ᓂᑕᒼ ᑲᓂᒪᑕᓄᑭᓇᓂᐗᐠ, ᑲᓇᓇᑲᒋᒋᑲᓂᐗᐠ ᓂᑕᒼ ᑐᒋᑲᑌ ᐊᐦᑭᐎᒪᓯᓇᐦᐃᑲᓂᐠ ᒥᓇ ᐁᓇᑲᒋᐦᐊᑲᓀᐗᐨ ᐊᓯᓂᐠ ᐅᑭᑕᑲᒥᐠ ᑲᔭᐱᐗᐨ ᐁᔑᓂᑲᑌᐠ ᑲᐅᑭᑕᐱᐗᐠ ᐊᓯᓂᐠ᙮ ᐃᐃᒪ ᑲᐃᔑᑭᓂᑾᓇᑌᐠ ᐃᐡᑯᑌᐎ ᐊᐦᑭᑲᐗᒋᓇᓄᐣ ᑲᐃᔑᐊᐱᐗᐨ ᐊᓯᓂᐠ ᐅᑭᑕᑲᒥᐠ ᐁᑭ ᓴᓇᑭᓭᐠ ᒋᓇᓇᑐᑭᑫᒋᑲᓂᐗᐠ ᐊᓄᑭᐎᐣ᙮
ᑭᐡᐱᐣ ᐁᑲ ᑲᑲᐗᐸᒪᑲᓀᐨ ᐊᓯᐣ ᐅᑭᑕᑲᒥᐠ, ᓇᓇᑲᒋᒋᑫᐎᐣ ᑐᒋᑲᑌ ᔕᑄᑌᐱᒋᑫᐎᓇᐣ ᒥᓇ ᐁᓂᑐᒋᑲᑌᑭᐣ ᑲᒧᓇᐦᐊᓯᓂᑲᓂᐗᐠ᙮ ᒧᓇᐦᐊᓯᓂᑫᐎᓇᐣ ᐊᓇᒪᑲᒥᐠ ᑲᐃᔕᒪᑲᑭᐣ ᒥᔕᐗᐣ, ᑯᓯᑯᓄᐣ ᒥᓇ ᐊᐣᒋᐎᒋᑲᑌᐗᐣ ᑲᑭᔑᐸᔭᑯᐱᑌᐠ ᐱᒥᓭᐎᐣ ᐊᐸᒋᒋᑲᑌ ᒥᓇ ᑭᓉᐡ ᐁᐃᓯᓭᐠ ᒥᓇ ᒥᑕᐦᐃ ᐁᒣᑎᓂᑲᓂᐗᐠ ᔓᓂᔭ᙮ ᑭᓇᑕᐌᑕᒥᐣ ᑲᑲ ᐊᑭᐣᑌᐠ, ᑲᑲᒪᔑᒋᑫᒪᑲᐠ ᑐᑕᒧᐎᐣ “ᑲᓇᓇᑕᐗᓯᓂᑲᓂᐗᐠ” ᑲᐃᔑᓇᑯᑭᐣ ᐊᓯᓂᐠ ᐊᓇᒪᑲᒥᐠ ᑲᑲᑴᑌᐱᓂᑲᑌᑭᐣ, ᑭᓇᓇᑲᒋᑐᒥᐣ ᒥᓇ ᑭᐅᓀᑕᒥᐣ ᒋᑭᐊᐸᒋᒋᑲᑌᐠ ᐃᐃᐌ ᑲᑭᔑᐸᓭᐠ ᑲᑭᒋᐳᑕᒋᑫᒪᑲᐠ (RAB) ᒧᓇᐦᐃᑫᐎᐣ - ᒪᐗᐨ ᓂᑕᒼ ᐅᐅᒪ ᑲᐃᔑᑭᓂᑾᓇᑌᐠ ᐃᐡᑯᑌᐎ ᐊᐦᑭᐠ᙮
ᐃᔑ ᐱᒥ ᐊᔭᒥᑐᐣ →
ᓂᓐ ᑯᕐᑕᔅ ᑯᔅᑐᕐ, ᐊᑯᑭᒃ ᐃᔥᑯᓂᑲᓂᒃ
ᓄᑯᒥᑫ ᑭ ᐃᔕᓇᐸᓐ ᐃᐃᒪ ᐅᓐᑌᕆᔪ ᑲᓇᓇᑕᐗᓯᓂᑫᐗᒡ ᑲᓇᑕᐗᐸᒋᑫᐗᒡ ᒪᐗᒋᐦᐃᑎᐎᓐ: ᒥᐦᐅᒪ ᐌᓐᒋᒪᑕᓄᑭᓇᓂᐗᒃ ᐃᐃᒪ ᑕᓐᑐᕐ ᐯ᙮ ᑭᐊᓄᑭᑕᓐ ᐃᐃᐌ Noront ᑲᑭᔑᐊᒋᑫᒡ ᐁᑭᐗᐸᒪᑾ ᔭᐎᔭᒃ ᒥᓇ ᐁᑭᐗᒋᔦᒪᑾ, ᐁᓇᑴᑕᒪᓇᓐ ᑲᑴᑌᐎᓇᓐ ᐅᓐᒋ ᑲᒻᐸᓂ ᒥᓇ ᐁᐎᑕᒪᓐ ᑲᐃᓇᓄᑭᔭᓐ ᐃᐃᒪ ᓄᐱᒥᒃ ᑲᐎᒋᐦᐃᐌᒡ᙮ ᐃᔑ ᐱᒥ ᐊᔭᒥᑐᐣ 
ᐅᐅᐌ ᑲᓂᐱᒃ ᑲᒪᒋᑕᒥᓐ ᒋᓇᓇᑕᐗᐸᒋᑫᔭᒃ ᑲᐃᔑᑎᐯᑕᒪᒃ ᒪᒃᐸᓪᑎᔅ ᓴᑲᐦᐃᑲᓂᒃ ᐊᐦᑭᐎᓐ ᒪᐗᒡ ᓂᑕᒻ ᐊᐸᓐ ᑲᑭᑌᐱᓇᒪᑭᐸᓐ ᑭᓕᑉᔅ ᓂᔓᐊᐦᑭ ᐅᑕᓇᒃ᙮
ᒪᐗᒡ ᑭᒋ ᒥᓉᑕᑯᓐ ᐃᐃᐌ ᒪᒃᐸᓪᑎᔅ ᓴᑲᐦᐃᑲᓂᒃ ᐁᐊᑌᑭᓐ ᐃᓂᐌᓂᐗᓐ ᐅᓴᐗᐱᒃ - ᐗᐱᔅᑭᐊᓯᓂᒃ ᒪᐗᒡ ᓂᑕᒻ ᑲᑭᒥᑲᐗᑲᓀᐗᒡ ᐃᐃᒪ ᑲᐃᔑ ᑭᓂᑾᓇᑌᒃ ᐃᔥᑯᑌᐎᐊᐦᑭᒃ ᑲᑭᒥᑲᐗᑲᓀᐗᒡ ᐅᑕᓇᒃ 2002᙮ ᐅᑯᐌᓂᐗᒃ ᐊᓯᓂᒃ ᑲᑭᒥᑲᐗᑲᓀᐗᐸᓐ ᑭ ᐃᑲᑌᓴᑲᓀᐗᒃ ᐊᐱ ᑲᒥᑲᐗᑲᓀᐗᒡ ᐗᐱᔅᑭᐊᓯᓂᒃ-ᐅᓴᐗᐱᑯᒃ-PGE ᒥᑭᑫᐎᓇᓐ ᑲᑭᒥᑲᐗᑲᓀᒡ ᐃᐃᒪ ᒥᑭᓯᐤ ᐗᓴᓴᓂᒃ ᐊᐱ 2007, ᒥᓇ ᑲᑭᐊᓂᒥᑲᐗᑲᓀᐗᒡ ᒥᔑᓐ ᑲᒪᔥᑲᐎᓯᒡ ᐊᓯᓂᒃ ᐊᐱ 2007 ᐊᑯᓇᒃ 2011᙮
ᐅᐅᐌ ᑲᒪᒋᐊᐦᑭᐗᒃ, ᑭᑐᑕᒥᓐ ᑫᑯᓐ ᐁᑭᒋᓀᑕᑯᒃ ᐁᐎᑕᓄᑭᒪᔭᒃ ᐊᑯᑭᒃ ᐃᔥᑯᓂᑲᓐ (MFFN)᙮ ᒣᑾᒡ ᐊᐳᕈᓪ 12, ᒪᒪᐤ ᑭᐅᔑᐱᐦᐊᒥᓐ ᓇᑯᒥᑎᐎᓐ ᐁᐎᒋᑫᒪᑲᒃ ᐊᓂᓐ ᓂᑕᒻ ᓄᑕᓯᓂᑫᐎᑲᒥᒃ ᐃᐃᒪ ᑲᐃᔑᑭᓂᑾᓇᑌᒃ ᐃᔥᑯᑌᐎ ᐊᐦᑭᒃ ᑫᐃᔑᒪᒋᑕᓂᐗᒃ᙮
ᐅᐅᐌ ᓇᓇᑲᒋᒋᑫᐎᓐ ᒥᓇ ᐊᓄᑭᐎᓐ ᑲᓂᑲᓇᒋᑲᑌᒃ ᓇᑯᒥᑎᐎᓐ ᐅᓐᒋ ᐎᑕᒪᑫᒪᑲᓐ ᐊᓂᓐᑕ ᑲᑭᒋᓀᑕᑯᑭᓐ ᑫᑯᓇᓐ:
ᐊᑯᑭᒃ ᐃᔥᑯᓂᑲᓐ (MFFN) ᑕᑎᐸᐦᐊᒪᐗᑲᓀᐗᒃ ᐊᓄᑭᐎᓐ ᑲᑕᔑᑐᒋᑲᑌᓂᒃ ᐃᐃᒪ ᐅᑕᐦᑭᒥᐗᓐᒃ᙮ 
ᑲᐯᔑᐎᐣ ᑲᓂᑲᓂᐡᑲᐠ, ᐱᑯ ᐌᐣᓯᐟᕒᐅᒼ
ᑲ ᓇᑕᐦᐅᑕᓱᓇᓂᐗᐠ ᐱᒥᑌ ᑌᐺᐗᐣ ᑲᓄᑕᓯᓂᑲᓂᐗᐠ ᑭᐌᑎᓄᐠ ᐅᐣᑌᕒᐃᔪ᙮ ᑲᐱᐳᐠ ᒪᐗᐨ ᐃᔑᒥᓄᓭ ᐅᐅᐌ ᑲᑐᒋᑲᑌᐠ, ᐊᓂᐡ ᑲᑭᐅᔑᑐᒥᐣ ᒥᑯᒥᑲᐠ ᑲᐃᔑᐳᓂᒪᑲᐠ ᑲᒥᔕᑭᐣ ᐱᒥᓭᐎᓇᐣ᙮ ᑲᐱᐳᐠ ᐱᒥᓭᐎᓇᐣ ᑕᑭᐱᒪᐦᐅᑕᓱᒪᑲᓄᐣ ᓂᔀ ᐊᐗᔑᒣ ᓂᐱᓂ ᐱᒥᓭᐎᓇᐣ ᑲ ᐊᐸᒋᑐᔭᐠ ᒣᑾᐨ ᑲᓂᐱᐠ᙮
ᓂᒪᒋᑕᒥᐣ ᐎᐸᐨ ᑲᓂᐱᐳᐠ ᐁᐸᐡᑾᐦᐃᑫᔭᐠ ᒥᑯᒥᑲᐠ ᐃᐃᒪ ᑯᐳᕒ ᓴᑲᐦᐃᑲᓂᐠ ᒋᑭᐸᑲᑎᐠ ᒥᑯᒥᑲᐠ᙮ 
ᑭᑭᒋᐅᑕᒥᒥᐣ ᐅᐅᐌᑎ ᐅᑕᓇᐠ ᑲᐱᑭᓯᓱᐗᐠ ᐁᑭᒪᑕᓄᑭᑕᒪᐠ ᓂᑕᒼ ᐯᔑᐠ ᐃᐃᐌ ᑲᐱᐳᐠ ᓇᓇᑐᑭᑫᒋᑫᐎᐣ ᑕᓄᑭᐎᓂᓇᐣ᙮
ᑭᒪᒋᑕᒥᐣ ᐁᑭᐅᑕᐱᓇᒪᐠ ᑲᑭᒧᓇᐦᐃᑲᑌᑭᐣ ᐊᓯᓂᐠ ᐃᐃᒪ ᒪᐠᐸᓬᐟᐢ ᐅᓴᐎᐱᐗᐱᑯ ᐊᓯᓂᐠ VMS ᐊᐦᑭᑲᐠ ᒥᓇ ᐁᑭᐱᑭᐌᑐᔭᐠ ᐃᐃᒪ ᐁᐢᑯᕒ ᑲᐯᔑᐎᓂᐠ ᒋᓇᓇᑲᒋᒋᑲᑌᑭᐣ - ᑲᐎᐣ ᒋᐊᑲᓯᐠ ᐅᐅᐌ ᐊᓄᑭᐎᐣ ᐁᐎᑕᒪᑯᔦᐠ! ᑲᐎᐣ ᐅᐣᒋᓯᓭᓯᓄᐣ ᒋᑭᓇᓇᑲᒋᑐᔭᐠ ᐅᑯᐌᓂᐗᐠ ᐊᓯᓂᐠ ᐊᐱ ᑲᑭᑌᐱᓇᒪᐠ ᓇᑲᒋᒋᑫᐎᐣ Cliffs ᒣᑾᐨ 2015᙮ ᐊᔕ ᐁᑭᑌᐱᓇᒪᐠ, ᑲᓇᓇᑲᒋᐊᓯᓂᑫᐗᐨ ᑭᒋᐅᑕᒥᐗᐠ ᐁᑭᐌᓇᑲᒋᐦᐊᑲᓀᐗᐨ ᒧᓇᐦᐊᓯᓂᐠ ᒋᑭᓂᓯᑕᐎᓂᑲᑌᑭᐣ ᑲᐃᔑᓇᑯᓯᐗᐨ ᐊᓯᓂᐠ ᐃᐃᒪ ᑲ ᐊᐱᐗᐨ᙮ 
ᐗᐸᑕᒧᐠ ᐅᐅᐌ ᒥᑭᓯ ᐅᒐᑊ, ᐅᐅᐌ ᑎᐸᒋᒧ ᒪᓯᓇᐦᐃᑲᐣ ᐁᑭᓇᒋᑫᔭᐠ ᒋᐅᔑᒋᑲᑌᐠ ᐁᑕᔀ ᓂᓱ ᑭᓯᐢ ᐃᓯᓭᐠ ᒋᑎᐸᒋᒧᒪᑲᐠ ᐁᑐᒋᑲᑌᐠ ᑲᓂ ᐊᐱᑕᓄᑭᔭᐠ ᐃᐃᒪᓀᑫ ᑲᐃᔑ ᑭᓂᑾᓇᑌᐠ ᐃᐡᑯᑌᐎ ᐊᐦᑭᐠ᙮
ᑌᐱᓇᒥᐣ ᐱᐗᐱᑯᐠ ᐅᔑᐱᐦᐃᑲᓇᐣ ᒥᓇ ᐁᐱᑲᓄᓂᑯᔭᐠ ᐁᑕᓱᑭᔑᑲᐠ ᔭᐎᔭᐠ ᐁᐎᑭᑫᑕᒧᐗᐨ “ᐊᓀᐣ ᑐᒋᑲᑌᐠ?”, ᒥᐌᑕᐡ ᑫᑐᑕᒪᐠ ᒋᐎᑕᒪᑯᔦᐠ ᐁᐣᑐᑕᒪᐠ ᒣᑾᐨ, ᐊᐗᓀᓇᐠ ᐁᑕᑯᓇᑲᓀᐗᐨ ᒥᓇ ᐁᑯᓀᐣ ᑲᐅᓀᑕᒪᐠ ᑫᑐᒋᑲᑌᐠ ᐌᒋᑐᒋᑲᑌᑭᐣ᙮ ᑲᐗᐸᑕᓇᐣ ᐊᓄᑭᓇᑲᓇᐠ ᑲᑲᑴᒋᒪᑲᓀᐗᐨ ᑫᑯᓇᐣ—ᐁᒪᒋᑕᓂᐗᐠ ᐅᐅᒪ ᑎᐸᒋᒧᐎᓂᐠ ᐁᑎᐸᒋᒪᑲᓀᐨ ᐊᐊᐌ ᐁᐢᑯᕒ ᑲᐯᔑᐎᓂᐠ ᑲᑭᔑᑌᐳᐨ ᒥᓇ ᑲᒪᐡᑭᑭᐎᓂᓂᐎᐨ, ᓈᕒᒪ ᐊᒋᓂᐱᓀᐡᑲᒼ— ᑲᑐᑕᒪᐠ ᒥᓇ ᑲᐃᔑᓇᓇᑕᐗᐸᒋᑫᔭᐠ ᑎᐸᒋᒧᐎᓇᐣ, ᐊᓄᑭᐎᓇᐣ ᑎᐸᒋᒧᐎᐣ ᒥᓇ ᒥᔑᐣ ᒪᓯᓇᑭᓯᑲᓇᐣ᙮ 