ᐸᐧᕋᐣᑎᐣ ᓀᐢᑕ ᐯvᑯ ᓀᐢᑕ ᐸᕐᑊ ᑲᓂᐸᐧᐃᒋᐠ ᓂᑲᐣ ᐊᐸᑎᓯᐧᐃᑲᒥᑯᐠ
ᐯᓪᑯ ᐧᐁᐣᐢᑐᑦ ᑲᐅᑭᒪᐧᐃᐟ
ᒥᓄᐅᑎᓂᑲᑌᐤ ᐁ ᒥᓄᐱᒪᑎᓯᒪᑲᐠ ᑲ ᐃᔑ ᐊᐸᑎᓯᓇᓂᐧᐊᐠ᙮ 2018 ᓄᐧᕋᐣᐟ ᑫᓂᑯᐠ ᑭ ᐊᐸᑎᓯᐤ ᐁᐧᐃ ᒥᓄᐸᓂᐧᑕᐟ ᑲ ᐃᔑ ᐊᐸᑎᓯᒪᐧᐃᐟ᙮ ᒥᓄᐱᒪᑎᓯᐧᐃᓂᐠ ᓀᐢᑕ ᐊᐧᑲᒥᓯᐧᐃᓂᐠ ᐁᑭᐧᐊᐸᑕᐠ ᑲ ᐃᐢᐸᓂᓂᐠ 74% ᐁ ᑭ ᐊᒍᐧᐃᐸᓂᓂᐠ ᐁᑲ ᓱᑭ ᑫᐧᑲᐣ ᐁ ᐅᒋ ᒪᓂᐸᓂᓂᐠ᙮
ᐁ ᐃᐧᑕᓂᐧᐊᐠ 2018 ᐊᓂᑭ ᑲ ᐊᐸᑎᓯᐟ ᓄᐧᕋᐣᐟ ᑲᓇᑫ ᓀᐧᐊ ᐃᓂᑯᐠ ᐁᑲ ᑲᓇᑫ ᐁ ᐅᒋ ᐊᑯᐃᑎᓱᐟ ᐊᐧᐁᓇ ᑭᒋ ᑭ ᒪᓯᓇᑌᓂᐠ ᐊᑕ ᑫᓂᑯᐠ ᐁ ᐊᐸᑎᓯᐟ ᐅᒪ ᒪᑲ ᐁ ᐃᑭᐠ ᓄᐧᑲᐣ ᑭᒋ ᐧᑲᔭᐢᐠ ᐁ ᐃᑕᐧᑲᐠ ᓇᓇᑲᒋᐃᐧᐁᐧᐃᐣ ᐊᐣᑕ ᐁᐢᑯᕐ ᑲᑦᐱᐠ᙮ 2019, ᐧᐃᑲᓇᐧᐊᐸᒋᑲᑌᐤ ᒥᓄᐱᒪᑎᓯᐧᐃᐣ ᐅᐡᑭ ᐊᑐᐢᑫᐧᐃᐣ ᒥᓄᐱᒪᑎᓯᐧᐃᓂᐠ ᒥᓯᐧᐁ ᐃᔑ᙮
ᐅᒪ ᐊᑐᐢᑫᐃᐣ ᑭ ᑭᒋᑕᓂᐧᐊᐣ ᑲᐡᑲᑎᓂᓯᐤ 2018, ᐃᐢᐱ ᑲ ᐊᑐᑕᑕᓂᐧᐊᑭᐸᐣ ᑲ ᐃᔑ ᑲᐧᑫᒋᓇᓂᐧᐊᐠ ᑲ ᐃᑕᐧᑲᐠ ᑲᑦᐱᐠ ᐱᑐᐡ ᑭ ᐃᔑ ᐸᑭᑎᓂᑲᑌᐤ ᐁᒥᔕᐠ ᒪᑭᐧᐊᐢᑯᓂᑲᓂᐠ ᐁᒥᐢᑎᑯᐧᐊᐠ᙮ ᑭᒥᔕᐤ ᐊᐸᑎᓯᐧᐃᐣ ᐅᒪ ᑲ ᑭᑐᒋᑲᑌᐠ ᐊᑕ ᐁᒥᔕᐠ ᐊᐸᑎᓯᐧᐃᐣ ᐅᑕ ᑲ ᐃᔑ ᐃᑕᐧᑲᐠ ᑲ ᐃᔑ ᑕᔑᑲᓂᐧᐊᐠ ᔕᑯᐨ ᑭᐢᑌᓂᑕᐧᑲᐣ᙮ ᒣᐧᑲᐨ ᐊᑕ ᐁᓇᓂᐧᑫᔦᑭᐸᓂᐠ ᑲ ᐃᔑ ᐊᑐᐢᑲᓂᐧᐊᐠ ᑭ ᑲᐡᑭᑕᓂᐧᐊᐣ ᑭᒋ ᒪᒥᓄᐃᑲᑌᑭ ᑲ ᑭ ᐅᒋ ᐅᑎᓂᑲᑌᑭ ᐊᐣᑕ ᑲ ᐊᐸᑕᐧᑲᐸᐣ᙮ ᐁ ᑭ ᐊᒋᑕᓂᐧᐊᑭ ᐊᐸᐧᑲᓇ ᓀᐢᑕ ᒥᓇ ᐁ ᑭᐸᑭᑎᓂᑲᑌᑭ ᐅᒥᓂᐢᑭᐧᐃᔭᐱᔭ᙮ ᓀᐢᑕ ᐁ ᑭ ᐅᔑᐊᑲᓂᐧᐃᐟ ᐊᔓᐧᑲᐣ ᑫ ᐃᔑ ᐱᒧᑕᓂᐧᐊᐠ ᓀᐢᑕ ᐃᐡᑯᑌᑲᐣ ᐁ ᑭ ᐸᑭᑎᓂᑲᑌᐠ ᓀᐢᑕ ᐁ ᑭᔑᔓᐯᐃᑲᑌᐠ ᒧᒋᑕᐠ᙮ ᐱᑯ ᒪᑲ ᐁ ᑭ ᐊᑎ ᐊᑐᑕᑕᓂᐧᐊᐠ ᑲᒥᔕᐠ ᑲ ᐱᒧᑕᓂᐧᐊᐠ ᐱᐧᐊᐱᐢᑯᐠ ᑲ ᐱᑦᐸᓂᐠ ᓀᐢᑕ ᓇᓇᑲᐤ ᐧᑲᐧᑫᒋᐅᓇᐱᐢᐧᑲ᙮
ᐊᔕᔾ ᒪᑲ ᐃᑕᐧᑲᐣ ᑲ ᐃᔑ ᒣᑕᐧᐊᓂᐧᐊᐠ ᐃᑌᓂᒋᑲᑌᐤ ᒪᑲ ᑯᑕᑭᔭ ᓇᓇᑲᐤ ᑫᐧᑲᓇ ᑭᒋ ᐸᑭᑎᓂᑲᑌᑭ ᐊᐣᑕ ᓀᐢᑕ ᑭᒋ ᐃᑕᐟ ᑫ ᑭᐢᑭᓄᐊᒪᑫᐟ᙮ ᓇᓇᑲᐤ ᐱᑯ ᑲ ᐊᐸᑕᑭ ᐁᑲᐧᑫᒋᓇᓂᐧᐊᐠ ᓀᐢᑕ ᔕᔕᔑᐱᐧᐊᑲᓂᐧᐊᐠ ᓀᐢᑕ ᑕᐃᑕᐧᑲᐣ ᐁᑲ ᑫ ᑭ ᐅᒋ ᑭᓂᔓᓇᓂᐧᐊᐠ ᓀᐢᑕ ᑕᐃᑕᐧᑲᐣ ᑌᓚᐱᔑᐣ᙮ ᐱᑐᐡ ᓀᐢᑕ ᑕᑎᔑᓇᑯᑕᓂᐧᐊᐧᓇ ᓇᐧᐊᒋᐧᐃᓇ ᑭᔐᐸᐧᐊᑕᑭᓇᑦ ᐊᑯᒋᑫ᙮ ᓀᐢᑕ ᑲᑕ ᐃᑕᐧᑲᐧᓇ ᑫ ᐃᔑ ᐊᐧᓀᐱᓇᓂᐧᐊᐠ ᐧᐃᓂᐸᑌ ᐊᐧᐁᓇ᙮ ᒥᑭᓯᐧᐃᐱᓯᑦ ᑯᐧᑕᓱ ᐱᐳᐣ ᑲ ᐅᒋ ᐊᐸᒋᐃᐟ ᓄᐧᕋᐣᐟ ᒥᐢᑕᐃ ᓂᐧᐊᐸᑌᐣ ᐁ ᐊᑎ ᒥᓄᐸᓂᐠ᙮ ᐊᐧᑲᒥᓯᐧᐃᐣ ᒥᓯᐧᐁ ᐃᑕᐧᑲᐣ ᐅᑕ ᑲ ᐃᔑ ᐊᐸᑎᓯᓇᓂᐧᐊᐠ᙮ ᓀᐢᑕ ᑲ ᐃᑕᒋᑲᓂᐧᐊᐠ ᐁᐧᐊᐸᑕᒪᐣ ᑭᒋ ᑭ ᐅᒋ ᒥᓄᐱᒪᑎᓯᓇᓂᐧᐊᐠ ᐁᐸᑭᑎᓂᑲᑌᐠ ᐅᑕ ᑲ ᐃᔑ ᐊᐸᑎᓯᓇᓂᐧᐊᐠ ᑕᐱᐡᑯᐨ ᑲ ᐃᐧᑌᐟ ᐧᐁᔾᐣ ᐱᓪᐟᐢ ᑕᐧᐯ ᑲ ᐃᐧᑌᐟ᙮
ᑯᐧᑕᐢ ᐁ ᑭᒋ ᑲᐡᑭᐅᒋᐠ ᐣᑐᑯᓄᓇᐠ ᑕᐣᑕ ᐱᑯ ᒧᓇ ᐊᐧᐁᓇ ᑲᑕ ᑭ ᐊᐧᓀᑕᑦ ᐁ ᑭᒋ ᒥᓄᒐᑲᓯᑫᐟ ᐱᓯᑦ ᓂᐱᔾ ᓀᐢᑕ ᐧᑲᔭᐢᐠ ᐁ ᐊᐧᓀᐱᓇᓂᐧᐊᐠ ᐁᒥᓇᔑᐠ ᓀᓀᐧᐃᐣ ᓀᐢᑕ ᐁᑲᐧᑫᒋᓇᓂᐧᐊᐠ ᓀᐢᑕ ᐧᑲᔭᐢᐠ ᐁ ᐃᑕᒋᑲᓂᐧᐊᐠ ᑕᐧᑌᐣ ᒥᓯᐧᐁ ᐅᐅ ᑫᐧᑲᓇ ᐁ ᐊᔭᔭᐠ ᐅᑕ ᑲᑦᐱᐠ᙮