ᐌᑎ ᑭᒋᐊᑲᒥᑲᒥᒃ ᐃᓐᑎᔭ ᐁᑭᑕᑯᔑᒃ ᐅᐅᓪ ᑲᔑᐱᒪᑎᒪᒃ

ᐃᔑᓂᑲᓯᐎᓐ:
ᑲᕋᓐ ᐸᑕᓪ

ᑕᔑᑫᐎᓐ:
ᐊᓂᒥᑭᐎᑲᒪᒃ

ᑲᐃᓇᓄᑭᒡ:
ᒥᓄᔭᐎᓐ ᐁᑯ ᐊᑾᒥᓯᐎᓐ ᑲᓇᓇᑲᒋᑐᒡ

 

ᐁᑯᓀᓐ ᐅᐅᒪ ᐁᐃᓇᓄᑭᔭᓐ ᓄᕐᐊᓐᑦ?

ᒣᑾᒡ ᐅᐅᒪ ᒥᓄᐎᓐ ᐁᑯ ᐊᑾᒥᓯᐎᓐ ᑲᓇᓇᑲᒋᑐᒡ ᑎᓇᓄᑭ, ᒥᐦᐃᒪ ᑭᔑᐊᓐᑕᓯᑯᓇᐸᓐ ᐌᑎ ᓂᑕᒻ ᑲᑴᒋᐦᐃᐌᐎ ᐊᓄᑭᐎᓂᒃ ᑭᔑᐊᓄᑭᓇᐸᓐ ᒥᐦᐃᒪ ᐁᑭᔑᑐᑯ ᑭᑭᓄᐦᐅᒧᑯᓯ ᓇᓇᓐᑐᑭᑫᓐᒋᑫᔭᐸᓐ ᔭᐦᐃ ᑭᒋᐅᔑᒋᑫᐎ ᐱᒥᐎᒋᑫᐎᓐ ᐁᑯ ᐊᑾᒥᐎ ᓇᓇᑲᒋᒋᑫᐎᓇᓐ ᑐᑕᐱᓇᓇᐸᓐ ᑭᒋᒋᑯᓄᐦᐅᒪᑎᑲᒥᑯᒃ᙮

ᐊᓂᓐ  ᐁᔑᓇᑾᒃ  ᑲᓂᐱᒋᑭᔑᑲᒃ?

ᓂᑕᒻ ᐱᓇᒪ ᓂᓇᓇᑲᒋᑐᓐ ᐁᑯ ᓂᓇᑴᑐᓇᓐ ᐱᐗᑯ ᐅᔑᐱᐦᐃᑲᓇᓐ, ᑕᓂᓇᓐᑐᑭᑫᓐᑕᓐ ᐊᓂᓐ ᑫᐃᑐᑕᒪᓐ ᐊᓂᑭᔑᑲᒃ᙮  ᐅᐅᐌᑕᔥ ᓄᑕᒻ ᐱᓇᒪ ᐁᓇᓇᑲᒋᑐᔭᓐ ᐊᓄᑭᐎ ᓇᓂᓴᓂᓯᐎᓇᓐ ᐁᑯ ᐁᑲ ᑌᐺ ᑲᐊᓄᑲᑌᑭᓐ ᑫᑯᓇᓐ, ᑕᑯ ᐁᐎᒋᑕᔭᓐ ᔭᐦᐃᒃ ᐅᑭᒪᐎᓂᒃ ᒪᔾᒃ ᑌᔅᓕᑦᔅ, ᐁᑯ ᒥᓄᔭᐎ ᐱᒧᐎᒋᑫᐎᓇᓐ ᑐᑯ ᐊᓄᑭᐎᓇᓐ ᑐᑕᓇᓐ᙮  ᑐᑯᑕᔥ ᐊᓄᑭᓇᑲᓇᒃ ᓂᓇᓇᑲᒋᐦᐊᒃ ᑭᑯᓄᐦᐅᒪᑫᐎᓂᒃ ᐁᑯ ᐁᑭᑯᓄᐦᐅᒪᑾᑐᑯ᙮

ᐊᓂᓐ ᐁᐃᓀᓐᑕᑯᒃ ᔭᐦᐃ ᑲᔑᐱᒪᑎᓇᒃ ᐊᓄᑭᐎᓂᒃ?

ᔭᐦᐃᒃ ᑭᒋᐊᑲᒪᑲᒥᒃ ᐃᓐᑎᔭ ᑐᓐᒋ ᐌᑎ ᑲᐎᓂᓐ ᓇᐱᒡ ᐃᑲ ᒋᑕᑲᔭᒃ ᐁᑯ ᑲᐎᓂᑲ ᒋᓱᐱᑯᒃ, ᑲᐎᓀᓐ ᑭᑫᓐᑕᓇᐸᓂᓯᓐ ᐊᓂᓐ ᑫᐃᔑᓇᑯᑭᐸᓐ ᐅᐅᒪ ᐃᔑᐊᓄᑭᔭᐸᓐ᙮  ᒥᔑᓇᑐᓐ ᑫᑯᓇᓐ ᒋᐱᒪᒥᑎᓀᓐᑕᒪᓇᓐ ᑭᓇᐌᔥ ᐊᐱ᙮᙮᙮

  • ᐊᑴᓇᒃ ᐱᒥᓭᐎᓂᒃ ᓂᐱᒥᓭ
  • ᐁᐳᓂᔭᓐ ᒥᑯᒥᒃ
  • ᐁᐃᓀᓐᑕᒪ ᑯᓐᑕᐎᔭᐦᐃᒃ ᐁᐊᔭᔭ ᒣᑾᒡ ᑲᐸᐸᒥᐱᓯᔭᓐ ᑲᐯᔑᐎᓂᒃ
  • ᑫᒪᔭᑫᓐᑕᓐ ᔕᑯᒡ ᑭᑭᒋᓀᓐᑕᓐ ᒋᐱᓯᑲᒪᓐ ᐅᔥᐱᔑᑯᑲᓇᓐ ᔕᑯᒡ ᑭᑕᑲᔭ
  • ᒥᐌ ᐊᑴᓇᒃ ᐁᑭᐗᐸᒪᒃ ᐗᑯᔥ ᐯᒍᒡ ᒣᑾᒡ ᑲᑎᐱᑲᒃ ᐎᓯᓂᐎᑲᒥᒃ ᐁᐃᔕᔭᐸᓐ ᐁᐊᓐᑌᒥᓂᑴᔭᐸᓐ᙮ ᓂᑕᒻ ᑭᑯᓴ, ᔕᑯᒡ ᑭᐊᓂᒥᓀᓂᒪ
  • ᑭᒥᓀᓐᑕᓐ ᐎᓯᓂᐎᑲᒥᒃ ᐁᒥᓇᐗᔑᒃ, ᑕᑯ ᑲᑭᐊᔕᒥᑯᔭᒃ ᐎᓐᑫ ᑭᒥᓇᓐᒋᑫ ᓂᔅᐗ ᑲᑭᔑᑲᒃ ᑭᐎᓯᓐ
  • ᑭᒥᓀᓐᑕᓐ ᒪᔥᑯᔑᓐ ᐁᑭᐊᔕᒥᑯᔭᓐ ᐁᑯ ᐁᑭ ᒥᓀᓐᑕᒪᓐ ᐁᑭᒥᓀᓐᑕᑯᓯᐗᒡ ᑲᐎᑕᓄᑭᒪᑾ
  • ᑲᑭᓇ ᐊᐎᔭᒃ ᐊᒥᓀᓐᑕᑯᓯᐗᒡ, ᑲᔑᑕᔭᓐ ᐱᑯ ᑭᐃᓀᓐᑕᓐ

ᐁᑯᓀᓐ ᒪᔭᒻ ᐁᑭᒋᓀᓐᑕᒪᓐ ᐅᐅᒪ ᓄᕐᐊᓐᑦ?

ᐎᓐᑫ ᑭᒋᓀᓐᑕᓐ ᐅᐅᒪ ᐁᐊᓄᑭᔭᓐ ᑐᑯ ᐃᐊᓂᒥᔕᒃ ᐅᐅᐌ ᐊᓄᑭᐎᓐ ᐁᑯ ᓄᓴᑭᑐᓐ ᑲᐎᑕᓄᑭᒪᑾ ᑲᑭᓇ ᐅᐅᒪ᙮  ᐎᓐᑫ ᒥᓀᓐᑕᑯᓐ ᐯᔑᑯ ᑕᑌ ᐁᐊᓄᑭᔭᓐ ᐅᐅᒪ᙮  ᑕᔅᐗ ᑲᐃᔥᑾ ᒪᒪᐤᐊᐱᔦᒃ ᐁᑯ ᐊᓄᑭᐎᓇᓐ ᑲᑯᒋᑐᔦᒃ, ᐎᓐᑫ ᓂᒥᓀᓐᑕᓐ ᐅᐅᐌ ᓄᕐᐊᓐᑦ ᐊᓄᑭᐎᓇᓐ ᓂᑲᓂᒃ᙮  ᒪᐗᒡ ᑲᑭᒋᓀᓐᑕᒪᓐ ᐅᐅᒪ ᑲᔑᐊᓄᑭᔭᓐ ᐁᒥᓀᓐᑕᑯᓯᐗᒡ ᐃᓂᓂᐗᒃ, ᑐᑯ ᓄᐱᒥᒃ ᐁᐊᔭᔭᓐ ᐁᑯ ᐁᐗᐸᒪᑾ ᐊᐎᔭᔑᔕᒃ — ᑲᐎᓂᓐ ᐊᓄᑭᐎᓐ ᑎᓀᓐᑕᓂᓯᓐ!

ᐁᑯᓀᓐ ᐁᔑᒪᔭᑫᓐᑕᒪᓐ ᐅᐅᒪ ᑲᔑᐊᓄᑭᔭᓐ ᐊᐱᒋᓐ ᐌᑎ ᑭᒋᐊᑲᒪᑭᒃ ᑲᐅᓐᒋᔭᓐ ᐃᓐᑎᔭ ᐁᑯ ᐅᐅᒪ ᑲᓇᑕ ᑲᔑᐊᓄᑭᔭᓐ?

ᐯᔑᒃ ᑫᑯᓐ ᑲᑭᒋᓀᓐᑕᒪᓐ ᐅᐅᒪ ᑲᓇᑕ ᐁᑲ ᐁᐊᓄᑭᔦᒃ ᓂᔑᑭᔑᑲ!  ᐃᓐᑎᔭᔑᓐ ᑯᑕᐗᓯ ᐊᓂᑭᐎᑭᔑᑲ ᐊᔭᐗᓐ ᒥᓯᐌ ᐊᓄᑭᐎᓂᒃ᙮  ᑐᑯ, ᐅᐅᒪ ᑲᓇᑕ ᐁᑭᒋᓀᓂᒪᑲᓀᒡ ᐅᑕᓄᑭᒪᑲᓇᓐ ᐁᑯ ᐊᓄᑭᐎ ᒥᓄᔭᐎᓐ ᑐᑯ ᐊᑾᒥᓯᐎᓐ᙮  ᑕᑯ ᑲᒪᔭᑫᓐᑕᒪᓐ ᑲᑭᓇ ᑫᑯᓐ ᑲᐱᒥᓂᔐᐦᐃᑲᑌᒃ᙮  ᔭᐦᐃᒃ ᑕᔑᓐ ᐃᓐᑎᔭ, ᔭᐦᐊᒃ ᐅᑭᒪᒃ ᑕᑭ ᑭᒋᐅᑭᒪᓐ ᓯᕐ ᐁᐃᔑᓂᑲᓇᔦᒃ ᑫᒪ ᒪᒻ, ᐁᑯ ᑲᐎᓂᑲ ᐅᑎᔑᓂᑲᓯᐎᓂᐗ ᑎᓇᒥᓂᓯᓐ ᐅᑕᒪᓂᓐᑕᓇᐗ ᑭᔥᐱᓐ, ᔕᑯᒡ ᐅᐅᒪ ᑲᓇᑕ ᐅᐸᑭᑎᓇᓇᐗ᙮

ᐅᑯᓂᓐ ᒪᔭᓐ ᐊᑾᒥᓯᐎᓐ ᑫᑭᐎᓐᑕᒪᐸᓐ?

ᑕᔅᐗ ᑭᑫᓐᑕᓐ ᐊᓐᑎ ᐁᐊᔭᔭᓐ, ᒥᔅᐗᒡ ᑭᑫᓐᑕᒪᓐ ᐊᓐᑎ ᐁᐊᔭᔭᓐ᙮  ᑭᔥᐱᓐ ᑭᑫᓐᑕᒪᓐ ᑫᑯᓇᓐ ᑲᐎᓂᒃ ᑲᐎᓴᑭᔑᓂᓯᓐ᙮  ᑾᔭᒃ ᐗᐌᐱᓱᓐ ᑲᔑᑭᔑᑲᒃ ᐁᑯ ᑲᐎᓂᑲ ᑲᐃᔑᐌᐸᒃ ᐊᑯᒋᒃ ᒋᐌᓐᑕᒃ ᐃᓀᓐᑕᑫᓐ!

ᐅᐦᐅᒪ ᐃᔑᓇᑴᑕᓐ