓂᐠ ᒥᓇ ᐁᑭᐱᒥᐱᓱᔭᐠ ᐃᐃᒪ ᑲᑭᓀᐱᑯᐎᓯᐠ ᒥᑲᓇ, ᑕᓂ ᒥᓋᔑᒋᑲᑌ ᐃᐃᐌ ᒥᑲᓇ ᒋᐊᐸᒋᑐᐗᐨ ᐊᓂᔑᓇᐯᐠ ᒥᓇ ᑲᒪᒋᑕᐗᐨ ᐊᑭᑲᐠ ᐌᑎᓀᑫ ᒋᓇᑕᒧᐠ ᑭᐌᑎᓄᐠ᙮ ᒥᓇ ᑭᐗᐸᑕᒥᐣ ᑲᐃᔑᐱᒪᑕᒧᐠ ᐃᐃᐌ ᐃᐡᑯᑌᐎᑕᐸᐣ ᑲᑭᔑᐱᒪᑐᐨ CN ᐃᐃᒪ ᑲᐯᓬ, ᒋᑭᓇᐸᒋᒋᑲᑌᐠ ᒋᑭᐅᐣᒋ ᐳᓯᐦᐊᑲᓀᐨ ᐊᐊᐌ ᐊᓯᐣ ᑲᐅᑎᓇᑲᓀᐨ ᐃᐃᒪ ᑲᑭᓂᑾᓇᑌᐠ ᐃᐡᑯᑌᐤ ᐊᐦᑭᐠ ᐅᑕᐸᓇᐠ ᒋᔑᐳᓯᐦᐊᑲᓀᐨ ᐃᐃᐌ ᐃᐡᑯᑌᐅᑕᐸᓂᐠ᙮

ᒣᑾᐨ ᒍᐣ 6, 2019, ᐅᑭᒪᑲᐣ ᑖᓇᑎ˙ ᑐᐎᑐ ᐅᑭᐅᔑᐱᐦᐊᐣ ᐃᐃᐌᓂ ᓇᑯᒥᑎᐎᐣ (MOU) ᐁᐎᒋᐗᒋᐣ Noront ᒥᓇ ᐅᑕᓂᔑᓇᐯᒪᐣ᙮ ᐁᑭᐅᓇᑭᑌᐠ ᐃᐃᐌ ᐎᒋᐎᑎᐎᐣ ᐁᕒᐅᓬᐊᐣᐟ ᒥᓇ Noront ᒥᓇ ᐁᐅᐣᒋ ᐅᓇᑌᐠ ᐎᑕᓄᑭᒥᑎᐎᐣ ᒥᓇ ᐊᔭᒥᐦᐃᑎᐎᓇᐣ ᑫᐃᓇᑌᑭᐣ᙮ ᑲᑭᓇ ᔭᐎᔭ ᑲᐸᐸᒥᓯᐨ ᐅᓂᓯᑐᑕᐣ ᐎᐸᐨ ᒋᒪᒋ ᐊᔭᒥᐦᐃᑎᓇᓂᐗᐠ ᐃᐃᐌ ᐅᐣᒋ ᒪᒋᑕᐎᐣ ᒥᓇ ᐃᓂᐌᓂᐗᐣ ᑲᓇᑕᐌᑕᑯᑭᐣ ᑫᐅᔑᒋᑲᑌᑭᐣ ᒪᐗᐨ ᑭᒋᓀᑕᑯᐣ ᐃᐃᐌ ᒪᒪᐤ ᒋᑭᑲᐡᑭᐦᐅᔭᐠ᙮

“ᑕᔑᑫᐎᓂᓇᐣ ᐅᒥᓉᑕᓇᐗ ᐃᐃᐌᓂ Noront ᑲᐃᔑᑕᑯᓇᐗᒋᐣ ᒋᐊᓄᑭᓭᑭᐣ ᒪᒪᐤ ᑫᒥᓄᓭᐗᑫᔭᐠ ᑯᑕᑭᔭᐠ ᐊᓂᔑᓇᐯᐣ᙮ ᐎᐸᐨ ᐊᔭᒥᐦᐃᑎᐎᐣ ᑭᒋᓀᑕᑯᐣ,” ᐃᑭᑐ ᐅᑭᒪᑲᐣ ᑖᕒᐊᑎ˙᙮

ᐋᓬᐊᐣ, ᐅᑭᒪᑲᐣ ᐳᕒᐅᐢ, ᐅᑭᒪᑲᐣ ᑖᕒᐅᑎ˙ ᒥᓇ ᓬᐊ’ᕒᐊᐣᐢ ᐸᑭᐢᑐᕒ (ᐊᑯᑭᐠ) ᒣᑾᐨ ᐯᔑᑯᐊᐦᑭᐎᐣ ᒪᒪᐤᐱᐎᓇᐣ

ᑲᑭᐅᔑᐱᐦᐃᑲᑌᐠ ᐃᐃᐌ MOU ᑭᓯᓭ ᐊᕒᐅᓬᐊᐣᐟ ᒋᔓᓂᔭᐗᑭᓱᐨ ᐃᐃᒪ Noront, ᒥᓇ ᒪᐗᐨ ᐁᑭᒥᓉᑕᒪᐠ ᐊᐊᐌ ᐅᑭᒪᑲᐣ ᑕᕒᐊᑎ˙ ᒋᑕᑯᑭᓱᐨ ᐃᐃᒪ ᐯᔑᑯᐊᐦᑭᐎᐣ ᑲᑕᔑᒪᒪᐤᐱᔭᐠ (AGM) ᐃᐃᐌ ᑲᓂᐗᐸᐠ᙮ ᒥᓇ ᑫᐎᐣ ᑲᑭᐱᔕᐨ ᐃᐃᒪ AGM ᐊᐊᐌ ᐅᑭᒪᑲᐣ ᐳᕒᐅᐢ ᐊᒋᓂᐱᓀᐡᑲᒼ ᑲᐅᐣᒋᐨ ᐊᑯᑭᐠ ᐃᐡᑯᓂᑲᓂᐠ᙮

ᐊᑐᐣ ᑭᑎᑭᑐᐎᐣ