ᔪᐢᑯᕐ ᐃᐣᑎᔭ ᐅᒋ

ᐊᐸᒋᐊᑲᐣ:
ᑲᐧᕋᐣ ᐸᑌᓪ

ᐃᑕᐧᐃᐣ ᑲ ᐅᒋᐟ:
ᑕᐣᑐᕐᐯ

ᐁᑕᐸᑎᓯᐟ:
ᒥᓄᐱᒪᑎᓯᐧᐃᐣ ᑫᐅᒋᒥᓄᐸᓂᐠ ᑲ ᐅᑭᒪᐧᐃᐟ

 

ᑕᓀᓇᐸᑎᓯᔭᐣ ᐊᐣᑕ ᓄᐧᕋᐣᐟ?

ᐊᓄᐨ ᐧᐃᓇ ᒥᓄᐱᒪᑎᓯᐧᐃ ᐊᑐᐢᑫᐧᐃᓂᐠ ᑫ ᐅᒋ ᒥᓄᐸᓂᐠ ᓂᑐᑭᒪᑲᑌᐣ ᐁᑯᑕ ᑲ ᑭ ᐯᒋ ᐃᔑ ᐊᐸᑎᓯᔭᐣ ᑲ ᐃᐡᐧᑲ ᑭᔑᑕᔭᐣ ᐁ ᑭᐢᑭᓄᐊᒪᓱᔭᐣ᙮ ᓂᑭᑭᔑᑕᐣ ᓂᑭᐢᑭᓄᐊᒪᓱᐧᐃᐣ ᐁᐣᒋᓂᔭᕐ ᓂᑭᑭᐢᑭᓄᐊᒪᓱᐣ ᓀᐢᑕ ᓇᓇᑲᐤ ᐊᐸᑎᓯᐧᐃᓇ ᑲ ᐃᔑ ᐱᑦᐸᓂᐧᑕᓂᐧᐊᑭ ᐊᐣᑌ ᐧᑲᐣᐱᑐᕃᔑᐤ ᑭᒋ ᑭᐢᑭᓄᐊᒪᑐᐧᐃᑲᒥᑯᐠ᙮

ᑫᑯ ᑭᔑᑲᐤ ᒪᓇ ᑲᔭᓂᒣᓂᑕᒪᐣ ᐁᔑᓇᐧᑲᐠ?

ᑕᑎ ᑲᓇᐧᐊᐸᑌᐣ ᒪᓇ ᑲ ᐯᒋ ᒪᓯᓇᐃᑲᓂᐧᐊᐠ  ᑭᐡᐧᑲ ᒪᑲ ᑕᑎ ᑲᓇᐧᐊᐸᑌᐣ ᑫᑐᑕᒪᐣ ᓂᑕᐸᑎᓯᐧᐃᓂᐠ ᐊᓂᒪ ᐁᑭᔑᑲᐠ᙮ ᐅᓴᒥ ᒪᓇ ᑲᓇᓂᓭᓂᑕᐧᑲᑭ ᑲ ᑎ ᑕᒪᑭᓇᒪᐣ᙮ ᑫ ᐊᑎ ᐊᐸᑕᑭ ᑲ ᐃᔑ ᐊᐸᑎᓯᓇᓂᐧᐊᐠ᙮ ᐅᑭᒪᐤ ᒪᔾᐠ ᑎᓯᓓ ᐁ ᐊᑎ ᐅᓇᐢᑕᐟ ᔕᐧᑲᓇ ᑫ ᑭ ᒥᓄᑐᑕᑯᐧᐃᐟ ᑲ ᐃᔑ ᓄᒋᒋᑲᓂᐧᐊᓂᓂᐠ᙮ ᐊᐸᒋᐊᑲᓇᐠ ᓀᐢᑕ ᑲ ᐃᔑ ᒪᓯᓇᓱᒋᐠ ᓂᓇ ᑕᑎ ᓇᓇᑲᒋᑕᐣ ᐊᓂᐃ ᑫᐧᑲᓇ ᑲ ᐊᐸᒋᑕᒋᐠ ᒣᐧᑲᐨ ᐁ ᑭᐢᑭᓄᐊᒪᒋᐠ᙮

ᑕᓂ ᑲ ᐃᑌᓂᑕᒪᐣ ᑲᑭᒧᐧᐊᐱᐢᑕᒪᐣ ᐁᐢᑯᕐᑲᑦ?

ᓂᓇ ᐧᐊᓇᐤ ᐃᐣᑎᔭ ᓂᑐᒋᐣ ᑭᒋ ᑕᑲᔭᐤ ᒪᑲ ᓂᑎᑌᓂᑌᐣ ᒧᓇ ᓂᓇᓇᐣ ᐧᐃᐢᑲᐨ ᒥᐢᐳᐣ ᑲ ᐃᔑ ᐅᒋᔭᐣ᙮ ᒧᓇ ᑕᐧᐯ ᑭᐢᑫᓂᑌᑕᔾ ᑫᐧᑲᐣ ᑫ ᐧᐊᐸᑕᒪᐣ᙮ ᓂᑭᐢᑭᓭᐣ ᐊᑕᐧᐃᓇ ᑲᔭᐡ ᑲᑭᔑᐧᐊᐸᑕᒪᐸᐣ᙮

  • ᐅᐡᑲᐨ ᐁᐳᓯᔭᐣ ᐁ ᑭᒋ ᐊᐱᔕᔑᐠ ᑲᒥᓇᒪᑲᐠ
  • ᐁᑐᐅᔭᐣ ᐁᐊᐧᑲᑎᐠ ᓴᑲᐃᑲᓂᐠ
  • ᐁᑲ ᑲᓇᑫ ᐁᑭᐢᑫᓂᑕᒪᐣ ᑕᐣᑌ ᐁᑕᔭᐣ ᐁᐧᑲᓂ ᐁᑕᒪᒋᐅᔭᐸᐣ ᐅᒐᐸᓂᔑᐠ ᐁᐳᓯᔭᐣ ᐁᐃᑐᑌᔭᐣ ᑲᑦᐱᐠ
  • ᓂᑭᒋ ᒪᐣᑌᐧᐃᑌᑕᐟ ᔕᑯᐨ ᐊᐧᑲᐢᑌᐊᐸᐃᑲᓇ ᓂᑭᐡᑫᑕᐟ ᐊᑕ ᐁᑭᒋ ᑕᑲᔭᐠ
  • ᒪᐧᐊᒋ ᓂᐢᑕᑦ ᐁᑭᒋ ᐯᔑᐧᐊᐸᒪᐠ ᒪᑫᔑᐤ ᐁᓇᒋᐸᐧᑕᔭᐣ ᓂᐱᔾ ᑭᒋᓂᐠ᙮ ᐊᐱᔑᐡ ᓂᑯᐢᑕᑕᔾ ᔕᑯᐨ ᓇᑫ ᒧᓇ ᐧᐊᔦᐡ ᑐᒋᑌᓂᒪᐤ
  • ᑭᒋ ᐧᑲᔭᐢᐡ ᐃᔑᓇᐧᑲᐣ ᑭᒋᓂᐠ ᒥᐧᓇᐱᔑᓂᐣ, ᑲ ᐃᔑ ᐱᒥᓇᐧᐊᓂᐧᐊᐠ ᐁᐧᐃᑲᔑᐠ ᓂᐢᐧᑕ ᐁᒥᒋᓱᓇᓂᐧᐊ ᐯᔭᐧᑲ ᐁᑭᔑᑲᐠ
  • ᒪᐡᑯᔑᔭ ᐱᑯ ᓂᓇ ᓂᒥᒋᐣ ᑎᐸᐣ ᓂᑭᒥᓇᐧᐊᑎᑯᐧᐃᐣ ᓇᐢᐱᐨ ᓂᑭᒥᐧᓀᓂᑌᐣ ᐁᒥᓄᐅᑎᓂᑲᐧᐃᔭᐣ
  • ᒥᓯᐧᐁ ᐊᐧᐁᓂᑲᐣ ᐁ ᐅᑐᑌᒥᒥᐧᐁᐟ ᐧᒣᒋ ᐱᑯ ᓂᑭᐠ ᐁ ᐃᑕᔭᐣ ᐊᑕ ᐁᑲ ᓂᑭᐠ ᐁᐃᑕᔭᐣ

ᑫᐧᑲᐣ ᒪᐧᐊᐨ ᒣᐧᓀᓂᑕᒪᐣ ᐁ ᐊᐸᑎᓯᔭᐣ ᐊᐣᑕ ᓄᐧᕋᐣᐟ

ᓂᑭᐢᑌᐣᑌᐣ ᐁᐧᐃᒋᐊᐸᑎᓯᒪᐠ ᐊᐧᐊ ᑲᑦᐸᓂᔾ ᓀᐢᑕ ᐅᑕᐸᒋᐊᑲᓇ᙮ ᓀᐢᑕ ᒪᑲ ᑲᒣᒥᐡᑯᐨ ᐁᑕᐧᐊᐢᑌᐠ ᑲᒥᐡᐧᑲᒋᐡᑲᑐᓇᓂᐧᐊᐠ᙮ ᓀᐢᑕ ᑕᐧᑕ ᐁᓇᑭᐡᑲᑐᓇᓂᐧᐊᐠ᙮ ᓀᐢᑕ ᐁ ᑭᒋ ᐃᑌᓂᑕᒪᐣ ᓂᑲᐣ ᐃᑌᑫ ᐁ ᐃᑕᐱᔭᐣ ᐅᒪ ᐅᒋ ᐊᑐᐢᑫᐧᐃᐣ᙮ ᓂᒥᐧᓀᓂᑌᐣ ᓀᐢᑕ ᐁᐧᐃᒉᐧᐊᑭᐠ ᐊᐧᐁᓂᑲᓇᐠ ᓀᐢᑕ ᒣᐧᑲ ᓄᒋᒥᐠ ᐁ ᐃᑕᔭᐣ ᐁᐧᐊᐸᒪᑭᐠ ᐊᐧᐃᔭᔑᔕᐠ᙮

ᑫᐧᑲᐣ ᐱᑐᐡ ᑐᒋᑲᑌᐠ ᐁᐊᐸᑎᓯᓇᓂᐧᐊᐠ ᐅᑕ ᑲᓇᑕᐢᑭᐠ ᓀᑌ ᐧᐃᓇ ᑲᑐᒋᑲᑌᐠ ᑲ ᐅᒋᔭᐣ ᐃᐣᑎᔭ?

ᒪᐧᐊᐨ ᑲᒥᐧᓇᔑᐠ ᐁᑐᒋᑲᑌᐠ ᐅᑕ ᑲᓇᑕᐢᑭᐠ ᐁᑲ ᐁ ᐊᐸᑎᓯᓇᓂᐧᐊᐠ ᐁᑭᔑᐱᑕᐧᐊᐢᑌᐠ᙮ ᓀᑌ ᐧᐃᓇ ᐃᐣᑎᔭ ᑯᐧᑕᓱ ᑭᔑᑲᐧᐊ ᐊᐸᑎᓯᓇᓂᐧᐊᐣ᙮ ᐅᑕ ᐧᐃᓇ ᑲᓇᑕᐢᑭᐠ ᒥᑐᓂ ᐧᑲᔭᐢ ᓇᓇᑲᑕᐧᐁᓂᒪᑲᓂᐧᐊᐧᓇᐠ ᑲ ᐊᐸᑎᓯᒋᐠ ᐁᑲ ᑭᒋ ᐸᔑᑎᒋᐠ᙮ ᒥᓇ ᒪᑲ ᑯᑕᐠ ᑫᐧᑲᐣ ᑲᑐᒋᑲᑌᐠ ᑲ ᐅᒋᔭᐣ ᒧᓇ ᐅᑎᔑᓂᑲᓱᐧᐃᐣ ᐊᐧᐁᓇ ᐊᐸᑕᓂᓂᐤ ᑲ ᐅᑭᒪᑲᑕᐠ ᑲ ᐃᔑ ᐊᐸᑎᓯᓇᓂᐧᐊᐠ ᑭᒋ ᐊᐧᐁᓂᑲᐣ ᐃᔑᓂᑲᑕᑲᓂᐧᐊᐧᓇᐠ ᐃᐢᐧᑫᐤ ᓀᐢᑕ ᓇᐯᐤ ᒪᓀᓂᒪᑲᓂᐧᐊᐣ ᐃᐧᑕᓂᐧᐊᐣ ᐅᑎᔑᓂᑲᓱᐧᐃᐣ ᐊᐧᐁᓇ ᑲ ᑭᐢᑎᓯᐟ ᐁᐧᐃᓂᐟ᙮ ᒥᑐᓂ ᐱᑐᐡ ᑐᒋᑲᑌᐤ ᐧᐃᓇ ᐅᑕ ᑲᓇᑕᐢᑭᐠ᙮

ᑫᐧᑲᐣ ᒪᐧᐊᐨ ᑭᓇ ᓂᑲᓀᓂᑕᒪᐣ ᐊᐧᑲᒥᓯᐧᐃᓂᐠ?

ᑕᔑᓀ ᑭᒋ ᓇᓇᑲᑕᐧᐊᐸᒋᑲᑌᐠ ᑲ ᐃᔑ ᐊᐸᑎᓯᓇᓂᐧᐊᐠ ᑕᐣᑕ ᐱᑯ ᐁᑕᔭᐣ᙮ ᐧᑲᔭᐢᐠ ᐁᒪᒥᑐᓀᓂᑕᐠ ᐊᐧᐁᓇ ᒧᓇ ᐸᔑᑭᓂᓂᐤ ᐅᑕᐸᑎᓯᐧᐃᐣ᙮ ᓀᐢᑕ ᒪᑲ ᑭᒋ ᐊᐧᐁᐢᐱᓱᐟ ᐊᐧᐁᓂᑲᐣ ᐧᑲᔭᐢᐠ ᑲᐧᐃᓇ ᐧᐃᐢᑲᐨ ᐊᐧᓀᓂᑕ ᐁᔑᑭᔑᑲᐠ᙮