ᒪᐗᒡ ᑲᑭᑕᑲᔭᒃ ᐁᐱᑐᒪᑲᒃ ᑲᑭᔑᐗᔭᐁᓐᑕᒪᓐ

ᔭᐦᐊ  ᑭᓓᓐ  ᓄᓚᓐ, ᐱᐱ  ᑭᒋᐅᑭᒪᐎᓐ  ᐊᓂᒪᒋᑫᐎᓐ ᐁᑯ  ᑲᒪᒋᐌᐸᒃ  ᐊᑯᒋᒃ, ᔭᐦᐊᒃ  ᓂᒪᒥᑎᓀᓂᒪᒃ  ᐊᓄᑭᓇᑲᓇᒃ.    ᐁᑯ ᑎᑕᑯ  ᑲᑕᑲᔭᒃ  ᐁᑯ  ᐅᓴᒥᑯ  ᑲᑭᒋᓄᑎᒃ  ᑭᔦ  ᑲᐅᓴᒥᑭᔑᑌᒃ  ᑲᓂᐱᒃ  ᑕᑯ  ᑲᒥᔑᓂᐗᒡ  ᓴᑭᒣᒃ  ᐊᑯᒋᒃ  ᑲᒪᑯᑕᐌᐗᒡ, ᐁᑭᐌᓐᑕᒧᓭᔭᓐ  ᑫᓂᓐ  ᑲᑭᐱᓂᓄᑭᔭᐸᓐ  ᐅᑕᓇᒃ  ᐌᑎ  ᒉᔾᒻᔅ  ᐯᔾ  ᑲᔑᑕᐸᓯᑕᓇᒃ  ᐁᑭᑕᐗᑲᐦᐃᑫᔭᓐ  ᓄᐱᒥᒃ  ᒥᐦᐃᐌ  ᑲᑭᐱᓇᓄᑭᔭᐸᓐ  ᒣᑾᒡ  ’79 ᐁᑯ  ’95.

ᐊᓂᓐ ᑫᐅᓐᒋᑌᐱᓇᒪᓐ ᐊᓄᑭᐎᓐ ᑲᔑᐱᒪᑎᓇᒃ ᑲᐯᔑᐎᓂᒃ?

ᔭᐦᐊ  ᐃᔅᑎᐱᓐ  ᓴᑲᒡ, ᑲᐯᔑᐎᓐ  ᐎᒋᐦᐃᐌᐎᓐ ᐎᓐᑫ  ᒥᔑᓇᑐᓐ  ᐅᑕᓄᑭᒃ  ᐅᑎᐸᒋᒧᐎᓂᐗ  ᐁᑭ  ᐸᑭᑎᓂᑲᑌᑭᓐ  ᐅᐦᐅᒪ  ᐅᔑᐱᐦᐃᑫᐎᓂᒃ  ᒥᑭᓯ  ᐅᒐᑉ.    ᑭᓇᐗ  ᑲᐸᑯᓭᓐᑕᒣᒃ  ᐅᐦᐅᒪ  ᑲᐎᐊᓄᑭᔦᒃ  ᓄᕐᐊᓐᑦ, ᑲᐎᓐᑕᓐ  ᐊᓂᓐ  ᑲᑭᐅᓐᒋᑌᐱᓇᒪᓐ  ᐊᓄᑭᐎᓐ  ᐁᑯ  ᑲᐎᓐᑕᓐ  ᐸᑭ  ᑫᑯᓐ  ᑫᑐᑕᒪᓐ  ᑭᔥᐱᓐ  ᐎᑌᐱᓇᒪᓐ  ᐅᐦᐅᒪ  ᐊᓄᑭᐎᓐ.

ᐃᔕᔭᓐ ᑲᔑᐱᒪᑎᓇᒃ

ᔭᐦᐊ  ᑲᕐᑎᔅ  ᑯᔅᑐᕐ, ᐊᑯᒋᓐᒃ ᐊᓄᑭᓇᑲᓐ ᒥᑌᐦᐁ  ᓇᓐᑕᐌᓐᑕᑯᓐ  ᐱᒥᔭᐎᓐ ᐊᓄᑭᐎᓇᒃ  ᑲᔑᐊᓄᑭᓇᓂᐗᒃ  ᑲᔑᑲᐯᔑᓇᓂᐗᒃ.    ᑲᔑᐱᒪᑎᓐᒃ  ᑲᐯᔑᐎᓐ  ᑲᔑᒪᔥᑭᑯᐗᒃ  ᐃᔑᐊᑌ  ᐌᑎ  ᒉᔾᒻᔅ  ᐯᔾ  ᑲᔑᑕᐸᓯᑕᓇᒃ, ᐊᓂ  ᐊᐱᒋ  ᐊᓐᒋᓭ  ᐱᒥᔭᐎᓐ ᑲᑕᓱ  ᐊᓐᑕᑭᐗᒃ.

ᐊᓄᑭᐎ ᑭᑯᓄᐦᐅᒪᑫᐎᓐ ᓄᑯᒻ ᐁᑯ ᐗᐸᒃ

ᔭᐦᐊ  ᐱᕋᓐᑕᓐ  ᒐᒻ, ᑲᐯᔑᐎᓐ  ᐎᒋᐦᐃᐌᐎᓐ ᔭᐦᐃ  ᓂᑕᒻ  ᑲᐎᐅᑕᐱᓇᒪᐸᓐ ᑭᒋ  ᐊᐸᒋᑕᑲᓇᓐ  ᑭᑯᓐᐦᐅᒪᑫᐎᓇᓐ  ᓂᓱ  ᐱᐳᓄᒃ.    ᐸᓂᒪᑕᔥ  ᑲᑭᐸᑭᑎᓂᑯᔭᓐ  ᒋᒪᒋᑐᑕᒪᓐ  ᐗᑎᐸᑯ  ᑭᓯᔅ  2018, ᐎᓐᑫ  ᑭᑭᒋᓀᓐᑕᓐ  ᐁᑯ  ᑭᓭᑫᓐᑕᓐ. ᔭᐦᐃ  ᑲᓂᓯᐌᑭᓇᑾᒃ  ᑭᒋ  ᐊᐸᒋᑕᑲᓇᓐ  ᑭᑯᓄᐦᐅᒪᑫᐎᓇᓐ  ᑫᐅᓐᒋᑭᑫᓐᑕᒪᓐ  ᐊᓂᓐ ᑫᑐᒋᑲᑌᒃ  ᐱᒥᐱᓇᑲᓀᒡ  ᑲᒪᓀᐦᐃᑫᒡ  ᐅᑕᐸᓐ  ᐁᑯ  ᒪᓇᐦᐃᑫᐎ  ᑭᒋᐅᑕᐸᓐ  (ᒪᐗᒡ  ᑲᑭᒋᓀᓂᒪᒃ).  ᑲᑭᓇ  ᑲᐱᒥᑌᑭᓐ  ᑲᐎᒋᐦᐃᐌᒪᑲᒃ  ᑭᒋᐅᓄᑭᐎᓂᒃ  ᐎᐸᒡ  ᐁᑭᔑᑐᔦᓐᒃ  ᐊᓄᑭᐎᓇᓐ  ᐁᑯ  ᑭᑫᓐᑕᒪᓐ  ᐊᓂᓐ  ᑭᑐᑕᐗᒋᑲᑌᑭᓐ  ᑭᒋ  ᐅᑕᐸᓇᒃ  ᑲᐅᓐᒋᑭᒋᓀᓐᑕᑯᔅ ᐊᓄᑭᐎᓂᒃ  ᐅᐦᐅᒪ  ᓄᕐᐊᓐᑦ.

ᑭᒋ ᒪᓂᐱᒋᑲᓐ, ᑲᐊᑲᒋᐱᒥᑴᒡ

ᔭᐦᐊ  ᐊᓚᓐ  ᑯᑦᔅ, ᑲᓂᑲᓂᓯᒡ  ᐅᑭᒪ  ᐁᑯ  ᓯᐃᐅ ᑲᑭᐱᐃᓯᓭᑯᐸᓐ ᓄᕐᐊᓐᑦ  ᐅᑭᐊᓐᑐᑲᑴᒋᒪᓐ  ᐊᓂᔑᓂᐯᒃ  ᐁᑯ  ᑯᑕᑭᔭᒃ  ᑲᑎᐯᓐᒋᑫᐗᒡ  ᔭᐦᐃ ᑲᐎᐃᓇᓄᑭᔦᓐᒃ  ᐅᐦᐅᒪ  ᒥᑭᓯ  ᐅᐗᓯᓴᓂᒃ  ᐊᓯᓂᑫᐎᓂᒃ, ᒥᔑᓐ  ᐊᐎᔭᒃ  ᐅᑭᐸᑯᓭᓐᑕᓇᐗ  ᐁᑯ  ᐁᒥᔕᒃ  ᐊᑭ  ᑲᐎᔑᐊᓄᑭᔦᓐᒃ  ᒋᒪᒋᓭᒃ  ᐃᐦᐃᒪ  ᐊᑭᓐᒃ.

ᑲᔑᐊᓄᑭᓇᓂᐗᒃ ᒥᓄᔭᐎᓐ ᔭᐦᐃᒃ ᑲᔑᐱᒪᑎᓇᒃ ᑲᐯᔑᐎᓐ

ᔭᐦᐊ  ᐯᑯ  ᐌᓐᔅᑐᕐᒡ, ᑲᐯᔑᐎ  ᐅᑭᒪ ᒥᐦᐃᐌ ᐁᐃᔑᑭᑫᓐᒋᑲᑌᒃ ᑲᒥᓄᔭᓂᐗᒃ ᑲᔑᐊᓄᑭᓇᓂᐗᒃ ᑕᑾᒡ ᐁᒥᓄᓭᒃ ᑲᐊᓐᑾᒥᓯᓇᓂᐗᒃ ᐊᓄᑭᐎᓂᒃ. ᐁᑯ 2018 ᓄᕐᐊᓐᑦ ᐅᑭᐯᐊᓄᑲᑕᓐ ᒋᒥᓄᓭᒃ ᒋᒥᓄᔭᓇᓂᐗᒃ ᐁᑯ ᒋᐊᓐᑾᒥᓯᓇᓂᐗᒃ ᐊᓄᑭᐎᓂᒃ ᐁᑯ ᑭᐊᐱᒋᓂᓯᓭ 74% ᔭᐦᐃᓐᒃ TRIFR (ᑲᓇᓇᑲᒋᒋᑲᑌᒃ ᐃᓯᓭᐎᓇᓐ ᑲᐱᑯᓭᒃ ᑲᐊᑭᒋᑲᑌᒃ)