ᑫᐧᑲᐣ ᐅᒋ ᐅᒪ ᓱᓭᐣᐟ ᒪᕆ

ᑲᑭᒪᓯᓇᐊᐠ ᐢᑎᐱᐣ ᑊᓕᐧᐃᓕᐣᐠ ᐅᑭᒪᐤ

ᐊᓂᑭᐱᓯᑦ 7 2019, ᓄᐧᕋᐣᐟ ᑭ ᐃᐧᑌᐤ ᐁᑭᐧᐃᑕᐠ ᓱᓪᓭᔾᐟ ᒪᕆ ᓂᑲᐣ ᐃᑌᑫ ᑫ ᐊᐸᑕᐠ ᐃᑕᐧᐃᐣ ᑫ ᐃᔑ ᐃᑕᐧᑲᐠ ᐊᐸᑎᓯᐧᐃᑲᒥᐠ᙮

ᓱᓪᓭᑌᐣᔾᐟᒪᕆ ᐠᕆᐢᑎᐣ ᐳᕈᐯᐣᓴᓂ ᐧᐃᓇ ᑲᑭᐧᐃᑕᐠ ᐅᒣᓂᐤ᙮

ᐁ ᑭ ᐊᓂᒧᒋᑲᑌᑭᐸᐣ ᐅᒪ ᐅᑕᓇᐠ ᓂᔓ ᐱᐳᐣ ᑲ ᑭ ᑲᓇᐧᐊᐸᒋᑲᑌᐠ ᓀᐢᑕ ᑭ ᐊᑎ ᐊᓂᒧᒋᑲᑌᐤ ᐁ ᑭ ᐊᓂᒧᒋᑲᑌᐠ ᐁᐅᓀᓂᒋᑲᑌᐠ ᑫ ᑭ ᐃᔑ ᐃᑕᐧᑲᐠ ᓀᐢᑕ ᐁ ᑭ ᐊᔭᒥᑐᒋᑲᑌᐠ ᐊᓂᒪ ᑲ ᑭ ᐃᔑ ᐅᑎᓂᑲᑌᐠ᙮ ᑫᐧᑲᐣ ᒪᑲ ᐊᓂ ᓱᓭᐣᐟ ᒪᕆ ᐃᑕᐧᐃᓂᐠ?

ᒪᐧᐊᒋ ᐅᐡᑲᐨ ᑲ ᐊᓂᒧᒋᑲᑌᐠ ᐊᓂᒪᐣ ᑲ ᐃᔑ ᔑᐧᑲᐅᒋᐠ ᐊᓯᓂᔭᐠ ᑭᒋ ᐅᔑᑕᓂᐧᐊᐠ ᐁ ᐃᐧᑕᓂᐧᐊᑭᐸᐣ ᐁ ᑭᑲᓇᐧᐊᐸᒋᑲᑌᐠ ᐃᓂᑯᐠ ᑫ ᑕᔑᑭᑲᑌᐠ ᓀᐢᑕ ᒪᑲ ᑫ ᐃᐢᐸᓂᐃᑯᓇᓂᐧᐊᐠ ᔓᓂᔭᓂᐠ ᐃᑌᑫ᙮ ᐅᒪ ᑲ ᑭ ᐅᒋ ᐊᑎᐢᐸᓂᐠ ᑲ ᐃᔑ ᐅᔑᐃᒋᐠ ᐅᑯ ᒪᑕᐧᐊᓯᓂᔭᐠ ᑭᒋ ᑭ ᐅᔑᑕᓂᐧᐊᐠ ᐊᓂᒪ ᑐᐧᐃ ᐊᐸᑎᓯᐧᐃᑲᒥᐠ ᑭᐡᔕᐢᐱᐣ ᒥᓯᐧᐁ ᑲ ᐃᔑ ᑭᐢᑕᑭᓱᒋᐠ ᐊᓯᓂᔭᐠ ᒥᓯᐧᐁᐢᑲᒥᐠ ᐯᔑᐧᑕᐧᐁ ᑭᒋ ᑭᓇᑕᐧᐁᓂᑕᐧᑲᐠ ᒪᑲ ᐅᒪ ᑭᒋ ᑭ ᐅᒋ ᐅᔑᐃᒋᐠ ᓂᑲᐣ ᐃᑌᑫ᙮ ᐊᐧᐊ ᑲᑦᐸᓂᔾ ᓄᐧᕋᐣᐟ ᓂᐢᐧᑕᔭᐠ ᐃᑕᐧᑲᓂᓂᐧᐊ ᑲ ᐃᔑ ᐅᔑᐊᒋᐠ ᓇᓇᑲᐤ ᐊᓯᓂᔭ ᑫ ᑭ ᐅᒋ ᓇᑭᐸᓂᓂᐠ ᑲ ᐃᔑ ᑐᑕᑭᐠ ᐅᑌ ᐃᑌᑫ ᓇᑲᐯᐊᓄᐠ ᑭᒋ ᑭᐱᒧᑌᒪᑲᓂᓂᐠ ᐱᓂᐡ100 ᐱᐳᐣ ᐃᓂᑯᐠ᙮

ᐁᑭᒪᒥᑐᓀᓂᒋᑲᑌᐠ ᑭᒋ ᐅᔑᑕᓂᐧᐊᐠ ᐅᒪ ᐊᐸᑎᓯᐧᐃᑲᒥᐠ ᑭᒋ ᑭ ᐅᒋ ᐧᐁᒋᐸᓂᐠ ᑭᑌᓂᒋᑲᑌᐤ ᐅᒪ ᑐᐧᐃᑲᐣ ᑭᒋ ᑭ ᐃᑕᐧᑲᐠ ᓇᓂ ᑲ ᐃᔑ ᐱᒋᐸᓂᒋᐠ ᐅᑯ ᐊᓯᓂᔭᐠ ᑲᓄᒋᐃᒋᐠ᙮ ᐁᑲ ᒥᐢᑕᐃ ᑫ ᐅᒋ ᐃᐢᐸᓂᐃᑯᓇᓂᐧᐊᐠ ᐁᕆᐸᐃᑲᓂᐧᐊᐠ ᐁᐱᑦᐱᓱᒋᐠ᙮ ᐅᒪ ᐊᐸᑎᓯᐧᐃᐣ ᑲ ᐃᔑ ᐃᑕᐧᑲᐠ ᑭᑕᐯᔭᐤ ᐁᒪᐡᑫᑯᐧᐊᐠ ᒧᓇ ᓀᐢᑕ ᐃᑕᐧᑲᐣ ᐅᒥᓂᐢᑭᐧᐃ ᐃᐡᑯᑌᐤ ᐁᐧᑲᓂ ᒪᑲ ᐁᑲ ᐧᐁᒋ ᑭ ᐅᔑᑕᓂᐧᐊᐠ ᐅᒪ ᔑᐧᑲᐃᑫᐧᐃᐊᓯᓂᐧᐃᑲᒥᐠ ᓇᓂ ᑲ ᐃᔑ ᐊᐸᑎᓯᓇᓂᐧᐊᐠ᙮ ᓀᐧᐊᔭᐠ ᐊᑕ ᑭ ᐃᔑ ᒪᒥᑐᓀᓂᒋᑲᑌᐸᐣ ᑫ ᑭ ᐃᔑ ᐅᔑᑕᓂᐧᐊᑭᐸᐣ᙮

ᒥᓯᐧᐁ ᑭ ᐃᔑ ᑲᓇᐧᐊᐸᒋᑲᑌᐤ ᑫ ᑭ ᐃᔑ ᓇᐃᐸᓂᐠ ᑭᒋ ᐅᓀᓂᑕᒪᐠ ᑫ ᑭ ᐃᔑ ᐅᑎᓂᑲᑌᐠ ᑫ ᑭ ᐃᔑ ᐅᔑᑕᓂᐧᐊᐠ ᐅᒪ ᐊᐸᑎᓯᐧᐃᑲᒥᐠ᙮ ᓇᐃᐸᓂᐤ ᒪᑲ ᒥᓯᐧᐁ ᑫᐧᑲᑌ ᐁ ᐃᑕᐧᑲᐠ ᐅᑕ ᐃᑕᐧᐃᓂᐠ ᑲ ᑭ ᐅᒋ ᐃᑌᓂᑕᒪᐠ ᑭᒋ ᐅᑎᓂᑲᑌᐠ ᐅᒪ ᐃᑕᐧᐃᐣ ᓂᐱᐠ ᓀᐢᑕ ᐃᑌᑫ ᐁ ᐃᔑ ᑲᓇᐧᐊᐸᒋᑲᑌᐠ ᐁ ᐃᑕᐧᑲᑭ ᑲᒥᔕᑭ ᓴᑲᐃᑲᓇ  ᒥᓯᐧᐁ ᐱᑯ ᐁ ᐃᔑ ᓇᐃᓇᐧᑲᐠ ᑫ ᑭ ᐅᒋ ᐊᐸᒋᑕᓂᐧᐊᐠ ᑲ ᐃᔑᓇᑕᐧᐁᓂᑕᐧᑲᐠ᙮