ᒧᓀᐦᐃᑫᓐ ᐊᓇᒪᑲᒥᒃ: ᑲᑭᒋᓀᓐᑕᑯᒃ ᐊᓄᑭᐎ ᑭᑯᓄᐦᐅᒪᑫᐎᓇᓐ

ᔭᐦᐊ ᕈᔾᑌᓐ ᔅᐯᓐᔅ, ᐊᑭᐎ ᐊᓄᑭᓇᑲᓐ

ᓂᑕᒻ ᑲᑭᐱᓇᓄᑭᔭᓐ ᐅᐅᒪ ᓄᕐᐊᓐᑦ ᐁᐎᒋᑕᔭᓐ ᔭᐦᐃᒃ ᑲᔑᒥᔕᒃ ᐱᒥᐎᒋᑫᐎᓇᓐ ᔭᐦᐃᒃ ᒪᒃᐸᑦᔅ ᓴᑲᐦᐃᑲᓂᒃ 2014᙮  ᒥᑕᔥ ᐊᐱ ᒥᔑᓐᐌᒃ ᐁᑭᐱᓇᓄᑭᔭᓐ ᐁᑯ ᐁᑭᒥᓄᑯᔭᓐ ᐊᓄᑭᐎᓇᓐ, ᐁᑯ ᓄᑯᒻ ᐊᑭᐎ ᐊᓄᑭᓇᑲᓐ ᐁᐃᓇᑯᓯᔭᓐ ᐅᐅᒪ ᑲᔑᐱᒪᑎᓇᒃ ᑲᑕᓇᓄᑭᓇᓂᐗᒃ ᔭᐦᐊᒃ ᓂᐎᒋᐦᐊᒃ ᐊᑭᐎ ᓇᓇᓐᑐᑭᑫᓐᒋᑫᐎᓇᓐ ᑲᐃᓇᓄᑭᐗᒡ ᐁᑯ ᑕᑯ ᑲᒧᓀᐦᐃᑲᑌᑭᓐ ᐁᓇᓇᑲᒋᑐᔭᓐ᙮

ᕈᔾᑕᓐ (ᐃᔥᑾᒡ ᓇᓴᐤ) ᐊᓄᒪᑲᒥᒃ ᒣᑾᒡ ᑭᑯᓄᐦᐅᒪᑫᐎᓂᒃ

ᓄᑯᒥᑫ ᑭᑭᔑᑐᓐ ᔭᐦᐃ ᑭᑯᓄᐦᐅᒪᑫ ᑭᑫᓐᒋᑫᐎᓐ ᐊᓂᑭᐎ ᐁᑯ ᑭᑯᓄᐦᐅᒪᑫᐎ ᐎᒋᐦᐃᐌᐎᓂᒃ (KKETS) ᐅᑭᑐ ᐊᑭ ᐁᑯ ᐊᓄᒪᑲᒥᒃ ᑲᐸᑯᓀᐃᑫᒡ ᐊᓯᓂᒃ ᐎᒋᐦᐃᐌᐎ ᐊᓄᑭᓇᑲᓐ ᒪᔭᒃ ᐊᓇᒪᓚᒥᒃ ᐊᓄᑭᐎ ᒪᓯᓇᐦᐃᑲᓀᔅ ᑭᑭᔑᑐᓐ ᔭᐦᐃᒃ ᓄᕐᑲᑦ ᑭᓄᐦᐅᒪᑫᐎᓂᒃ ᓴᑐᐳᕆ᙮  ᐅᐅᐌ ᑭᑯᓄᐦᐅᒪᑫᐎᓐ ᑭᐅᑕᐱᓇᓐ ᒋᐅᓐᒋᒥᓄᓭᔭᓐ ᓂᐱᒪᑎᓯᐎᓂᒃ ᒋᐅᓐᒋ ᒪᒋᑲᐸᐎᔭᓐ ᐊᓄᑭᐎᓂᒃ, ᑕᑯ ᑭᑫᓐᒋᑫᐎᓇᓐ ᒋᑌᐱᓇᒪᓐ ᐁᑯ ᒋᑲᔥᑭᑐᔭᓐ ᒋᑭᒋᓀᓐᑕᒪ ᐊᓄᑭᐎᓐ᙮  ᔭᐦᐃ ᑲᑭᑭᑯᓄᐦᐅᒪᑯᓯᔭᓐ ᑭᐎᒋᐦᐃᑯᓐ ᒋᑭᑫᓐᑕᒪᓐ ᐊᓄᑭᐎ ᐊᓐᑾᒥᓯᐎᓇᓐ, ᒋᐎᒋᑐᔭᓐ ᐊᑭ ᐱᒪᑎᓯᐎᓐ, ᑾᔭᒃ ᒋᓇᓇᑲᒋᑐᔭᓐ ᐊᓄᑭᐎᓇᓐ, ᐅᔑᐱᐦᐃᑫᐎ ᓇᓇᑲᒋᒋᑫᐎᓇᓐ, ᒋᒥᓄᓭᒃ ᑲᑭᑐᐎᓂᒃ ᐁᑯ ᑾᔭᒃ ᒋᐎᑐᓄᑫᒪᑾ ᐊᐎᔭᒃ–ᒥᐦᐅᐌ ᑲᑭᓇ ᑲᓇᑕᐌᓐᑕᑯᒃ ᔭᐦᐃ ᑲᐸᑯᓀᐃᑫᒪᑫᒡ ᐊᑭᓂᒃ ᐊᓄᑭᐎᓂᒃ᙮

ᒪᐗᒡ ᑲᑭᒥᓀᓐᑕᒪᓐ ᔭᐦᐃᒃ ᑲᑭᐅᑕᐱᓇᒪᓐ ᑭᑯᓄᐦᐅᒪᑫᐎᓂᒃ ᔭᐦᐃ ᑲᑭᑲᑴᒋᑐᔦᒃ ᐊᓄᑭᐎᓇᓐ ᒥᐦᐃᒪ ᒪᔭᒻ ᑲᑭᐅᓐᒋᑭᑫᓐᑕᒪᓐ ᑭᑯᓇᓐ–ᑎᓄᑲᓐ ᑲᐊᐸᒋᒋᑲᑕᒃ ᑲᑕᑯᓂᑲᑌᒃ ᑭᒋᒥᑎᒃ ᐊᓇᒪᑲᒥᒃ ᐊᓯᓀᑫᐎᓂᒃ ᐁᑯ ᑾᔭᒃ ᑲᐊᒋᑲᑌᑭᓐ, ᑲᐃᔥᐱᓂᑲᑌᑭᓐ, ᑲᑌᐯᓂᑲᑌᑭᓐ ᐁᑯ ᑾᔭᒃ ᒋᐱᒥᐎᓂᑲᑌᑭᓐ ᑫᑯᓇᓐ ᐊᓇᒪᑲᒥᒃ᙮  ᐁᔥᑲᒻ, ᑭᓴᓇᑫᓐᑕᑯᓐ ᐁᐊᐱᓇᓂᐗᒃ ᑭᓇᐌᔥ ᑲᔑᑭᑭᓄᐦᐅᒪᑯᓭᔦᒃ ᔑᑯᒡ ᒪᔭᒻ ᑲᑴᒋᐊᓄᑭᐎᓐ ᒪᔭᒻ ᓂᑭᒋᓀᓐᑕᓐ ᐊᓄᑭᐎᓐ, ᒥᐦᐃᒪ ᒪᔭᒻ ᑲᔑᒥᓀᓐᑕᒪᓐ᙮  ᔕᑯᒡ ᑭᒥᓀᓐᑕᑯᓐ ᑲᑭᑭᑯᓄᐦᐅᒪᑯᔭᓐ ᐊᓂᔥ ᑭᐅᓐᒋᑭᑫᓐᑕᓇᓐ ᐊᓄᑭᐎ ᑫᑯᓇᓐ ᒋᐊᐸᒋᑐᔭᓐ ᐊᓯᓂᑫᐎ ᐊᓄᑭᐎᓂᒃ᙮

ᑭᓴᓇᑴᓐᑕᑯᓐ ᑲᑭᓇᑲᓇᑾ ᓂᑕᐌᓂᒪᑲᓇᒃ ᐁᑯ ᑲᒥᓄᐎᒋᐗᑾ ᐅᓴᒻ ᑭᓇᐗᔥ ᑲᑭᐅᑌᓐᑎᔭᓐ, ᔕᑯᒡ ᑲᑲᑴᑭᓐᑕᒪᑫᑯᓐ ᑫᐅᓐᒋᒥᓄᓭᔭᓐ ᐱᒪᑎᓯᐎᓀᒃ ᓂᑲᓀᓐᑕᑯᓐ ᐁᑯ ᑲᐎᓂᓐ ᑲᑭᒪᒋᑲᐸᐎᓯᓐ ᐁᑯ ᑭᔥᐱᓐ ᓇᓐᑕᐌᓐᑕᒪᓐ ᐎᑲᔥᑭᑐᔭᓐ ᑲᓴᓇᑫᓐᑕᑯᑭᓐ ᑫᑯᓇᓐ᙮

ᒥᐦᐅᐌ ᒪᒋᒡ, ᔭᐦᐃ ᑭᑯᓄᐦᐅᒪᑫᐎᓐ ᑭᒋᓀᓐᑕᑯᓐ ᑎᓀᓐᑕᓐ᙮  ᑭᐎᒋᐦᐃᑯᒥᓐ ᒋᓂᓯᑐᑕᒣᒃ ᐊᑾᒥᓯᐎᓇᓐ ᐁᑯ ᐊᓂᓐ ᑫᐅᓐᒋᑾᔭᑭᓂᑲᑌᑭᓐ, ᑾᔭᒃ ᒋᐱᒥᐎᑐᔦᒃ ᐊᓄᑭᐎᓇᓐ ᐁᑯ ᑭᐎᒋᐦᐃᑯᒥᓐ ᑾᔭᒃ ᒋᐱᒥᐎᑐᔦᒃ ᑲᔑᐊᓄᑭᔦᒃ᙮  ᑲᑭᓇ ᐃᓂᓂᐗᒃ ᑐᓇᒃ ᐅᐅᒪ ᒪᑕᐗ ᑕᔑᑫᐎᓂᒃ ᑲᐅᓐᒋᑌᐯᓐᑕᑯᓯᔦᒃ ᒋᑲᑴᒋᑐᔦᒃ ᐅᐅᐌ ᑭᑯᓄᐦᐅᒪᑫᐎᓇᓐ ᒣᑾᒡ ᑲᒥᓂᑲᑌᑭᓐ ᔭᐦᐃᒃ ᑭᑯᓄᐦᐅᒪᑫ ᑭᑫᓐᒋᑫᐎᓐ ᐊᓂᑭᐎ ᐁᑯ ᑭᑯᓄᐦᐅᒪᑫᐎ ᐎᒋᐦᐃᐌᐎᓂᒃ (KKETS).

ᑭᔥᐱᓐ ᐊᐗᔑᒣ ᑫᑯᓐ ᐎᑭᑫᓐᑕᒪᓐ ᔭᐦᐃᒃ ᑭᑯᓄᐦᐅᒪᑫ ᑭᑫᓐᒋᑫᐎᓐ ᐊᓂᑭᐎ ᐁᑯ ᑭᑯᓄᐦᐅᒪᑫᐎ ᐎᒋᐦᐃᐌᐎᓂᒃ (KKETS), ᐅᐅᒪ ᐱᐗᐱᑯᒃ ᐃᓇᐱᑲᓐ  www.kkets.ca ᑫᒪ ᐅᔑᐱᐦᐊᒪᑾᓐ ᐱᐗᐱᑯᒃ ᒐᔾᓴᓐ ᐱᓪᑲᐤᔅᑭ ᔭᐦᐃᒃ jbilcowski@matawa.on.ca

ᕈᔾᑕᓐ ᐁᐸᐸᐎᔭᒃ ᑲᐊᐸᑕᑭᓐ ᐊᓇᒪᑲᒥᒃ ᔭᐦᐃ ᐱᒪᐦᐃᑲᓇᒥᒃ ᐅᑕᐸᒋᑐᓐ

Photo Credit: Taken by NORCAT